ប្រទេសអ៊ុយក្រែន ៖ បាតុករជាច្រើនពាន់នាក់កាលពីថ្ងៃទី១០ ធ្នូ បានដើរហែក្បួននៅទីក្រុងកៀវប្រឆាំងការចាប់ខ្លួនអតីតប្រធានាធិបតីហ្ស៊កហ្ស៊ី លោក MIKHEIL SAAKACHVILI ហើយទាមទារឱ្យប្រមុខរដ្ឋលោកប៉េត្រូ ប៉ូរ៉ូឆេនកូ លាលែងចេញពីតំណែង ។
លោក SAAKACHVILI អតីតសម្ព័ន្ធមិត្តរបស់ប្រធានាធិបតីអ៊ុយក្រែនដែលក្លាយទៅជាអ្នកប្រឆាំងយ៉ាងប្តូរផ្តាច់ត្រូវគេចោទថា មានទំនាក់ទំនងជាមួយអង្គការឧក្រិដ្ឋមួយ ។
លោកត្រូវចាប់ខ្លួនលើកទីមួយកាលពីថ្ងៃទី៥ ធ្នូ នៅទីក្រុងកៀវ តែអាចគេចផុតពីប៉ូលិសដោយពួកអ្នកគាំទ្រលោករារាំង ប៉ុន្តែលោកត្រូវគេចាប់នាថ្ងៃទី៨ ធ្នូ ។
លោក SAAKACHVILI ដែលកាន់អំណាចនៅហ្សកហ្ស៊ីពីឆ្នាំ២០០៤ដល់២០១៣ ត្រូវ
បានលោកប៉ូរ៉ូឆេនកូ ជាអ្នកផ្តល់សញ្ជាតិអ៊ុយក្រែន ហើយតែងតាំងជាអភិបាលតំបន់ ODESSA ភាគខាងត្បូងអ៊ុយក្រែនកាលពីខែឧសភា ឆ្នាំ២០១៥ ។ លោកត្រូវលាលែងពី
តំណែងនេះ១៨ខែក្រោយមក ដោយទទួលការចោទប្រកាន់ពីបទពុករលួយ និងរារាំងដល់ការអភិវឌ្ឍន៍បន្ទាប់មកត្រូវដកសញ្ជាតិអ៊ុយក្រែន ។
អតីតប្រធានាធិបតីហ្សកហ្ស៊ីចាប់ផ្តើមធ្វើកូដកម្មអត់អាហារប្រឆាំងការឃុំឃាំងរូបលោក។ តុលាការអ៊ុយក្រែនត្រូវប្រកាសពីការឃុំឃាំងខ្លួនលោកនៅក្នុងផ្ទះ ៕
ចែករំលែកព័តមាននេះ