រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ពេលនេះ ស្ថិតក្នុងសង្កាត់ទឹកថ្លា ក៏កើតមានករណីអគ្គិភ័យមួយទៀត ខណៈដែលមានរថយន្តពន្លត់ជាច្រើនគ្រឿង បានចេញទៅអន្តរាគមន៍បន្តបន្ទាប់គ្នាហើយ នារសៀលថ្ងៃទី១១ ធ្នូ នេះ ។
គួររំលឹកផងដែរថា អគ្គិភ័យទើបតែលេបត្របាក់ផ្ទះចំនួន២ខ្នង ដែលមួយខ្នងភ្លើងឆេះអស់ទាំងស្រុង និងមួយខ្នងទៀតភ្លើងតែឆេះត្របាញ់ ដោយក្នុងផ្ទះមានចតរថយន្តម៉ាកឡិសស៊ីសមួយគ្រឿងផងដែរ កើតឡើង នារសៀលថ្ងៃទី១១ ធ្នូ ដដែលនេះ ស្ថិតនៅបណ្តោយមហាវិថីបណ្ឌិតម៉ុងប្ញទ្ធី ក្នុងសង្កាត់ទួលសង្កែ២ ខណ្ឌប្ញស្សីកែវ ។
សេចក្តីរាយការណ៍ចុងក្រោយថា គិតនៅត្រឹមវេលាម៉ោង០៣ និង២០នាទីរសៀលថ្ងៃដដែលនេះ ភ្លើងបានរលត់វិញអស់ ដោយផ្ទះចំនួន៤ខ្នងត្រូវភ្លើងឆេះទាំងស្រុង, រថយន្ត១គ្រឿង និងម៉ូតូផងដែរ ។ ករណីនេះ ត្រូវគេដឹងថា ភ្លើងបានឆេះចេញពីផ្ទះមួយខ្នង មានលេខ69ឆ ទំហំ១២គុណ២០ ឈើលើថ្មក្រោម ដែលមានម្ចាស់ឈ្មោះយី សុខុម ភេទប្រុស ដោយបានជួលឱ្យនិស្សិតស្នាក់នៅ ។ បន្ទាប់មក ក៏បានឆេះរាលដល់៣ខ្នងទៀតផងដែរ ។ បច្ចុប្បន្ន អាជ្ញាធរកំពុងស្វែងរកម្ចាស់ដែលជួលផ្ទះខាងលើនោះហើយ ។
ចែករំលែកព័តមាននេះ