គង់ ច័ន្ទស្រីមុំ រំភើបស្រក់ទឹកភ្នែកពេលដឹងដំណឹងនេះ ក្រោយខកចិត្តម្តង
- ភ្នំពេញ
រាជធានីភ្នំពេញ ៖ អ្នកនាង គង់ ច័ន្ទស្រីមុំ និងលោក គឹម សីហា បានរៀបការអស់រយៈពេលច្រើនឆ្នាំមកហើយ ។…
រាជធានីភ្នំពេញ ៖ អ្នកនាង គង់ ច័ន្ទស្រីមុំ និងលោក គឹម សីហា បានរៀបការអស់រយៈពេលច្រើនឆ្នាំមកហើយ ។ អ្នកទាំង២ចង់បានកូនខ្លាំងណាស់ ប៉ុន្តែទើបតែបានសមតាមបំណងនាពេលនេះ ។
តារាសម្តែង គង់ ច័ន្ទស្រីមុំ ធ្លាប់ពពោះម្តងមកហើយ ប៉ុន្តែអកុសលបានរលូតចេញធ្វើឱ្យនាង និងសា្វមី សោកស្តាយយ៉ាងខ្លាំង ។ នៅពេលបានដំណឹងល្អថា ភរិយាមានផ្ទៃពោះនាពេលនេះ លោកសីហា យកចិត្តទុកដាក់នាំភរិយាទៅឱ្យគ្រូពេទ្យពិនិត្យ ដើម្បីថែរក្សាកូនឱ្យបានគង់វង្ស ។
ដោយក្តីអំណរលោក គឹម សីហា សរសេរលើហ្វេសប៊ុករបស់ខ្លួនកាលពីពេលថ្មីៗកន្លងមកថា «សួរខ្លួនឯងថា មានអាម្មណ៍ម៉េចដែរ នៅពេលព្រឹកឡើងភ្ញាក់ពីគេង ប្រពន្ធចេញពីបន្ទប់ទឹកហើយយំ ! គាត់ប្រាប់ថា បង! យើងមានហើយ ។ ក្នុងចិត្តត្រេកអរជាខ្លាំង អត់គិតអីច្រើន នាំគ្នាទៅពេទ្យអូន ដើម្បីឲ្យច្បាស់ និងបានត្រៀមខ្លួន ។ លទ្ធផលបញ្ជាក់ថាមានផ្ទៃពោះ៦សប្តាហ៍៣ថ្ងៃហើយ » ។
នៅព្រឹកថ្ងៃទី៣០ វិច្ឆិកា ២០១៧ អ្នកនាង គង់ ចាន់ស្រីមុំ ក្នុងឈុតគេងបានបង្ហាញរូបភាពនៃអាការចាញ់កូនរបស់នាង ៕
ចែករំលែកព័តមាននេះ