សម្តេចតេជោ ៖ អរគុណជនរួមជាតិ និងបងប្អូនអតីតគណបក្ស CNRP
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ២៤ វិច្ឆិកា នេះ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ២៤ វិច្ឆិកា នេះ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ២៤ វិច្ឆិកា នេះ បានសរសេរសារក្នុងបណ្តាញសង្គមហ្វេសប៊ុកផ្លូវការរបស់សម្តេច បង្ហាញការ «អរគុណ» ជនរួមជាតិ និងកូនក្មួយទាំងអស់ដែលបានចូលរួមថែរក្សាសន្តិភាព និងអរគុណបងប្អូនមកពីគណបក្សនានា ជាពិសេសមកពីអតីតគណបក្ស CNRP ។
សម្តេចតេជោបន្ថែមថា គ្រប់ៗគ្នាដែលបានមកដល់កម្ពុជា គឺបានឃើញកម្ពុជាពិតប្រាកដ «ជាប្រទេសដែលមានសុខសន្តិភាព រីកចម្រើន ប្រជាពលរដ្ឋរស់នៅសុខសាន្ត និងប្រកបរកស៊ីទទួលទានបានគ្រប់ទីកន្លែង ហើយជាពិសេស គឺកូនក្មួយចៅៗសិស្សានុសិស្សមានឱកាសបានសិក្សារៀនសូត្រចាប់តាំងពីទីក្រុងរហូតដល់ជនបទ»។
សម្តេចបានបន្ថែមថា សុខសន្តិភាព គឺបាននិងកំពុងទាក់ទាញវិនិយោគទុនបរទេសជាច្រើនមកកម្ពុជា។ ស្ថេរភាពនយោបាយ និងសង្គម ព្រមជាមួយនឹងភាពរស់រាយរាក់ទាក់របស់កម្ពុជា គឺបានទាក់ទាញទេសចរជាង ៥លាននាក់ មកកំសាន្តនៅប្រទេសយើង ដែលនាំមកប្រាក់ចំណូលយ៉ាងសន្ឋឹកសន្ឋាប់។ ការរីកចម្រើនទាំងអស់នេះ គឺបានមកពីការចូលរួមរបស់បងប្អូនជនរួមជាតិទាំងអស់។
សម្តេចនាយករដ្ឋមន្ត្រីបន្តថា ៖ «អរគុណជនរួមជាតិ និងកូនក្មួយទាំងអស់ដែលបានចូលរួមថែរក្សាសន្តិភាព និងអរគុណបងប្អូនមកពីគណបក្សនានា ជាពិសេសមកពីអតីតគណបក្ស CNRP ដែលបានសម្រេចចិត្តចូលរួមរស់បម្រើប្រទេសជាតិជាមួយគណបក្សប្រជាជន ដើម្បីយើងមានឱកាសជំរុញការកសាង និងអភិវឌ្ឍន៍ប្រទេសជាតិឱ្យកាន់តែឆាប់រីកចម្រើនរុងរឿងលឿនទៅមុខ»៕
ចែករំលែកព័តមាននេះ