សារព័ត៌មានបរទេសកាលពីពេល ថ្មីៗកន្លងមកផ្សាយថា ខ្សែជីវិតម្តាយ និងកូនមួយគូនៅប្រទេសចិនបានរស់នៅយ៉ាងត្រដាបត្រដួស ព្រោះម្តាយត្រូវថែទាំកូនប្រុសដែលរាងកាយឈប់លូតលាត់តាំងពីអាយុ២ឆ្នាំ ។ បច្ចុប្បន្នគេមានអាយុ៣០ឆ្នាំនៅតែត្រូវការការថែទាំយ៉ាងដិតដល់ ព្រោះការមិនរីកលូតលាស់បានកើតឡើងទាំងលើរាងកាយ និងសតិបញ្ញា ។…
សារព័ត៌មានបរទេសកាលពីពេល ថ្មីៗកន្លងមកផ្សាយថា ខ្សែជីវិតម្តាយ និងកូនមួយគូនៅប្រទេសចិនបានរស់នៅយ៉ាងត្រដាបត្រដួស ព្រោះម្តាយត្រូវថែទាំកូនប្រុសដែលរាងកាយឈប់លូតលាត់តាំងពីអាយុ២ឆ្នាំ ។ បច្ចុប្បន្នគេមានអាយុ៣០ឆ្នាំនៅតែត្រូវការការថែទាំយ៉ាងដិតដល់ ព្រោះការមិនរីកលូតលាស់បានកើតឡើងទាំងលើរាងកាយ និងសតិបញ្ញា ។
២នាក់ម្តាយកូននោះរស់នៅទីជនបទក្នុងភូមិវ៉ាងហ្វាន ស្រុកយ៉េស៊ី ខេត្តអានហ៊ុយ ភាគខាងកើតប្រទេស ។ អ្នកស្រីជាម្តាយឈ្មោះឈូ សៀវភីង អាយុ៥២ឆ្នាំ បញ្ជាក់ប្រាប់ទូរទស្សន៍ «CCTV » របស់ចិន ថា កូនប្រុសរបស់គាត់ឈ្មោះវ៉ាង ធៀនហ្វាង ឈប់រីកលូតលាស់តាំងពីអាយុពី២ទៅ៣ឆ្នាំ កម្ពស់ត្រឹមតែ៨០សង្ទីម៉ែត្រប៉ុណ្ណោះ គាត់មិនដឹងថាហេតុអីបានជាដូច្នេះទេ ។ ការដែលកូនរស់នៅបានរហូតដល់សព្វថ្ងៃគ្រូពេទ្យបញ្ជាក់ថាគឺជារឿងអច្ឆរិយមួយរបស់គេ។ កូនដែលមានលក្ខណៈបែបនេះ ម្តាយខ្លះអាចយកទៅទុកឲ្យរស់នៅវត្ត ប៉ុន្តែគាត់មិនធ្លាប់គិតបែបនេះឡើយ ក្តីប្រាថ្នាដ៏ធំរបស់គាត់ គឺចង់ឮកូនហៅថាម្តាយមួយម៉ាត់ ខណៈបច្ចុប្បន្នគេមិនអាចនិយាយបានទេ ។
អ្នកស្រីឈូ បញ្ជាក់ថា គាត់ប្រកបរបរចិញ្ចឹមជីវិតដោយរើសស្លឹកតែនៅលើកំពូលភ្នំ និងស៊ីឈ្នួលបោកគក់សម្លៀកបំពាក់នៅទីប្រជុំជន ។ នៅពេលចេញទៅបម្រើការងារនៅទីក្រុងគាត់ពឹងអ្នកជិតខាងឱ្យជួយមើលថែទាំកូនប្រុស ។ អ្នកស្រីជាម្តាយនិយាយថា «ខ្ញុំនឹងថែទាំកូនជារៀងរហូត និងចង់ឱ្យគេមានអាយុវែង ហើយស្បែករបស់គេចាប់ផ្តើមប្រេះនៅរដូវរងា ។ អ្វីដែលខ្ញុំមានក្តីសង្ឃឹម គឺចង់ឱ្យគេមានអាយុវែង ខ្ញុំមិនចង់ឃើញគេស្លាប់ឡើយ»៕
ចែករំលែកព័តមាននេះ