ខេត្តសៀមរាប ៖ រយៈពេល១ថ្ងៃ កម្លាំងនគរបាលការិយាល័យ ប្រឆាំងគ្រឿងញៀន ខេត្តសហការជាមួយកម្លាំងចំណុះឲ្យស្នងការដ្ឋាននគរបាលខេត្តសៀមរាបចុះបង្ក្រាបរហូតឈានដល់ធ្វើការឃាត់ខ្លួនបានជនសង្ស័យប្រុស- ស្រីចំនួន៩នាក់ នៅ៣ទីតាំងផ្សេងគ្នាក្នុងនោះ២នាក់ បញ្ជូនទៅមណ្ឌលកែប្រែ និង៧នាក់បញ្ជូនទៅតុលាការ ។ ហេតុការណ៍ចុះប្រតិបត្តិការបង្ក្រាបករណីគ្រឿងញៀនធ្វើឡើងនៅថ្ងៃទី ២០ ខែវិច្ឆិកា ឆ្នាំ២០១៧ ។
កម្លាំងការរិយាល័យប្រឆាំងគ្រឿងញៀនខេត្តបានប្រាប់ថា ជនសង្ស័យ ប្រុស-ស្រីទាំង៩នាក់ ទី១- ថោង ថានុត្ត ភេទប្រុស អាយុ១៩ឆ្នាំ មុខរបរបុគ្គលិកហាង ទីលំនៅភូមិផ្អេរ ឃុំផ្អេរ ស្រុកកំពង់ឆ្នាំង ខេត្តកំពង់ឆ្នាំង ទី២- លួន នុយ ភេទប្រុស អាយុ១៩ឆ្នាំ មុខរបរគ្មានទីលំនៅភូមិអូរ ឃុំសង្វើយ ស្រុកសូទ្រនិគម ខេត្តសៀមរាប ទី៣- សាយ រ៉ាឌី ភេទប្រុស អាយុ២១ឆ្នាំ មុខរបរសិស្ស ទីលំនៅភូមិគោកតាចាន់ សង្កាត់គោកចក ក្រុង- ខេត្តសៀមរាប ទី៤ – ចាន់ អាមួយ ភេទស្រី អាយុ១៧ឆ្នាំ មុខរបរបុគ្គលិក នៅភូមិអូរ ឃុំសង្វើយ ស្រុកជីក្រែង ខេត្តសៀមរាប ទី៥-សៀន គីមឡេង ភេទប្រុស អាយុ១៩ឆ្នាំ មុខរបរគ្មាន ទីលំនៅភូមិទ្រាំង សង្កាត់ស្លក្រាម ក្រុង-ខេត្តសៀមរាប ទី៦- សែន រ៉ាឌី ភេទប្រុស អាយុ២៧ឆ្នាំ មុខរបររត់ម៉ូតូឌុប ស្នាក់នៅបន្ទប់ជួល ភូមិសាលាកន្សែង សង្កាត់ស្វាយដង្គំ ក្រុងសៀមរាប ទី៧- ជី ម៉ី ភេទប្រុស អាយុ២៤ឆ្នាំ មុខរបរបុគ្គលិកហាង ស្នាក់នៅបន្ទប់ជួល ភូមិសាលាកន្សែង សង្កាត់ស្វាយដង្គំ ក្រុងសៀមរាប ទី៨- លាំ នុត ភេទប្រុស អាយុ១៥ឆ្នាំ មុខរបរគ្មាន រស់នៅភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប និងទី៩- សៀង សុធន់ ភេទប្រុស អាយុ២០ឆ្នាំ មុខរបរគ្មាន រស់នៅភូមិលលៃ ឃុំបាគង ស្រុកប្រាសាទបាគង ខេត្តសៀមរាប ពួកគេទាំងអស់សុទ្ធតែមានសារធាតុញៀនក្នុងខ្លួន ។
កម្លាំងនគរបាលការិយាល័យប្រឆាំងគ្រឿងញៀនខេត្ត បានដកហូតវត្ថុតាង ម្សៅមេតំហ្វេតាមីនប្រភេទទឹកកកចំនួន០២កញ្ចប់ ស្មើនឹង ទំងន់០,៣ក្រាម ទាំងសំបកទូរស័ព្ទដៃចំនួន០៤ គ្រឿង និងឧបករណ៍ប្រើប្រាស់គ្រឿងញៀនមួយចំនួន ។
បច្ចុប្បន្នជនសង្ស័យប្រុស-ស្រីទាំង៩នាក់ ក្នុងនោះមាន២នាក់ បញ្ជូនទៅមណ្ឌលកែប្រែ ព្រមទាំងវត្ថុតាង ត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូងថ្ងៃទី២១ ខែវិច្ឆិកា ឆ្នាំ ២០១៧ ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ