ខេត្តស្ទឹងត្រែង ៖ ដោយមានការរឹតបន្តឹងនូវសកម្មភាពដឹកជញ្ជូនបទល្មើសព្រៃឈើខុសច្បាប់កម្លាំងកងរាជអាវុធហត្ថខេត្តស្ទឹងត្រែង បានធ្វើការចុះទប់ស្កាត់ និងបង្ក្រាបរឹបអូសរថយន្តរួមវត្ថុតាងជាក់ស្តែងចំនួន១០គ្រឿងជាបន្តបន្ទាប់ក្នុងរយៈពេល៤ថ្ងៃ ចាប់ពីថ្ងៃទី១០ ខែវិច្ឆិកាដល់ថ្ងៃទី១៤ ខែវិច្ឆិការ ឆ្នាំ២០១៧ ។…
ខេត្តស្ទឹងត្រែង ៖ ដោយមានការរឹតបន្តឹងនូវសកម្មភាពដឹកជញ្ជូនបទល្មើសព្រៃឈើខុសច្បាប់កម្លាំងកងរាជអាវុធហត្ថខេត្តស្ទឹងត្រែង បានធ្វើការចុះទប់ស្កាត់ និងបង្ក្រាបរឹបអូសរថយន្តរួមវត្ថុតាងជាក់ស្តែងចំនួន១០គ្រឿងជាបន្តបន្ទាប់ក្នុងរយៈពេល៤ថ្ងៃ ចាប់ពីថ្ងៃទី១០ ខែវិច្ឆិកាដល់ថ្ងៃទី១៤ ខែវិច្ឆិការ ឆ្នាំ២០១៧ ។
ព័ត៌មានឲ្យដឹងថា ការបង្ក្រាបរថយន្តដឹកឈើខុសច្បាប់ ចេញពីខេត្តស្ទឹងត្រែង ទៅកាន់ទីផ្សារខេត្តជាប់ព្រំប្រទល់ គឺកម្លាំងកងរាជអាវុធហត្ថដឹកនាំលោកមេបញ្ជាការកងរាជអាវុធហត្ថខេត្តរួមកម្លាំង និងមន្ត្រីស្នាក់ការសន្តិសុខតាមមូលដ្ឋានធ្វើការឃាត់ និងបង្ក្រាបរឹបអូសប្រគល់ជូនជំនាញរក្សាទុកនៅខណ្ឌរដ្ឋបាលព្រៃឈើ ។
ជាក់ស្តែងកាលពីយប់ថ្ងៃទី១០ ខែវិច្ឆិការ ឆ្នាំ២០១៧ រថយន្តដឹកឈើក្រហមចំនួន៧គ្រឿង រួមរថយន្តមួយគ្រឿងត្រូវកម្លាំងកងរាជអាវុធហត្ថបង្ក្រាបនៅ សង្កាត់ស្ទឹងត្រែង ក្រុងស្ទឹងត្រែង ។ នៅថ្ងៃទី១២ ខែវិច្ឆិការនេះ កម្លាំងរដ្ឋបាលព្រៃឈើបានបង្ក្រាបរថយន្តគូទស្វិតមួយគ្រឿងរឹបអូសឈើប្រភេទធ្នង់មួយចំនួនធំ នៅសង្កាត់ស្រះឬស្សី ក្រុងស្ទឹងត្រែង ។ នៅយប់រំលងអធ្រាត្រឈានចូលថ្ងៃទី១៤ ខែវិច្ឆិការ កម្លាំងអាវុធហត្ថស្នងការសន្តិសុខភូមិច្រប់ ឃុំក្បាលរមាស ស្រុកសេសាន ឃាត់រថយន្ត ពណ៌លឿងមួយគ្រឿង ផ្ទុកឈើប្រណីតធ្នង់ ។
ក្រោយការបង្ក្រាប និងរឹបអូសវត្ថុតាងខាងលើ កម្លាំងកងរាជអាវុធហត្ថបានកសាងសំណុំរឿងប្រគល់ជូនជំនាញរដ្ឋបាលចាត់ការតាមនីតិវិធីច្បាប់ស្តីពីព្រៃឈើផងដែរ ៕
ចែករំលែកព័តមាននេះ