ខេត្តបន្ទាយមានជ័យ ៖ ស្ត្រីចំណាស់ម្នាក់ ត្រូវបានសមត្ថកិច្ចព្រំដែនគោកលេខ៩១១ ប៉ុស្តិ៍បឹងសាគូរ សហការណ៍ជាមួយនគរបាលប៉ុស្តិ៍រដ្ឋបាលសង្កាត់ប៉ោយប៉ែត ឃាត់សួរនាំក្រោយមានសេចក្តីរាយការណ៍ពីអាជ្ញាធរភូមិថា ជាប់ពាក់ព័ន្ធករណីឆបោកប្រាក់ពីព្រះសង្ឃមួយចំនួនរឿងយកប្រាក់ទៅរត់ការឲ្យធ្វើជាមន្ត្រីគយប្រចាំច្រកទ្វារអន្តរជាតិប៉ោយប៉ែត ។ ស្ត្រីសង្ស័យរូបនេះ…
ខេត្តបន្ទាយមានជ័យ ៖ ស្ត្រីចំណាស់ម្នាក់ ត្រូវបានសមត្ថកិច្ចព្រំដែនគោកលេខ៩១១ ប៉ុស្តិ៍បឹងសាគូរ សហការណ៍ជាមួយនគរបាលប៉ុស្តិ៍រដ្ឋបាលសង្កាត់ប៉ោយប៉ែត ឃាត់សួរនាំក្រោយមានសេចក្តីរាយការណ៍ពីអាជ្ញាធរភូមិថា ជាប់ពាក់ព័ន្ធករណីឆបោកប្រាក់ពីព្រះសង្ឃមួយចំនួនរឿងយកប្រាក់ទៅរត់ការឲ្យធ្វើជាមន្ត្រីគយប្រចាំច្រកទ្វារអន្តរជាតិប៉ោយប៉ែត ។
ស្ត្រីសង្ស័យរូបនេះ វ័យ52ឆ្នាំ ឈ្មោះ នាង ធីតា មានទីលំនៅភូមិឬស្សីកែវ ឃុំឬស្សីកែវ ស្រុកព្រែកប្រសព្វ ខេត្តក្រចេះ ។ ករណីឃាត់សួរនាំនេះ ធ្វើឡើងនៅក្នុងបរិវេណវត្តខេមរាសីមារាមទំនប់ក៥ ស្ថិតក្នុងភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត យប់ថ្ងៃទី១០ ខែវិច្ឆិកា ឆ្នាំ២០១៧ ។
ស្ត្រីសង្ស័យរងការចោទប្រកាន់ថាបានឆបោកប្រាក់ពីមនុស្ស៣នាក់ ទើបសឹក និងមានព្រះសង្ឃ២អង្គផ្សេងទៀត ដោយមួយអង្គនាក់អស់ប្រាក់ខ្លះ១ពាន់ដុល្លារ ខ្លះ៥០០ដុល្លារ ខ្លះ១០០ដុល្លារ ករណីរត់ការឲ្យបានធ្វើជាមន្ត្រីគយឈរជើងនៅច្រកទ្វារអន្តរជាតិប៉ោយប៉ែត ។
ជនរងគ្រោះ៣នាក់ទើបសឹកពីបួសប្រាប់កោះសន្តិភាពថា ដំបូងស្គាល់ស្ត្រីម្នាក់តាមហ្វេសប៊ុក ប៉ុន្តែមិនដែលឃើញផ្ទាល់ទេ ក្រោយមកក៏លេចចេញការឆ្លើយឆ្លងពីស្ត្រីសង្ស័យតាមរយៈឆាតហ្វេសប៊ុកស្ត្រីខាងលើរឿងស្គាល់អ្នកធំនៅក្រសួងរត់ការឲ្យចូលធ្វើគយបាន ។
ជនរងគ្រោះបន្តថា ក្រោយស្តាប់ស្ត្រីសង្ស័យ ពួកខ្លួនក៏ជឿ ម្យ៉ាងព្រោះចង់ធ្វើជាគយផង ក៏នាំគ្នាចំណាយប្រាក់ជាបន្តបន្ទាប់រហូតសុខចិត្តសឹកពីបួសថែមទៀត ។ ជនរងគ្រោះទាំង៣បន្តថា ក្រៅពីពួកខ្លួនក៏នៅមានព្រះសង្ឃ២អង្គផ្សេងទៀត បច្ចុប្បន្នគង់នៅក្នុងខេត្តបាត់ដំបង មួយអង្គជាចៅអធិការវត្ត ក៏បានចំណាយប្រាក់ដើម្បីចូលធ្វើជាគយម្នាក់៧០០ដុល្លារ និងម្នាក់៥០០ដុល្លារផងដែរ ។ ស្ត្រីសង្ស័យត្រូវបានយកទៅសួរនាំនៅប៉ុស្តិ៍នគរបាលរដ្ឋបាលសង្កាត់ប៉ោយប៉ែត ។
ជួបសម្ភាសផ្ទាល់ស្ត្រីសង្ស័យទទួលស្គាល់ថា គាត់បានទទួលប្រាក់ពីជនរងគ្រោះខាងលើមែន ដោយសន្យាថា នឹងនាំចូលធ្វើមន្ត្រីគយ ។ ស្ត្រីរូបនេះលើកឡើងថា គាត់អាចនាំអ្នកពាក់ព័ន្ធចូលធ្វើមន្ត្រីគយបានមែន ព្រោះមានខ្សែស្រឡាយជាអ្នកធំនៅក្រសួង ប៉ុន្តែសុំមិនបញ្ចេញឈ្មោះ ។ គាត់និយាយទាំងខឹងសម្បាថា ថ្ងៃកំណត់បានចូលធ្វើការគឺទី២០ ខែវិច្ឆិកា ឆ្នាំ២០១៧ ហេតុអីមិនទាន់ដល់ថ្ងៃផង បែរជាប្តឹងគាត់ថា ជាជនឆបោកទៅវិញ ។ គាត់ទទួលស្គាល់ថា ក្រៅពីអ្នកពាក់ព័ន្ធ៣នាក់ខាងលើ គឺមានព្រះសង្ឃ២អង្គទៀតមែន ដែលគាត់ទទួប្រាក់ប៉ុន្តែមួយអង្គករណីរត់ការឯកសារបានទៅបួសរៀននៅប្រទេសថៃ និងមួយអង្គយកប្រាក់រត់ការចូលធ្វើការជាគយសរុប៤អង្គនាក់ ។ ពេលនេះសមត្ថកិច្ចកំពុងសួរនាំជនសង្ស័យ និងជនរងគ្រោះនៅឡើយ ៕
ចែករំលែកព័តមាននេះ