ខេត្តតាកែវ ៖ កូនប្រុសអកតញ្ញូម្នាក់ត្រូវប៉ូលិសចាប់ខ្លួនភ្លាមៗ ខណៈពេលដែលបានកាប់ឪពុកខ្លួនឯងបណ្តាលឲ្យរងរបួសជាទម្ងន់ ហេតុការណ៍នេះបានកើតឡើងកាលពីវេលាម៉ោង១៣និង៥០នាទីរសៀលថ្ងៃទី២៧ ខែតុលា ឆ្នាំ២០១៧ ស្ថិត នៅភូមិសំរោង ឃុំត្រពាំងធំខាងត្បូង ស្រុកត្រាំកក់ ។
កូនអកតញ្ញូខាងលើមានឈ្មោះ ឡេង ប្រុស អាយុ៣២ឆ្នាំ រស់នៅភូមិខាងលើបានធ្វើសកម្មភាពយក ពូថៅ ទៅកាប់ឪពុកបង្កើតរបស់ខ្លួនឈ្មោះ ឡេង ជឿនអាយុ ៥១ឆ្នាំ រស់នៅភូមិឃុំកើតហេតុ ខណៈពេលកំពុងតែផឹកស្រាជាមួយគ្នាត្រូវចំគល់ស្មាខាងស្តាំ ចំនួន ០១ពូថៅ រងរបួសធ្ងន់ ។ ក្រោយពេលកើតហេតុជនរងគ្រោះត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្តតាកែវ ។ ចំណែកកូនអកតញ្ញូត្រូវបានប៉ូលិសចាប់ ។
នៅចំពោះមុខប៉ូលិសកូន បាននិយាយសារភាពថា រូបគេពិតជាបានយកពូថៅកាប់ទៅលើឪពុករបស់ខ្លួនពិតប្រាកដមែន ព្រោះនៅពេលកំពុងអង្គុយផឹកជាមួយគ្នានោះគាត់បានរករឿងមុន ទើបធ្វើឲ្យរូបគេទ្រាំមិនបានក៏ទាញពូថៅក្បែនោះកាប់តែម្តង ។
ប៉ូលិសការិយាល័យកម្រិតធ្ងន់ខេត្តបានឲ្យដឹងថា ជនសង្ស័យកំពុងកសាងសំណុំរឿង ដើម្បីបញ្ជូនទៅសាលាដំបូងខេត្តនៅល្ងាចថ្ងៃទី២៨ ខែតុលានេះកាត់ទោសតាមច្បាប់ ៕
ចែករំលែកព័តមាននេះ