រាជធានីភ្នំពេញ ៖ កាលពីរសៀលថ្ងៃទី១៤ កញ្ញា ក្រុមហ៊ុនមិត្តហ្វូនបានធ្វើការចាប់រង្វាន់ស្វែងរកអ្នកមានសំណាងដែលបានចូលរួមជាមួយកម្មវិធីសេដ្ឋីកាតកោស ចាប់ពីថ្ងៃទី១ ខែសីហា រហូតដល់ថ្ងៃទី៣០ ខែកញ្ញា ដែលមានទឹកប្រាក់សរុប៦០០លានរៀល ។
អតិថិជនមិត្តហ្វូនទាំងអស់គ្រាន់តែធ្វើការបញ្ចូលទឹកប្រាក់តាមរយៈកាតកោសមិត្តហ្វូន ហើយផ្ញើលេខសម្គាល់កាតកោសទៅកាន់លេខ៩៩៩៩ នឹងមានឱកាសឈ្នះរង្វាន់ជាច្រើនសន្ធឹកសន្ធាប់ដូចជារង្វាន់លើកទឹកចិត្តសម្រាប់អតិថិជនឈ្នះកាតកោសបញ្ចូលទឹកប្រាក់ចំនួន៥ដុល្លារ ១០ដុល្លារ រហូតដល់៥០ដុល្លារ មានចំនួន៨៣០រង្វាន់ រង្វាន់ធំជាទឹកប្រាក់១០០ដុល្លារ ១រង្វាន់៣០០ដុល្លារ ១រង្វាន់ និង៥.០០០ដុល្លារ ១រង្វាន់ ។
កម្មវិធីសេដ្ឋីកាតកោសនឹងបន្តផ្តល់រង្វាន់សំណាងជូនអតិថិជនមិត្តហ្វូនទាំងអស់ដែលនឹងចាប់ផ្តើមពីថ្ងៃទី១ ខែកញ្ញា រហូតដល់ថ្ងៃទី៣១ កញ្ញា ។ សម្រាប់វគ្គទី២ ចាប់ផ្តើមពីថ្ងៃទី១ ខែតុលា រហូតដល់ថ្ងៃទី៣១ ខែធ្នូ ឆ្នាំ២០១២ ដោយអតិថិជនមិត្តហ្វូនគ្រាន់តែធ្វើការបញ្ចូលទឹកប្រាក់ ហើយបញ្ចូលលេខកូដសំណាងដែលមាននៅលើកាតកោស ដោយហៅទៅលេខ៩៩៩៩ នឹងមានឱកាសឈ្នះរង្វាន់ជាច្រើនដូចជា រថយន្ត Ford ranger ១គ្រឿង ម៉ូតូហុងដា Scoopy ចំនួន១០រង្វាន់ ម៉ូតូ HONDA Dream ចំនួន១០រង្វាន់ ទូរទស្សន៍ SAMSUNG ៣២អីុញចំនួន១៥០រង្វាន់ និងកាតបញ្ចូលទឹកប្រាក់ជាច្រើន ដែលសរុបជាង១.៧០០លានរៀល ។ អតិថិជនមិត្តហ្វូនធ្វើការបញ្ចូលទឹកប្រាក់តាមរយៈកាតកោសមិត្តហ្វូនកាន់តែច្រើន នឹងមានឱកាសឈ្នះរង្វាន់កាន់តែច្រើន ។ រង្វាន់នឹងធ្វើការប្រគល់ជូនម្ចាស់រង្វាន់នៅក្នុងសប្តាហ៍បន្ទាប់ ដោយធ្វើការផ្សព្វផ្សាយតាមរយៈគេហទំព័រ www.metfone.com.kh ។
ក្រៅពីកម្មវិធីសេដ្ឋីកាតកោស និងសេវាកម្ម MCA ក្រុមហ៊ុនមិត្តហ្វូនតែងតែផ្តល់ជូនអតិថិជននូវសេវាកម្មថ្មីៗជាច្រើន ជាមួយកម្មវិធីកម្សាន្តសប្បាយៗ និងមានឱកាសឈ្នះរង្វាន់ជាច្រើនសន្ធឹកសន្ធាប់ជាបន្តបន្ទាប់ ដូចជាសេវាកម្មពូកែមែន អតិថិជនមិត្តហ្វូនទាំងអស់ក៏អាចចូលរួមកម្សាន្តសប្បាយជាមួយកម្មវិធីពូកែមែន ដោយហៅមកកាន់លេខ១៧៦៥ ធ្វើការឆ្លើយសំណួរងាយៗ នឹងមានឱកាសឈ្នះរង្វាន់ជាច្រើនសរុបជាទឹកប្រាក់រហូតដល់ទៅ១ម៉ឺនដុល្លារ ។ សេវាកម្មស្តាប់រឿងកម្សាន្ត គ្រាន់តែហៅមកកាន់លេខ១៧៦៩ ដើម្បីស្តាប់រឿងកំប្លែង រឿងនិទាន កុមារ រឿងមនោសញ្ចេតនា ដោយចំណាយតែ១០សេន ក្នុង១សប្តាហ៍ និង៣០សេនក្នុង១ខែ ៕
ចែករំលែកព័តមាននេះ