ខេត្តកណ្តាល ៖ យុវជនម្នាក់ បានត្រូវប៉ូលិសក្រុងតាខ្មៅចាប់ខ្លួននៅវេលាម៉ោង១០និង១៥នាទីព្រឹកថ្ងៃទី១១ កញ្ញា តាមពាក្យបណ្តឹងរបស់ស្ត្រីម្នាក់ដែលប្តឹងចោទប្រកាន់ថា បានរួមរ័កជាមួយកូនស្រីគាត់អាយុ១៤ឆ្នាំ កាលពីវេលាម៉ោង១១និង១៥នាទីយប់ថ្ងៃទី១០ កញ្ញា នៅក្នុងបន្ទប់ផ្ទះសំណាក់មួយស្ថិតក្នុងសង្កាត់តាខ្មៅ ក្រុងតាខ្មៅ ។
ខេត្តកណ្តាល ៖ យុវជនម្នាក់ បានត្រូវប៉ូលិសក្រុងតាខ្មៅចាប់ខ្លួននៅវេលាម៉ោង១០និង១៥នាទីព្រឹកថ្ងៃទី១១ កញ្ញា តាមពាក្យបណ្តឹងរបស់ស្ត្រីម្នាក់ដែលប្តឹងចោទប្រកាន់ថា បានរួមរ័កជាមួយកូនស្រីគាត់អាយុ១៤ឆ្នាំ កាលពីវេលាម៉ោង១១និង១៥នាទីយប់ថ្ងៃទី១០ កញ្ញា នៅក្នុងបន្ទប់ផ្ទះសំណាក់មួយស្ថិតក្នុងសង្កាត់តាខ្មៅ ក្រុងតាខ្មៅ ។
មន្ត្រីប៉ូលិសក្រុងតាខ្មៅបានឱ្យដឹងថា ជនសង្ស័យដែលត្រូវចាប់ខ្លួនពីបទរួមភេទជាមួយអនីតិជននេះឈ្មោះ សុងហាក់ សុងហ៊ី អាយុ១៨ឆ្នាំ បម្រើការងារនៅហាងភក្ត្រា១២៨ មានទីលំនៅ ភូមិវាលត្រែង ឃុំតាលន់ ស្រុកស្អាង ចំណែកក្មេងស្រីរងគ្រោះជាកម្មការិនីរោងចក្រកាត់ដេរ ។
មន្ត្រីប៉ូលិសបានឱ្យដឹងទៀតថា កាលពីថ្ងៃទី១០ កញ្ញា វេលាម៉ោង៤រសៀល ក្មេងស្រីរងគ្រោះនិងមិត្តភក្តិម្នាក់បានបបួលគ្នាជិះកង់មកលេងនៅសួនច្បារមាត់ទន្លេក្រុងតាខ្មៅ និងបានប្រាប់ឱ្យមិត្តភក្តិទៅហៅសង្សាររបស់ខ្លួន(ជនសង្ស័យ)ឈ្មោះ សុងហាក់ សុងហ៊ី ដែលបម្រើការងារនៅក្នុងហាងភក្ត្រា១២៨ ក្រុងតាខ្មៅ ឱ្យមកជួប ។ បន្ទាប់ពីមកជួបគ្នាហើយ អ្នកទាំង៣នាក់បានបបួលគ្នាទៅដើរលេងនៅភ្នំពេញ រហូតដល់យប់ជ្រៅទើបត្រឡប់មកក្រុងតាខ្មៅវិញ និងបានបបួលគ្នាទាំង៣នាក់ចូលសម្រាកនៅក្នុងផ្ទះសំណាក់មួយ ស្ថិតនៅក្នុងសង្កាត់តាខ្មៅ ក្រុងតាខ្មៅ ។
មន្ត្រីប៉ូលិសបានឱ្យដឹងទៀតថា នៅយប់នោះអ្នកទាំង៣នាក់បានជួលបន្ទប់មួយស្នាក់នៅជាមួយគ្នា ដោយជនសង្ស័យនិងក្មេងស្រីរងគ្រោះដេកគ្រែមួយ២នាក់ ចំណែកមិត្តភក្តិដេកគ្រែមួយម្នាក់ឯង។ លុះដល់យប់ជ្រៅជនសង្ស័យបានសុំក្មេងស្រីរួមរ័ក ពេលនោះនាងក៏យល់ព្រម ដោយពុំមានការបង្ខិតបង្ខំទេ ប៉ុន្តែដោយមានការឈឺចាប់ក៏សុំឱ្យជនសង្ស័យឈប់ ឯជនសង្ស័យក៏បានយល់ព្រមតាមការសុំនោះដែរ និងបានដេកជាមួយគ្នាពេញមួយយប់ទល់ភ្លឺ ។ លុះព្រឹកឡើងមិត្តភក្តិរបស់នាងបានចេញពីផ្ទះសំណាក់មុន ព្រោះប្រញាប់ទៅធ្វើការនៅក្នុងរោងចក្រវិញ តែពេលទៅដល់ផ្ទះជួបម្តាយក្មេងស្រីហើយសួរដេញដោលរកកូនរបស់គាត់ ក៏បានប្រាប់ពីដំណើររឿងទើបដឹងថា កូនស្រីរបស់គាត់ដេកនៅផ្ទះសំណាក់ជាមួយសង្សារ ក៏មកហៅជនសង្ស័យនាំយកទៅប៉ុស្តិ៍ប៉ូលិស និងដាក់ពាក្យបណ្តឹងប្តឹងឈ្មោះ សុងហាក់ សុងហ៊ី ពីបទរួមភេទជាមួយក្មេងស្រីជាអនីតិជន ។
ជនសង្ស័យបានឆ្លើយសារភាពថា ខ្លួនគេនិងក្មេងស្រីជាសង្សារនឹងគ្នា បានស្គាល់ចិត្តគ្នារយៈពេល២ខែមកហើយ និងមិនដែលបានរួមរ័កជាមួយគ្នាទេ ទើបតែនៅយប់ថ្ងៃកើតហេតុ ពួកគេបបួលណាត់គ្នាដើរលេងរហូតយប់ជ្រៅក៏ចូលទៅសម្រាកនៅក្នុងផ្ទះសំណាក់ និងបានរួមរ័កជាមួយគ្នាដោយមិនមានការបង្ខិតបង្ខំឡើយ ប៉ុន្តែមិនទាន់បានស៊ីជម្រៅទេដោយនាងអង្វរខ្លួនក៏ឈប់តាមសំណូមពររបស់នាង ហើយក៏ដេកទល់ភ្លឺជាមួយគ្នា ។ ជនសង្ស័យត្រូវបានប៉ូលិសកសាងសំណុំរឿងបញ្ជូនទៅកាន់សាលាដំបូងខេត្ត ៕
ចែករំលែកព័តមាននេះ