រាជធានីភ្នំពេញ ៖ រសៀលថ្ងៃទី១២ កញ្ញា ឆ្នាំ២០១២ ក្រុមចលនាយុវជនកម្ពុជា១៥៧ បាននាំថវិកាចំនួន៤ម៉ឺនដុល្លារ និងមូលនិធិវីតាល់ បាននាំថវិកាចំនួន១ម៉ឺនដុល្លារតាមរយៈលោកជំទាវ ហ៊ុន ម៉ាណា នាយិកាមូលនិធិបាយ័នយកទៅឧបត្ថម្ភដល់មន្ទីរពេទ្យគន្ធបុប្ផាដើម្បីរួមចំណែកក្នុងការជួយសង្គ្រោះកុមារដែលកំពុងសម្រាកព្យាបាលនៅក្នុងមន្ទីរពេទ្យ ។
រាជធានីភ្នំពេញ ៖ រសៀលថ្ងៃទី១២ កញ្ញា ឆ្នាំ២០១២ ក្រុមចលនាយុវជនកម្ពុជា១៥៧ បាននាំថវិកាចំនួន៤ម៉ឺនដុល្លារ និងមូលនិធិវីតាល់ បាននាំថវិកាចំនួន១ម៉ឺនដុល្លារតាមរយៈលោកជំទាវ ហ៊ុន ម៉ាណា នាយិកាមូលនិធិបាយ័នយកទៅឧបត្ថម្ភដល់មន្ទីរពេទ្យគន្ធបុប្ផាដើម្បីរួមចំណែកក្នុងការជួយសង្គ្រោះកុមារដែលកំពុងសម្រាកព្យាបាលនៅក្នុងមន្ទីរពេទ្យ ។
លោកម៉ឹង ពន្លក ប្រធានចលនាយុវជនកម្ពុជា១៥៧ បានមានប្រសាសន៍ក្នុងឱកាសនោះថា ក្រោយពីបានឮការអំពាវនាវរបស់សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាល និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធានកាកបាទក្រហមកម្ពុជា ដល់ស្ថាប័ន និងអង្គការនានាក្នុងប្រទេសកម្ពុជា ដើម្បីជួយរិះរកប្រមូលថវិកាជួយឧបត្ថម្ភដល់មូលនិធិមន្ទីរពេទ្យគន្ធបុប្ផា ។
ដូច្នេះក្នុងនាមជាយុវជនកម្ពុជាទាំងអស់គ្នា ហើយក្នុងនាមចលនាយុវជន១៥៧ និងបានឆ្លងមតិលោកបណ្ឌិត ហ៊ុន ម៉ាណែត ដែលជាមគ្គុទេ្ទសក៍នៃយុវជន និងជាអ្នកដឹកនាំយុវជននៅទូទាំងប្រទេសបានឯកភាពឲ្យក្រុមចលនាយុវជន១៥៧ រិះរកគ្រប់វិធីសាស្រ្តដើម្បីប្រមូលថវិកាជួយឧបត្ថម្ភដល់មន្ទីរពេទ្យគន្ធបុប្ផា ។ ក្រោយមក ក្រុមចលនាយុវជន១៥៧បាននាំយកថវិកាចំនួន៤ម៉ឺនដុល្លារអាមេរិក យកមកឧបត្ថម្ភដល់មន្ទីរពេទ្យគន្ធបុប្ផា តាមរយៈលោកជំទាវ ហ៊ុន ម៉ាណា នាយិកាមូលនិធិបាយ័ន ។ លោកប្រធានចលនាយុវជនកម្ពុជា១៥៧ បានថ្លែងថា កុមារជាទំពាំងស្នងឫស្សី ដូច្នេះយើងជាយុវជនកម្ពុជា ត្រូវតែជួយដល់កុមារកម្ពុជាឲ្យមានជីវិតរស់នៅតទៅទៀត ហើយមូលនិធិនេះជួយដល់មូលនិធិគន្ធបុប្ផាដើម្បីឲ្យមន្ទីរពេទ្យនេះមានដំណើរការទៅមុខបានយូរអង្វែង ។
ក្នុងឱកាសនោះដែរលោកជំទាវ ជឹង សុគន្ធាវី នាយិកាប្រតិបត្តិក្រុមហុ៊ន N.V.C coperation(vital) ក៏បាននាំថវិកា ចំនួន១ម៉ឺនដុល្លារតាមរយៈលោកជំទាវ ហ៊ុន ម៉ាណា ដើម្បីបានចូលរួមជួយព្យាបាលដល់កុមារកម្ពុជាឲ្យបានរស់រានមានជីវិតផងដែរ ។
មន្ទីរពេទ្យគន្ធបុប្ផា បានដំណើរការនៅព្រះរាជាណាចក្រកម្ពុជាជាង២០ឆ្នាំមកហើយបានជួយសង្គ្រោះព្យាបាលដល់កុមារកម្ពុជារាប់សែននាក់នៅទូទាំងប្រទេសឲ្យបានរស់រានមានជីវិត ដោយចំណាយថវិកាប្រមាណជា៣៧លានដុល្លារក្នុងមួយឆ្នាំៗ ។
ថវិកាទាំងអស់ជាជំនួយឧបត្ថម្ភពីបរទេសមួយភាគធំ ក្នុងនោះ ជារៀងរាល់ឆ្នាំរាជរដ្ឋាភិបាលកម្ពុជា បានផ្តល់ជំនួយទឹកប្រាក់២លានដុល្លារ រដ្ឋាភិបាលប្រទេសស្វ៊ីសឧបត្ថម្ភ៣លានដុល្លារ និងថវិកាពីសប្បុរសជនក្រៅស្រុកនានាមួយចំនួនទៀតតាមរយៈតន្រ្តីមូលនិធិគន្ធបុប្ផា ។ លោកវេជ្ជបណ្ឌិត Denins Laurent អនុ ប្រធានមូលនិធិគន្ធបុប្ផាជំនួសមុខឲ្យលោក Beat Richner ប្រធានមន្ទីរពេទ្យគន្ធបុប្ផា បានសម្តែងនូវទឹកចិត្តរីករាយអំណរគុណយ៉ាងជ្រាលជ្រៅដល់លោកជំទាវ ហ៊ុន ម៉ាណា នាយិកាមូលនិធិបាយ័ន លោក ម៉ឹង ពន្លក ប្រធានក្រុមចលនាយុវជនកម្ពុជា១៥៧ និងលោកជំទាវ ជឹង សុគន្ធាវី នាយិកាប្រតិបត្តិ អ៊ិន វី ស៊ី ក្នុងការឧបត្ថម្ភជាថវិកាដល់មូលនិធិគន្ធបុប្ផានាឱកាសនេះ ៕
ចែករំលែកព័តមាននេះ