រាជធានីភ្នំពេញ ៖ ខណៈដែលតារាចម្រៀងប្រុសៗស្ទើរតែទាំងអស់កំពុងត្រូវបានគេមើលឃើញថា ធ្វើសកម្មភាពយ៉ាងមមាញឹក និងពុះកញ្ជ្រោលដើម្បីដណ្តើមការគាំទ្រនោះ លោកខេមរៈ សិរីមន្ត ឯណោះវិញបែរជាស្ងាត់ឈឹងបាត់មុខទាំងលើវេទិកាតន្ត្រី និងការចេញបទចម្រៀងថ្មីៗ ហើយយុវវ័យក៏មិនសូវរំលឹកពីឈ្មោះរបស់លោកដូចមុនឡើយ ។
រាជធានីភ្នំពេញ ៖ ខណៈដែលតារាចម្រៀងប្រុសៗស្ទើរតែទាំងអស់កំពុងត្រូវបានគេមើលឃើញថា ធ្វើសកម្មភាពយ៉ាងមមាញឹក និងពុះកញ្ជ្រោលដើម្បីដណ្តើមការគាំទ្រនោះ លោកខេមរៈ សិរីមន្ត ឯណោះវិញបែរជាស្ងាត់ឈឹងបាត់មុខទាំងលើវេទិកាតន្ត្រី និងការចេញបទចម្រៀងថ្មីៗ ហើយយុវវ័យក៏មិនសូវរំលឹកពីឈ្មោះរបស់លោកដូចមុនឡើយ ។
ទោះបីជាយ៉ាងណាម្ចាស់ផលិតកម្មសាន់ដេរ បានមានប្រតិកម្ម និងអះអាងថា ការស្ងៀមស្ងាត់របស់តារាចម្រៀងខេមរៈ សិរីមន្ត គឺមិនមែន ព្រោះតែបញ្ហាអ្វីផ្សេងនោះទេ ប៉ុន្តែដោយសារតែលោកជាប់ថតរឿងថ្មីដែលមានចំណងជើងថា «វិញ្ញាណបិសាចជញ្ជក់ឈាម» ហើយមិនសូវមានពេលលេងស្ទីល និងចេញចម្រៀងប្រូម៉ូដបទឱ្យញឹកញាប់ដូចមុននោះទេ ។ ប៉ុន្តែមានការរំពឹងទុកថា ក្នុងពេលឆាប់ៗខាងមុខនេះកេរ្តិ៍ឈ្មោះ និងប្រជាប្រិយភាពរបស់តារាចម្រៀងខេមរៈ សិរីមន្ត នឹងលេចធ្លោឡើងវិញក្នុងពេលដែលផលិតកម្មសាន់ដេរ ចេញអាល់ប៊ុមថ្មីរបស់ខេមរៈ សិរីមន្ត ដែលសុទ្ធសឹងជាបទពីរោះៗពេញនិយម ។
តាមការកត់សម្គាល់មានយុវវ័យជាច្រើនបានលើកឡើងដែរថា តាំងពីលេងស្ទីលកាត់សក់ខ្លី ហើយទទួលការចាប់អារម្មណ៍ពីទស្សនិកជនតារាចម្រៀងរូបនេះហាក់បីដូចជាមិនមានអ្វីគួរឱ្យចាប់អារម្មណ៍ទៀតឡើយ បើប្រៀបធៀបនឹងតារាយុវវ័យផ្សេងៗទៀត ។ ទន្ទឹមនោះបទចម្រៀងភាគច្រើនរបស់លោកខេមរៈ សិរីមន្ត ក៏មិនសូវឮគេចាក់បទថ្មីរបស់លោកផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ