រាជធានីភ្នំពេញ ៖ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិលោកជំទាវ សឿង រដ្ឋចាវី បានថ្លែងថា បណ្តាប្រទេសសមាជិកអាស៊ានបានឯកភាព និងយល់ព្រមឱ្យមានកិច្ចពិគ្រោះយោបល់ ឬពិភាក្សាក្រៅផ្លូវការថ្នាក់ឧត្តមមន្ត្រីអាស៊ានចិនស្តីពីក្រមប្រតិបត្តិ (COC) នៅសមុទ្រចិនខាងត្បូង ។
រាជធានីភ្នំពេញ ៖ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិលោកជំទាវ សឿង រដ្ឋចាវី បានថ្លែងថា បណ្តាប្រទេសសមាជិកអាស៊ានបានឯកភាព និងយល់ព្រមឱ្យមានកិច្ចពិគ្រោះយោបល់ ឬពិភាក្សាក្រៅផ្លូវការថ្នាក់ឧត្តមមន្ត្រីអាស៊ានចិនស្តីពីក្រមប្រតិបត្តិ (COC) នៅសមុទ្រចិនខាងត្បូង ។
ឆ្លើយនឹងសំណួរអ្នកសារព័ត៌មាននៅក្រៅកិច្ចប្រជុំថ្នាក់ឧត្តមមន្ត្រីអាស៊ាននៅថ្ងៃទី១២ កញ្ញា ២០១២ នេះលោកជំទាវសឿង រដ្ឋចាវី បានមានប្រសាសន៍ថា តាមសំណើរបស់កម្ពុជា និងមានការឯកភាពពីសមាជិកអាស៊ានទាំងអស់ ហើយកម្ពុជាក៏នឹងធ្វើជាម្ចាស់ផ្ទះនៃកិច្ចប្រជុំពិគ្រោះយោបល់ក្រៅផ្លូវការថ្នាក់ឧត្តមមន្ត្រីអាស៊ានចិនស្តីពីក្រមប្រតិបត្តិ (COC) នៅសមុទ្រចិនខាងត្បូង។
លោកជំទាវរដ្ឋលេខាធិការបានបញ្ជាក់ថា នេះជាលើកទី៣ហើយដែលកម្ពុជាបានផ្តួចផ្តើមឱ្យមានកិច្ចប្រជុំស្តីពីក្រមសីលធម៌នេះ ដើម្បីកាត់បន្ថយភាពតានតឹងនៅក្នុងសមុទ្រចិនខាងត្បូង និងធ្វើការងារឆ្ពោះទៅការតាក់តែងក្រមប្រតិបត្តិ (COC) នេះ ។
លោកជំទាវបានអះអាងថា ប្រទេសសមាជិកអាស៊ានទាំងអស់បានគាំទ្រយ៉ាងខ្លាំង ធ្វើយ៉ាងណា ដើម្បីឱ្យសេចក្តីថ្លែងការណ៍របស់អាស៊ានស្តីពីសិទ្ធិមនុស្សបានចុះហត្ថលេខានៅក្នុងខែវិច្ឆិកា ខាងមុខនេះ ។ ទន្ទឹមនោះយើងក៏នឹងគ្រោងធ្វើការប្រកាសជាផ្លូវការនូវការបើកសម្ពោធវិទ្យាស្ថាន ដើម្បីសន្តិភាព និងការផ្សះផ្សាររបស់អាស៊ានផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ