ខេត្តព្រះវិហារ ៖ នៅព្រឹកថ្ងៃទី១០កញ្ញា លោកអ៊ុំ ម៉ារ៉ា អភិបាលខេត្ត បានអញ្ជើញជាអធិបតីក្នុងពិធីប្រគល់ដីជូនប្រជាពលរដ្ឋ ក្នុងភូមិស្រយង់ត្បូង ឃុំស្រយង់ ស្រុកគូលែន តាមចំណាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។
ខេត្តព្រះវិហារ ៖ នៅព្រឹកថ្ងៃទី១០កញ្ញា លោកអ៊ុំ ម៉ារ៉ា អភិបាលខេត្ត បានអញ្ជើញជាអធិបតីក្នុងពិធីប្រគល់ដីជូនប្រជាពលរដ្ឋ ក្នុងភូមិស្រយង់ត្បូង ឃុំស្រយង់ ស្រុកគូលែន តាមចំណាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។
ពិធីនេះបានរៀបចំធ្វើឡើងនៅក្នុងបរិវេណសាលាបឋមសិក្សាប៊ុន រ៉ានី ហ៊ុន សែន ទួលព្រៃភ្ញៀវ ចំណុចបេងដូប ស្ថិតក្នុងភូមិស្រយង់ត្បូង ឃុំស្រយង់ ដោយមានការចូលរួមពីលោកឧត្តមសេនីយ៍ឯក ស្រី ឌឹក នាយសេនា ធិការចម្រុះ និងជាមេបញ្ជាការកងពលធំអន្តរាគមន៍លេខ៣ លោកឧត្តមសេនីយ៍ទោ នាង ឃីម មេបញ្ជាការកងពលតូចអន្តរាគមន៍លេខ៤១ មន្រ្តីរាជការជុំវិញខេត្ត មន្រ្តីអាជ្ញាធរស្រុកគូលែន ព្រមទាំងប្រជាពលរដ្ឋរស់នៅក្នុងតំបន់នោះ ជាច្រើនរយគ្រួសារ សរុបប្រមាណ ១០០០នាក់ ។
ការប្រកាសផ្តល់ដីនាព្រឹកនោះគឺ បន្ទាប់ពីមានការប្តឹងតវ៉ាពីសំណាក់ប្រជាពលរដ្ឋ ប្រមាណជាង៣០០គ្រួសារទៅប្រមុខរាជរដ្ឋាភិបាល លើដីសម្បទានសង្គមកិច្ចមួយកន្លែងឋិតក្នុងភូមិស្រយង់ត្បូង ឃុំស្រយង់ ស្រុកគូលែន ដែលមានផ្ទៃដីទំហំ៥.៥៥៧ហិកតា ជាអតីតដីគម្របព្រៃឈើឆ្នាំ២០០២ និងមានដីកាដកហូតរបស់ខេត្ត ទុកជាសម្បត្តិរដ្ឋកាលពីឆ្នាំ២០១០ ។ ដោយសារមានគោលនយោបាយរបស់រាជរដ្ឋាភិបាលលើការអនុវត្តនយោបាយចាស់សកម្មភាពថ្មីលើវិស័យដីធ្លីជូនប្រជាពលរដ្ឋាដែលបានកាន់កាប់ដាំដុះអាស្រ័យផល និងមានលំនៅឋានលើដីធ្លីទាំងនោះកន្លងមក ក៏ត្រូវបានធ្វើការវាស់វែងប្រគល់ជូនប្រជាពលរដ្ឋវិញតាមសភាពជាក់ស្តែង ។
លោកអ៊ុំ ម៉ារ៉ា អភិបាលខេត្ត មានប្រសាសន៍ថា ថ្វីដ្បិតដីធ្លីទាំងនោះបានធ្វើអនុប្រយោគទៅជាដីសម្បទានសង្គមកិច្ចហើយក្តី ក៏ពេលនេះត្រូវបានធ្វើការប្រគល់ជូនប្រជាពលរដ្ឋវិញទាំងអស់ ។ ប៉ុន្តែលោកអភិបាលខេត្តក៏បានមានប្រសាសន៍បញ្ជាក់ថា ការប្រគល់ដីធ្លីជូនទៅពលរដ្ឋនេះគឺអនុញ្ញាតតែដីធ្លីទាំងឡាយណាដែលប្រជាពល រដ្ឋបានអាស្រ័យផល និងសង់លំនៅឋានមុន ប្រមុខរដ្ឋាភិបាលបានប្រកាសកាលពីខែមិថុនា ឆ្នាំ២០១២កន្លងទៅនេះប៉ុណ្ណោះ ។ ដោយឡែកចំពោះជនឆ្លៀតឱកាសក្រោយប្រមុខរដ្ឋាភិបាលបានប្រកាស ហើយលួចទន្ទ្រានយកដីរបស់រដ្ឋក្រោមរូបភាពប្រើគ្រឿងចក្រឈូសឆាយឬបាញ់ថ្នាំសម្លាប់ស្មៅដើម្បីដាំស្រូវឬព្រោះសណ្តែកនៅលើដីរដ្ឋ មិនត្រូវបានប្រគល់ជូនទេ ប៉ុន្តែថែមទាំងប្រឈមមុខជាមួយផ្លូវច្បាប់ទៀតផង ។
ប្រជាពលរដ្ឋក្នុងភូមិស្រយង់ត្បូង បន្ទាប់ពី ទទួលបានសេចក្តីប្រកាសជូនដំណឹង ពីសំណាក់លោកអភិបាលខេត្តអំពីការប្រគល់ដីធ្លីដែលពួកគាត់បានកាន់កាប់និងអាស្រ័យផលរួចមកពួកគាត់មានភាពសប្បាយរីករាយ និងថ្លែងអំណរគុណសម្តេចតេជោ ហ៊ុន សែន ដែលគ្រប់ពេលវេលាសម្តេចតែងយកចិត្តទុកដាក់លើរាល់ការលំបាករបស់ពួកគាត់ ។ តាមសេចក្តីប្រកាសរបស់លោក អ៊ុំ ម៉ារ៉ា អភិបាលខេត្ត ក្នុងការប្រគល់ដីធ្លីជូនប្រជាពលរដ្ឋក្នុងតំបន់នោះតាមការកាន់កាប់ជាក់ស្តរបស់ប្រជាពលរដ្ឋពេលនេះការទាមទាររបស់ប្រជាពលរដ្ឋអំពីដីធ្លីក្នុងភូមិស្រយង់ ត្បូងបានបញ្ចប់ហើយ ។ ចំណែកអាជ្ញាធរខេត្តក៏បានប្រកាសសហការជាមួយក្រុមនិស្សិតស្ម័គ្រចិត្តសម្តេចតេជោចុះធ្វើការវាស់វែងដីធ្លីជូន ពួកគាត់នៅចុងសប្តាហ៍ខាងមុខនេះដែរ ៕
ចែករំលែកព័តមាននេះ