ខេត្តកំពង់ចាម ៖ លោកមិន ឃិន រដ្ឋមន្ត្រីក្រសួងធម្មការ និងសាសនា និងជាប្រធានក្រុមការងារចុះជួយស្រុកកងមាស បានដឹកនាំក្រុមការងារចុះជួបសំណេះសំណាលនិងស្វែងយល់ពីការងារមូលដ្ឋានជាមួយសមាជិកសមាជិកាគណបក្សប្រជាជនកម្ពុជាចំនួន៤២៧នាក់ មកពី៨ភូមិនៃឃុំរាយប៉ាយ គឺភូមិកន្លែងរុន ភូមិបឹងទទា ភូមិទួលបី ភូមិទួលវិហារ ភូមិរាយប៉ាយលើ ភូមិរាយប៉ាយក្រោម
ខេត្តកំពង់ចាម ៖ លោកមិន ឃិន រដ្ឋមន្ត្រីក្រសួងធម្មការ និងសាសនា និងជាប្រធានក្រុមការងារចុះជួយស្រុកកងមាស បានដឹកនាំក្រុមការងារចុះជួបសំណេះសំណាលនិងស្វែងយល់ពីការងារមូលដ្ឋានជាមួយសមាជិកសមាជិកាគណបក្សប្រជាជនកម្ពុជាចំនួន៤២៧នាក់ មកពី៨ភូមិនៃឃុំរាយប៉ាយ គឺភូមិកន្លែងរុន ភូមិបឹងទទា ភូមិទួលបី ភូមិទួលវិហារ ភូមិរាយប៉ាយលើ ភូមិរាយប៉ាយក្រោម ភូមិព្រែកប្រណាក និងភូមិគោកក្របី ។ ពិធីសំណេះសំណាលនេះធ្វើឡើងក្នុងបរិវេណវត្តរាយប៉ាយ ស្ថិតនៅឃុំរាយប៉ាយ ស្រុកកងមាស កាលពីថ្ងៃទី៩ ខែកញ្ញា ឆ្នាំ២០១២ ។
លោក មិន ឃិន បានមានប្រសាសន៍កោតសរសើរទឹកចិត្តរបស់សមាជិកសមាជិកាបក្សដែលមានជំហរគាំទ្រគណបក្សប្រជាជនកម្ពុជាជាដរាប ទោះស្ថិតក្នុងកាលៈទេសៈណាក៏ដោយ ។ ទាំងនេះឆ្លុះបញ្ចាំងឱ្យឃើញពីការដឹកនាំដ៏ត្រឹមត្រូវរបស់ប្រមុខថ្នាក់ដឹកនាំគណបក្សប្រជាជនកម្ពុជាដែលមានសម្តេចទាំង៣ជាប្រមុខ ជាពិសេសគឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានដឹកនាំប្រទេសជាតិតាំងពីបាតដៃទទេរហូតមានការរីកចម្រើនលើគ្រប់វិស័យ និងបានការទទួលស្គាល់លើឆាកអន្តរជាតិទៀតផង ។
លោកប្រធានក្រុមការងារមានប្រសាសន៍ទៀតថា ការជួបជុំបងប្អូននាពេលនេះគឺក្នុងគោលបំណងពង្រឹងស្មារតីឡើងវិញដល់ក្រុមជនបង្គោល និងសមាជិកសមាជិកាបក្សទាំងអស់ ឱ្យមានការយល់ដឹង និងមានសមត្ថភាពក្នុងការអនុវត្តការងារគ្រឹះរបស់គណបក្សប្រជាជនកម្ពុជា ដើម្បីឈានទៅរកជ័យជម្នះនៅពេលបោះឆ្នោតសាកលនាពេលខាងមុខនេះ ។ ដើម្បីទទួលជ័យជម្នះបាន គឺមានតែបងប្អូនដែលជាសកម្មជនបក្សធ្វើការណែនាំសមាជិកសមាជិកាបក្ស ក៏ដូចមនុស្សចាស់ ជនពិការ ឱ្យយល់ដឹងពីគោលនយោបាយរបស់គណបក្សប្រជាជនកម្ពុជា ។ គណបក្សប្រជាជនកម្ពុជាមិនដែលបានសន្យាជាមួយប្រជាពលរដ្ឋទេ ប៉ុន្តែហ៊ានធ្វើអ្វីទាំងអស់ដើម្បីប្រជាពលរដ្ឋ ហើយពេលបច្ចុប្បន្ននេះរាជរដ្ឋាភិបាលកម្ពុជាបានលុបបំបាត់ចោលទាំងស្រុងនូវម្ចាស់ឡូត៍នេសាទទាំងអស់ ដើម្បីទុកលទ្ធភាពឱ្យប្រជានេសាទប្រកបមុខរបរនេសាទ និងសូមអំពាវនាវកុំឱ្យប្រើប្រាស់ឧបករណ៍នេសាទខុសច្បាប់ផងដែរ ។
លោកប្រធានក្រុមការងារបានមានប្រសាសន៍លើកទឹកចិត្តដល់សមាជិកសមាជិកាបក្សគ្រប់ភូមិក្នុងឃុំរាយប៉ាយ ឱ្យបន្តធ្វើអំពើល្អជាមួយប្រជាពលរដ្ឋ ជាពិសេសអាជ្ញាធរគ្រប់លំដាប់ថ្នាក់សូមមេត្តាបង្កលក្ខណៈងាយស្រួលក្នុងការផ្តល់សេវាសាធារណៈដល់ប្រជាពលរដ្ឋ ដែលទង្វើទាំងនេះបង្ហាញឱ្យឃើញពីសន្តានចិត្តរបស់មន្ត្រីគណបក្សប្រជាជនកម្ពុជា ។ ជាមួយនេះ បានក្រើនរំលឹកដល់ប្រជាពលរដ្ឋទាំងអស់ទៅពិនិត្យមើលឈ្មោះ និងចុះឈ្មោះបោះឆ្នោតឱ្យបានគ្រប់ៗ គ្នាចាប់ពីថ្ងៃទី១ ខែកញ្ញា ដល់ថ្ងៃទី១២ ខែតុលា ឆ្នាំ២០១២ ។ក្នុងឱកាសនោះ ក្រុមការងារបានឧបត្ថម្ភថវិកាដល់អ្នកចូលរួមទាំង៤២៧នាក់ក្នុងម្នាក់ៗទទួលបានថវិកា១ម៉ឺនរៀល និងព្រះសង្ឃ៨អង្គ ក្នុង១អង្គបច្ច័យ១ម៉ឺនរៀលផងដែរ សរុបការចំណាយមានចំនួន៤លាន៣៥ម៉ឺនរៀល ៕
ចែករំលែកព័តមាននេះ