រាជធានីភ្នំពេញ ៖ បក្ខពួកជនសង្ស័យចំនួន៥នាក់ បានត្រូវសមត្ថកិច្ចខណ្ឌមានជ័យ ដឹកនាំដោយលោក ហុី ណារិន និងលោក ជឹម ស៊ីថា អធិការរងនគរបាលខណ្ឌធ្វើការស្រាវជ្រាវចាប់ខ្លួនជាបន្តបន្ទាប់ក្រោយពេលក្រុមជនសង្ស័យទាំង៥នាក់ធ្វើសកម្មភាពប្លន់ប្រដាប់អាវុធយ៉ាងសកម្មនៅក្នុងរាជធានីភ្នំពេញ ។ ប្រតិបតិ្តការឃាត់ខ្លួននេះបានធ្វើឡើងកាលពីថ្ងៃទី៧-៨-៩ កញ្ញា ដោយ
រាជធានីភ្នំពេញ ៖ បក្ខពួកជនសង្ស័យចំនួន៥នាក់ បានត្រូវសមត្ថកិច្ចខណ្ឌមានជ័យ ដឹកនាំដោយលោក ហុី ណារិន និងលោក ជឹម ស៊ីថា អធិការរងនគរបាលខណ្ឌធ្វើការស្រាវជ្រាវចាប់ខ្លួនជាបន្តបន្ទាប់ក្រោយពេលក្រុមជនសង្ស័យទាំង៥នាក់ធ្វើសកម្មភាពប្លន់ប្រដាប់អាវុធយ៉ាងសកម្មនៅក្នុងរាជធានីភ្នំពេញ ។ ប្រតិបតិ្តការឃាត់ខ្លួននេះបានធ្វើឡើងកាលពីថ្ងៃទី៧-៨-៩ កញ្ញា ដោយមានការឯកភាពពីលោកព្រះរាជអាជ្ញារងអមសាលាដំបូងរាជធានីផងដែរ ។
បន្ទាប់ពីឃាត់ខ្លួនមុខសញ្ញាខាងលើនេះ នៅព្រឹកថ្ងៃទី១០ កញ្ញា សមត្ថកិច្ចបានធ្វើសន្និសីទសារព័ត៌មានមួយបង្ហាញមុខក្រុមជនសង្ស័យទាំងនេះជាសាធារណៈ ។ មុខសញ្ញាដែលជាប់ចោទប្លន់ទាំង៥នាក់នេះ១-ឈ្មោះ កេត លីណេង ហៅពេជ្រ ភេទប្រុស អាយុ២២ឆ្នាំ ស្នាក់នៅផ្ទះលេខ១៣E2Z ផ្លូវលេខ១៦៦ សង្កាត់អូរឫស្សីទី៣ ខណ្្ឌ៧មករា ២-ឈ្មោះ កង ពេជ្រ អាយុ២៥ឆ្នាំ ស្នាក់នៅក្នុងសង្កាត់អូរប្ញស្សីទី៣ ខណ្ឌ៧មករា ៣-ឈ្មោះតុង ឡាយ អាយុ២៤ឆ្នាំ ស្នាក់នៅផ្ទះជួលក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ៤-ឈ្មោះ វ៉ាន់ ជីវ័ន្ត ហៅជ្រូក ភេទប្រុស អាយុ២០ឆ្នាំ ស្នាក់នៅក្នុងភូមិទួលតាចាន់ សង្កាត់ព្រែកឯង ខណ្ឌមានជ័យ និង៥-ឈ្មោះ បុត្រ ឧត្តម ហៅ សៅ អាយុ២០ឆ្នាំ មានទីលំនៅក្នុងភូមិទួលតាចាន់ សង្កាត់ព្រែកឯង ។ ក្នុងប្រតិបត្តិការខាងលើនេះ សមត្ថកិច្ចបានដកហូតម៉ូតូបានចំនួន៥គ្រឿងដែលក្រុមចោរជិះធ្វើសកម្មភាពប្លន់ និងប្លន់បានពីអ្នករងគ្រោះកាលពីពេលកន្លងមក ។ ម៉ូតូទាំង៥គ្រឿងនោះ ១.គ្រឿងម៉ាកស្មាស ពណ៌ក្រហម ២.ម៉ាកស្គូពី ពណ៌ស ៣.ម៉ាកស្គូពី ពណ៌ក្រហម ៤.ម៉ាកហុងដាសេ១២៥ស៊េរីឆ្នាំ២០១២ ពណ៌ខ្មៅ និង៥.ម៉ាកហុងដាគុបមូលសេ៥០ពណ៌ខ្មៅលាយក្រហម រួមជាមួយអាវុធខ្លីមួយដើមម៉ាកឡុក ។
សូមបញ្ជាក់ថា ប្រតិបត្តិការលើកនេះ សមត្ថកិច្ចបានប្រើប្រាស់ពេលវេលាចំនួន៣ថ្ងៃក្នុងការស្វែងរកចាប់ខ្លួនជនសង្ស័យទាំង៥នាក់នៅកន្លែងផ្សេងៗក្នុងរាជធានីភ្នំពេញ ។
ក្រោយពីត្រូវឃាត់ខ្លួន ជនសង្ស័យទាំង៥នាក់បានសារភាពថា ពួកខ្លួនធ្លាប់ធ្វើសកម្មភាពប្លន់ម៉ូតូប្រជាពលរដ្ឋក្នុងភូមិសាស្ត្រ សង្កាត់អូឡាំពិក ខណ្ឌចំការមន និងធ្លាប់ប្លន់ម៉ូតូនៅភូមិសាស្ត្រស្រុកកៀនស្វាយ ខេត្តកណ្តាល ។ ជនសង្ស័យទាំង៥នាក់រួមទាំងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងរាជធានី ដើម្បីចាត់ការតាមផ្លូវច្បាប់ ។
គួរបញ្ជាក់ផងដែរថា ប្រភពដែលស្រាវជ្រាវបង្ក្រាបក្រុមប្លន់ប្រដាប់អាវុធ១ក្រុមខាងលើនេះ គឺផ្តើមចេញពីលោក ឡូ ភារម្យ នាយប៉ុស្តិ៍នគរបាលបឹងទំពុនសហការជាមួយលោក ហ៊ី ណារិន អធិការនគរបាលខណ្ឌមានជ័យ ៕
ចែករំលែកព័តមាននេះ