រាជធានីភ្នំពេញ ៖ នៅសាកលវិទ្យាល័យការពារជាតិស្ថិតក្នុងសង្កាត់ប្ញស្សីកែវ ខណ្ឌប្ញស្សីកែវ កាលពីព្រឹកថ្ងៃទី៧ ខែកញ្ញា មានរៀបចំពិធីផ្សព្វផ្សាយផែនការយុទ្ធវិធីសម្រាប់យោធិនចូលនិវត្តន៍ ក្នុងគោលបំណងបង្ហាញនូវបទពិសោធន៍ល្អៗដល់និស្សិតយោធាទាំងអស់ដែលជាសិក្ខា កាមបានយល់ដឹង និងមានជំនឿជឿជាក់មិនអស់សង្ឃឹមក្នុងជីវិតបន្ទាប់ពីពួកគេចូលនិវត្តន៍ ។ ការផ្សព្វផ្សាយ
រាជធានីភ្នំពេញ ៖ នៅសាកលវិទ្យាល័យការពារជាតិស្ថិតក្នុងសង្កាត់ប្ញស្សីកែវ ខណ្ឌប្ញស្សីកែវ កាលពីព្រឹកថ្ងៃទី៧ ខែកញ្ញា មានរៀបចំពិធីផ្សព្វផ្សាយផែនការយុទ្ធវិធីសម្រាប់យោធិនចូលនិវត្តន៍ ក្នុងគោលបំណងបង្ហាញនូវបទពិសោធន៍ល្អៗដល់និស្សិតយោធាទាំងអស់ដែលជាសិក្ខា កាមបានយល់ដឹង និងមានជំនឿជឿជាក់មិនអស់សង្ឃឹមក្នុងជីវិតបន្ទាប់ពីពួកគេចូលនិវត្តន៍ ។ ការផ្សព្វផ្សាយនេះ បានការចូលរួមពីលោកតុង បូរ៉ាល ជាវាគ្មិន ដែលជាអតីតយោធិនចូលនិវត្តន៍ និងជាអាជីវករមួយរូប និងលោកឧត្តមសេនីយ៍ឯក អ៊ុង ស៊ាន សាកលវិទ្យាធិការនៃសាកលវិទ្យល័យការពារជាតិ ដោយមានការចូលរួមពីនិស្សិតយោធាប្រមាណជាង២០០នាក់ ។
លោកតុង បូរ៉ាល បានឱ្យដឹងថា ការជួបជុំគ្នាថ្ងៃនេះ គឺដើម្បីផ្សព្វផ្សាយផែនការនៃយុទ្ធវិធីសម្រាប់យោធិនចូលនិវត្តន៍ ហើយយើងទាំងអស់គ្នាជាសិក្ខាកាមបើមានអ្វីឆ្ងល់សូមលើកឡើង ។យើងជាយោធិនមិនត្រូវអស់សង្ឃឹមទេនៅពេលចូលនិវត្តន៍ ព្រោះក្រៅពីការយកចិត្តទុកដាក់ពីរាជរដ្ឋាភិបាល យើងក៏អាចប្រកបមុខរបរអ្វីផ្សេងៗទៀតបានដែរ ។ពេលវេលាលឿនណាស់ មួយប៉ប្រិចភ្នែករយៈពេល៣៣ឆ្នាំមកហើយចាប់តាំងពីឆ្នាំ១៩៧៩មក។ នៅពេលដែលយើងចូលនិវត្តន៍តើយើងធ្វើអ្វីដើម្បីសេដ្ឋកិច្ចគ្រួសារសូម កុំគិតថាក្រៅពីធ្វើសង្គ្រាមមិនអាចធ្វើអ្វីទៀតកើតនោះ ។
លោកតុង បូរ៉ាល បានបន្តទៀតថា យើងមានមោទនភាពណាស់ក្នុងនាមជាយោធិនដែលនៅសង្គមមួយមានចំណែករបស់យើងព្រោះសមិទ្ធផលទាំងអស់បានមកពីយោធាដែលធ្វើពលិកម្មគ្រប់បែបយ៉ាងដើម្បីការពារសន្តិសុខ សណ្តាប់ធ្នាប់សង្គម ។ យោធិនទាំងអស់ត្រូវគិតថា គ្មាននរណាស្រឡាញ់ទាហានជាងទាហានស្រឡាញ់ទាហានគ្នាយើងនោះទេ ។ គ្រប់សមរភូមិមានតែយោធាទេដែលយល់ពីជីវិតលំបាករបស់យើង ហើយគ្មានអ្នកដឹកនាំប្រទេសណាដែលស្រឡាញ់កងទ័ពជាងអ្នកដឹកនាំដែលចេញពីកងទ័ពនោះទេ។ រាជរដ្ឋាបាលដែលមានសម្តេចតេជោហ៊ុន សែនជាប្រមុខ បានយកចិត្តទុកដាក់យ៉ាងខ្លាំងចំពោះយោធិនចូលនិវត្តន៍ ក្រៅពីនោះយើងត្រូវរៀបចំនិងខិតខំប្រឹងប្រែងរកស៊ីដោយខ្លួនឯងផងដែរ ។
លោកឧត្តមសេនីយ៍ឯក អ៊ុង ស៊ាន សាកលវិទ្យាធិការនៃសាកលវិទ្យាល័យការពារជាតិ បានឱ្យដឹងថា ការផ្សព្វផ្សាយផែនការយុទ្ធវិធីសម្រាប់យោធិនចូលនិវត្តន៍នេះគឺដើម្បីឱ្យនិស្សិតដែលជានាយទាហានបានយល់ដឹង និងដកបទពិសោធន៍ហើយត្រឡប់ទៅវិញផ្សព្វផ្សាយដល់ពលទាហាន ឱ្យបានយល់កាន់តែច្បាស់ ។ ចំពោះយោធិនចូលនិវត្តន៍ រាជរដ្ឋាភិបាលបានយកចិត្តទុកដាក់ និងគិតគូរយ៉ាងខ្លាំងធ្វើយ៉ាងណាឱ្យមានជីវភាពសមរម្យ ។ ទន្ទឹមនោះ យើងត្រូវឱ្យយោធិនទាំងអស់មានបទពិសោធន៍ក្នុងការប្រកបមុខរបរផ្សេងៗទៀតដើម្បីលើកកម្ពស់ជីវភាពខ្លួនឯងនិងជួយសង្គមជាតិ និងត្រូវត្រៀមខ្លួនជាស្រេចនៅពេលដែលយើងចូលនិវត្តន៍ ៕
ចែករំលែកព័តមាននេះ