រាជធានីភ្នំពេញ ៖ ខណៈដែលតារាចម្រៀងស្ថិតក្នុងផលិតកម្ម Rock មួយចំនួននាំគ្នាដើរចេញទៅរកផលិតកម្មថ្មី ដោយសារផលិតកម្មរបស់ខ្លួនផ្អាកផលិតបទចម្រៀងនោះ បុរសសម្បុរស្រអែម លំ សុក្រឹត ហាក់ចង់ក្រាញននៀលនៅក្នុងទ្រនំចាស់ដដែល បើទោះបីជាមិនមានបទចម្រៀងថ្មីក៏ដោយ ។
រាជធានីភ្នំពេញ ៖ ខណៈដែលតារាចម្រៀងស្ថិតក្នុងផលិតកម្ម Rock មួយចំនួននាំគ្នាដើរចេញទៅរកផលិតកម្មថ្មី ដោយសារផលិតកម្មរបស់ខ្លួនផ្អាកផលិតបទចម្រៀងនោះ បុរសសម្បុរស្រអែម លំ សុក្រឹត ហាក់ចង់ក្រាញននៀលនៅក្នុងទ្រនំចាស់ដដែល បើទោះបីជាមិនមានបទចម្រៀងថ្មីក៏ដោយ ។
ក្រោយពីផលិតកម្ម Rock សម្រេចផ្អាកផលិតបទចម្រៀងនោះ តារាចម្រៀងមួយចំនួនស្ថិតក្នុងផលិតកម្មមួយនេះដូចជាលោក ខាន់ ជេមស៍ សួស វីហ្សា និងកញ្ញាស្រីខួច ជាដើម បាននាំគ្នាចេញទៅរកផលិតកម្មថ្មី ។ ដោយឡែកសម្រាប់លោក លំ សុក្រឹត វិញ បែរជាអះអាងថាលោកមិនទាន់ចាកចេញពីផលិតកម្មចាស់នៅឡើយទេ ដោយលើកហេតុផលថា នៅមិនទាន់រកទ្រនំថ្មីនៅឡើយ ។
តារាចម្រៀងរូបនេះ អះអាងប្រាប់កោះសន្តិភាពតាមទូរស័ព្ទថា លោកតាំងចិត្តអត់ធ្មត់ អត់ទាន់ចេញទៅណាដូចតារាចម្រៀងរួមក្រុមឯទៀតឡើយ ព្រោះយល់ថា ដំបូងឡើយខាងផលិត «តទៅទំព័រទី១៩»កម្មផ្តល់ការងាយស្រួលដល់រូបលោកដូច្នេះហើយពេលជួបភាពខ្សត់ខ្សោយក្នុងការចេញបទចម្រៀងលើកដំបូងបែបនេះ លោកសុខចិត្តក្រាញននៀលជាមួយផលិតកម្មដែលធ្លាប់ផ្តល់ឱកាសឱ្យខ្លួននេះទៀត ។
ទោះជាយ៉ាងណាក្តី តារាចម្រៀងរូបនេះ សង្កត់ធ្ងន់ថា បើដល់ដំណាក់កាលចុងក្រោយ និងគ្មានជម្រើសលោកក៏ត្រូវតែចេញដែរ ។ លោកថា «បើខាងផលិតកម្មផ្អាករយៈពេលយូរនោះ ខ្ញុំនឹងសម្រេចចិត្តរកទ្រនំថ្មីដូចតារាចម្រៀងរួមក្រុមដទៃទៀតដែរ តែពេលនេះខ្ញុំមិនទាន់ទៅណាទេ ព្រោះខ្ញុំមិនទាន់រកផលិតកម្មថ្មីឡើយ»។ក្នុងពេលស្ងប់ស្ងាត់មួយរយៈនេះ មានព័ត៌មានថា មានផលិតកម្មជាច្រើនបានល្បួងយក លំ សុក្រឹត ទៅច្រៀង ប៉ុន្តែតារាចម្រៀងរូបនេះមិនទាន់ឆ្លើយតប ។ ការដែលមិនទាន់ឆ្លើយតបនេះ ព្រោះលោកចង់តស៊ូជាមួយទ្រនំចាស់ឱ្យដល់ដំណាក់កាលចុងក្រោយសិន ។
លោក លំ សុក្រឹត ជាបេក្ខជនប្រឡងជាប់ក្នុងកម្មវិធី«Rock Star»របស់ស្ថានីយទូរទស្សន៍ CTN ។ លោកបានល្បីមួយប្រាវតាមរយៈបទ«សង្សារវិទ្យាល័យ» បន្ទាប់ពីបានចូលក្នុងផលិតកម្ម Rock ដំណាលគ្នានឹងកញ្ញា សួស វីហ្សា ហើយក្នុងខណៈពេលកញ្ញា វីហ្សា ចេញទៅហង្សមាសនោះ លោក លំ សុក្រឹត តាំងចិត្តនៅចាំសំបុក រហូតដល់ដំណាក់កាលចុងក្រោយ ៕
ចែករំលែកព័តមាននេះ