រាជធានីភ្នំពេញ ៖ បន្ទាប់ពីត្រឡប់មកពីសម្តែងនៅប្រទេសអូស្ត្រាលីវិញ លោកឆាយ វីរយុទ្ធ បានចាកពីទ្រនំចាស់របស់ខ្លួនទៅនៅផលិតកម្មសាន់ដេ ជាមួយមិត្តភក្តិសុខ ស្រីនាង អាន គុណកូឡា និងហេង ពិទូ វិញ ធ្វើឱ្យគេគ្រប់គ្នាទន្ទឹងរង់ចាំមើល តើលោកអាចកសាងកេរ្តិ៍ឈ្មោះឱ្យល្បីជាងមុនបានឬយ៉ាង ណា ។
រាជធានីភ្នំពេញ ៖ បន្ទាប់ពីត្រឡប់មកពីសម្តែងនៅប្រទេសអូស្ត្រាលីវិញ លោកឆាយ វីរយុទ្ធ បានចាកពីទ្រនំចាស់របស់ខ្លួនទៅនៅផលិតកម្មសាន់ដេ ជាមួយមិត្តភក្តិសុខ ស្រីនាង អាន គុណកូឡា និងហេង ពិទូ វិញ ធ្វើឱ្យគេគ្រប់គ្នាទន្ទឹងរង់ចាំមើល តើលោកអាចកសាងកេរ្តិ៍ឈ្មោះឱ្យល្បីជាងមុនបានឬយ៉ាងណា ។
ទោះបីជាចូលក្នុងផលិតកម្មសាន់ដេមួយរយៈហើយក្តីក៏លោកឆាយ វីរយុទ្ធ នៅមិនទាន់ហ៊ានចេញមុខបកស្រាយឱ្យទស្សនិកជនបានដឹងច្បាស់ទេ ។ តារាចម្រៀងរូបនេះប្រាប់ឱ្យដឹងតាមទូរទស័ព្ទនាពេលថ្មីៗនេះថា « លោកមិនទាន់ហ៊ាននិយាយ និងសន្និដ្ឋានថា លោកចូលផលិតកម្មសាន់ដេ១០០%ទេ ព្រោះតែលោកមិនទាន់ផុតកិច្ចសន្យានៅផលិតកម្មចាស់ Big men នៅឡើយ ដូច្នេះមានការពិបាកសម្រាប់លោកណាស់ ដោយលោកត្រូវរង់ចាំមួយរយៈពេលទៀត ទើបអាចនិយាយពីបញ្ហានេះបាន »។
ដោយឡែកមិត្តរួមការងាររបស់លោកឆាយ វីរយុទ្ធ ម្នាក់សុំមិនបញ្ចេញឈ្មោះប្រាប់កោះសន្តិភាពថា លោកឆាយ វីរយុទ្ធ ចូលទៅច្រៀងនៅក្នុងផលិតកម្មសាន់ដេដោយបានចុះកិច្ចសន្យាថែមទៀតផង ។ ថ្មីៗនេះក្រុមហ៊ុនសាន់ដេ បានរៀបចំបទចម្រៀងសម្រាប់លោក ។
គេគ្រប់គ្នាមិនយល់សោះថា ហេតុអ្វីបានជាលោកឆាយ វីរយុទ្ធ នៅតែបិទបាំងពីដំណើរការច្រៀងនៅក្នុងផលិតកម្មថ្មី បើនៅក្នុងពិធីក្រុងពលីថតរឿងភាគថ្មីរបស់ផលិតកម្មសាន់ដេ ក៏លោកចូលរួមដែរនោះ ឬក៏ទុកឱ្យកក្រើកពេលចេញបទចម្រៀងថ្មី។
ជាការពិតណាស់គ្រប់តារាចម្រៀងទាំងអស់ឱ្យតែចាកចេញពីផលិតកម្មចាស់ចូលផលិតកម្មថ្មីតែងតែព្យាយាមលាក់បាំង គឺទុករហូតដល់ចេញបទចម្រៀងលក់ថ្មីទើបហ៊ានបកស្រាយ ។
ដោយចង់ឱ្យមានការបញ្ជាក់កាន់តែច្បាស់ភ្នាក់ងាររបស់កោះសន្តិភាពបានទាក់ទងទៅលោកឡាយ សុកចំរើន អ្នកគ្រប់គ្រងទូទៅផលិតកម្មសាន់ដេ ប៉ុន្តែមិនសម្រេចឡើយ ដោយលោកមិនព្រមលើក
ទូរស័ព្ទ ។
អ្នកគាំទ្រលោកឆាយ វីរយុទ្ធ កំពុងទន្ទឹងរង់ចាំស្តាប់បទចម្រៀងថ្មីរបស់លោក ហើយក៏រង់ចាំវិនិច្ឆ័យចំពោះបទចម្រៀងរបស់លោកផង ដែរ ។ អ្នកគាំទ្រលោកឆាយ វីរយុទ្ធ មួយចំនួនតូចនិយាយថា លោកអាចជោគជ័យជាងមុន ព្រោះលោកមានទឹកដមសំឡេងពីរោះជាងតារាចម្រៀងមួយចំនួនទៀត ។ ចំណែកឯអ្នកគាំទ្រខ្លះទៀតនិយាយថា តារាចម្រៀងរូបនេះបើសិនជាចេញបទចម្រៀងនៅក្នុងផលិតកម្មសាន់ដេ ប្រហែលជាមិនអាចលេចធ្លោជាងតារាចាស់ៗរបស់ផលិតកម្មនេះទេ ។ នៅពេលម្ចាស់បទ «សង្សារជាតារា»រូបនេះ ជួបសម្ភាសជាមួយអ្នកសារព័ត៌មានលោកនិយាយហាក់ដូចជាបង្ហាញក្តីកង្វល់ចំពោះអាជីពសិល្បៈរបស់ខ្លួន ។ លោកពិបាកចិត្ត ព្រោះប្រហែលគិតថា ខ្លួនមិនអាចមានឈ្មោះល្បីដូចនៅផលិតកម្មចាស់ទេ ។
លោកឆាយ វីរយុទ្ធ ប្រហែលមិនចង់ចាកចេញពីផលិតកម្មចាស់ដែលបានលើកស្ទួយ រូបលោកឱ្យមានមុខមាត់ជាងគេនោះទេ ៕
ចែករំលែកព័តមាននេះ