រាជធានីភ្នំពេញ ៖ វគ្គបណ្តុះបណ្តាលពិសេសស្តីអំពីជំនាញគ្រប់គ្រងហានិភ័យ ការគៃបន្លំ និងការគ្រប់គ្រងផ្ទៃក្នុងជាក់ស្តែងបានរៀបចំឡើង ដោយអង្គការ HEDC អន្តរជាតិ សហការជាមួយសភាពាណិជ្ជកម្មខេត្តព្រះសីហនុ កាលពីថ្ងៃទី២១ កុម្ភៈ ២០១២ ក្រោមការចូលរួមពីលោកឈុន សារុំ ប្រធានស្តីទីសភាពាណិជ្ជកម្មខេត្តព្រះសីហនុលោកអោម សេងបូរ៉ា ស្ថាបនិក
រាជធានីភ្នំពេញ ៖ វគ្គបណ្តុះបណ្តាលពិសេសស្តីអំពីជំនាញគ្រប់គ្រងហានិភ័យ ការគៃបន្លំ និងការគ្រប់គ្រងផ្ទៃក្នុងជាក់ស្តែងបានរៀបចំឡើង ដោយអង្គការ HEDC អន្តរជាតិ សហការជាមួយសភាពាណិជ្ជកម្មខេត្តព្រះសីហនុ កាលពីថ្ងៃទី២១ កុម្ភៈ ២០១២ ក្រោមការចូលរួមពីលោកឈុន សារុំ ប្រធានស្តីទីសភាពាណិជ្ជកម្មខេត្តព្រះសីហនុលោកអោម សេងបូរ៉ា ស្ថាបនិក និងជាប្រធានក្រុមប្រឹក្សាភិបាលនៃមជ្ឈមណ្ឌលអភិវឌ្ឍន៍អគ្គនាយក និងសហគ្រិន និងលោកឃីម សុខហេង នាយកអង្គការ HEDC អន្តរជាតិចូលរួមផងដែរ ។
លោកឈុន សារុំ ប្រធានស្តីទីសភាពាណិជ្ជកម្មខេត្តព្រះសីហនុបានឱ្យដឹងថា គោលបំណងចម្បងក្នុងការបើកវគ្គពិសេសនេះឡើងគឺចូលរួមជួយពង្រឹងសមត្ថភាពដល់ម្ចាស់អាជីវកម្មខ្នាតតូច និងមធ្យមលើជំនាញគ្រប់គ្រងហានិភ័យ ការគៃបន្លំ និងវិធីសាស្រ្តនៃការគ្រប់គ្រងអាជីវកម្មរបស់ខ្លួនឱ្យទទួលបានជោគជ័យ។
លោកឃីម សុខហេង នាយកអង្គការ HEDC អន្តរជាតិ និងជាអ្នកឯកទេសផ្នែកអភិវឌ្ឍន៍ធនធានមនុស្សបានមានប្រសាសន៍ថា ដើម្បីសម្រេចបានជោគជ័យលើហានិភ័យក្នុងមុខរបរផ្សេងៗ គឺទាមទារឱ្យម្ចាស់អាជីវកម្ម ឬថ្នាក់ដឹកនាំមានសមត្ថភាពខ្ពស់ក្នុងការដឹកនាំ និងបច្ចេកទេសនៃការគ្រប់គ្រងប្រកបដោយប្រសិទ្ធភាពខ្ពស់៕
ចែករំលែកព័តមាននេះ