រាជធានីភ្នំពេញ ៖ យោងតាមការប្រកាសព័ត៌មានថ្ងៃទី២៤ មិថុនា គំរោងរោងចក្រ កាន់តែប្រសើរនៅកម្ពុជា អង្គការពលកម្មអន្ដរជាតិ (ILO) បានចេញផ្សាយនូវរបាយការណ៍ សំយោគទី២៤ ស្ដីពីលក្ខខណ្ឌការងារក្នុងវិស័យកាត់ដេរកម្ពុជា ដែលបានវាយតំលៃលើការ អនុលោមទៅតាមច្បាប់ស្ដីពីការងាររបស់ប្រទេសកម្ពុជា និងបទដ្ឋានការងារអន្ដរជាតិ នៅក្នុងរោងចក្រកាត់ដេរនាំចេញ ។ របាយការណ៍នេះ ឆ្លុះបញ្ចាំងពីទិន្នន័យនៃការអនុលោមតាមច្បាប់ ដោយយោងតាម របាយការណ៍ត្រួតពិនិត្យរោងចក្រចំនួន១៥៧ ដែលត្រូវបានបញ្ចប់នៅចន្លោះពីថ្ងៃទី១ វិច្ឆិកា ឆ្នាំ២០០៩ ដល់ថ្ងៃទី៣០ មេសា ឆ្នាំ២០១០។ របាយការណ៍នេះ ផ្ទុកនូវព័ត៌មានជាច្រើន រួមមានព័ត៌មានអំពីទំហំរោងចក្រ ក៏ដូចជាទិន្នន័យប្រៀបធៀបអំពីការអនុលោមតាមសិទ្ធិជាមូលដ្ឋាន និងលក្ខខណ្ឌការងារដែល ត្រូវបានកំណត់ ដើម្បីសម្រួលដល់ការតាម ដាននូវកំរិតនៃការអនុលោមតាមច្បាប់នា ពេលកន្លងមក។
នេះគឺជារបាយការណ៍លើក ដំបូងហើយ ដែលបង្ហាញពីការកើនឡើងនូវ កំរិតការងារបើប្រៀបធៀបទៅនឹងរបាយ ការណ៍មុនៗ ចាប់តាំងពីរបាយការណ៍ សំយោគទី២១ ដែលធ្វើឡើងកាលពីថ្ងៃទី ៣១ តុលា ឆ្នាំ២០០៨ ។
កំរិតការងារបានកើនឡើងបន្ដិចចាប់តាំងពីថ្ងៃទី១ វិច្ឆិកា ឆ្នាំ២០០៩ បើទោះបីជាមាន ការបិទរោងចក្រមួយចំនួនបន្ថែមទៀតក៏ដោយ ។ ទោះបីជាកំរិតការងារនៅតែមាន ការធ្លាក់ចុះកាលពីឆ្នាំមុនក៏ដោយ ក៏ការបាត់ បង់ការងារដែលកើតឡើងដោយសារតែវិបត្ដិហិរញវត្ថុពិភពលោកនេះនៅមានកំរិតថេរ ដូចដែលបានឆ្លុះបញ្ចាំងតាមរយៈភាគរយ ថយចុះតិចតួចនៅក្នុងឆ្នាំកន្លងទៅ (៦%) បើប្រៀបធៀបជាមួយនឹងភាគរយដែល សង្កេតឃើញនៅក្នុងឆ្នាំមួយទៀត (១២,៥%) ។ ទិន្នន័យរបស់ក្រសួងពាណិជ្ជ កម្មក៏បានបង្ហាញពីការងើបឡើងវិញ នៃ វិស័យកាត់ដេរ ដោយកំរិតនៃការនាំចេញក្នុង រយៈពេល៥ខែដំបូងនៃឆ្នាំ២០១០ លើសពី កំរិតនៃការនាំចេញនៅក្នុងរយៈពេលដូចគ្នា កាលពីឆ្នាំទៅ ។
ទោះបីជាកង្វល់លើបញ្ជាមួយចំនួននៅតែ មានជាពិសេសទាក់ទងនឹងសេរីភាពក្នុងការ បង្កើតអង្គការវិជ្ជាជីវៈ និងការរើសអើងក៏ដោយ ក៏កំរិតនៃការអនុលោមទៅតាមច្បាប់ នៅតែមានកំរិតខ្ពស់ ។ ការអនុលោមទៅនឹង ការទូទាត់ប្រាក់ឈ្នួលរបស់កម្មករនិយោជិតមានការកែលំអខ្លះនៅក្នុងបញ្ហាចំនួន៤ ក្នុង ចំណោមបញ្ហាចំនួន៦ ដែលត្រូវបានរាយការណ៍ ។ លើសពីនេះទៅទៀត ការសិក្សា មួយដែលរៀបចំឡើងដោយអង្គការពលកម្ម អន្ដរជាតិ(ILO) និងត្រូវបានអនុវត្ដដោយ វិទ្យាស្ថានកម្ពុជា ដើម្បីសិក្សាការអភិវឌ្ឍន៍ បង្ហាញថា មានកម្មករនិយោជិតតិចតួចជាង មុន បានជួបនឹងការថយចុះនូវប្រាក់ចំណូល ដោយសារតែការកាត់បន្ថយនូវម៉ោងធ្វើការធម្មតា និងម៉ោងធ្វើការបន្ថែម ការតំរូវឱ្យសុំ ច្បាប់ឈប់សម្រាក និងការព្យួរការងារនៅ ក្នុងឆ្នាំនេះ បើប្រៀបធៀបទៅនឹងត្រីមាស ចុងក្រោយកាលពីឆ្នាំមុន ។ ផ្ទុយទៅវិញ កម្មករនិយោជិតភាគច្រើនបានរាយការណ៍ថា ពួកគេមិនមានលុយគ្រប់គ្រាន់ ដើម្បីចំណាយ លើតំរូវការជាមូលដ្ឋានដូចជា អាហារ ការស្នាក់នៅ និងការថែទាំសុខភាពជាដើម ។
លទ្ធផលសំខាន់ដែលបានរកឃើញបានបង្ហាញថា វិស័យកាត់ដេរកំពុងបង្ហាញនូវ សញានៃការងើបឡើងវិញ ពីវិបត្ដិសេដ្ឋកិច្ច ហើយកំរិតការងារមានការកើនឡើងបន្ដិច បន្ដួច បើប្រៀបធៀបទៅនឹងរបាយការណ៍មុន ។ កម្មករនិយោជិតជាងពីរភាគបីកំពុង ធ្វើការនៅក្នុងរោងចក្រដែលមានកម្មករ និយោជិតចំនួន១.០០០នាក់ ឬច្រើនជាងនេះ បើទោះបីជាកាលពីឆ្នាំមុន មានការធ្លាក់ចុះ ចំនួន៩% នូវរោងចក្រដែលមានកម្មករនិយោ ជិតពី១.០០០នាក់ទៅ២.០០០ នាក់។ ៧៩% នៃរោងចក្រដែលបានត្រួតពិនិត្យមើលមាន សហជីពយ៉ាងហោចណាស់មួយ ពោលគឺកើន ឡើងចំនួន៣5 ពីរបាយការណ៍សំយោគទី ២៣ ។ ការអនុលោមទៅតាមលក្ខខណ្ឌដែល ពាក់ព័ន្ធនឹងសិទ្ធិជាមូលដ្ឋានមិនមានការផ្លាស់ប្ដូរលើសពី៣5 បើប្រៀបធៀបទៅនឹងរបាយ ការណ៍មុន។ ភាគរយនៃចំនួរោងចក្រដែល បានរើសអើងចំពោះកម្មករនិយោជិត (ជា ធម្មតាការរើសអើងលើភេទ) គឺមានចំនួន ១៣% ពោលគឺកើនឡើងពី១០%ហើយភាគ រយដែលមានការរើសអើងប្រឆាំងនឹងសហ ជីព គឺមានចំនួន២% ពោលគឺកើនឡើង១% ហើយការរំខានដល់សេរីភាពសមាគមរបស់ កម្មករនិយោជិតមានចំនួន២% ដោយធ្លាក់ចុះ ពី៣% ។
ទិន្នន័យផ្សេងទៀតក៏បានបង្ហាញដែរថា ពុំមានកម្មករនិយោជិតក្រោមអាយុត្រូវបាន រកឃើញ ខណៈពេលដែលមានកម្មករនិយោ ជិតក្រោមអាយុចំនួនម្នាក់ នៅក្នុងរបាយ ការណ៍មុន។ រោងចក្រចំនួន៩% ក្នុងចំណោម រោងចក្រទាំងឡាយដែលត្រូវបានត្រួតពិនិត្យមើល មានកូដកម្មដែលភាគរយនេះបានធ្លាក់ ចុះពី១៤% នៅក្នុងរបាយការណ៍មុន ។ ចំណែកការអនុលោមទៅតាមលក្ខខណ្ឌប្រាក់ ឈ្នួលអប្បបរមាសម្រាប់កម្មករនិយោជិត ពេញសិទ្ធិ គឺមានកំរិត៩៩% ពោលគឺថយចុះ ពីកំរិត១០០% នៅក្នុងរបាយការណ៍មុន ។ សំរាប់កម្មករនិយោជិតម្ដងម្កាលវិញ ការអនុ លោមទៅតាមច្បាប់ក្នុងការផ្ដល់ប្រាក់ឈ្នួល អប្បបរមា គឺមានកំរិត៩៣%ពោលគឺកើន ឡើងពី៨៩% ក្នុងរោងចក្រដែលជួលកម្មករ និយោជិតម្ដងម្កាល ។រោងចក្រចំនួន៩៨% បានផ្ដល់ការឈប់ សំរាកប្រចាំឆ្នាំដែលមានរយៈពេល១៨ថ្ងៃ ។
ការអនុលោមទៅនឹងលក្ខខណ្ឌប្រាក់ឈ្នួល សំរាប់ការលំហែមាតុភាព ធ្លាក់ចុះចំនួន៧% ខណៈពេលដែលការអនុលោមតាមលក្ខខណ្ឌ នៃការឈប់សំរាកឈឺ ដោយមានប្រាក់ឈ្នួល គឺមានកំរិត៧៨% ពោលគឺកើនឡើង៣% បើប្រៀបធៀបជាមួយនឹងរបាយការណ៍មុន ។ ការអនុលោមទៅតាមច្បាប់ស្ដីពីកំហិតភាព ញឹកញាប់ និងរយៈពេលនៃការធ្វើការបន្ថែមម៉ោង បានធ្លាក់ចុះចំនួន៣% បើប្រៀបធៀប នឹងរបាយការណ៍មុន ។ បើទោះបីជាមានការ កើនឡើងនូវម៉ោងធ្វើការបន្ថែមក៏ដោយ ក៏ ការធ្វើការបន្ថែមម៉ោងគឺជាការស្ម័គ្រចិត្ដ ពោលគឺបានកើនឡើងចំនួន៣% ។ លក្ខខណ្ឌ ផ្ដល់ឧបករណ៍ការពារខ្លួនកើនឡើងចំនួន១% ចំណែកឯការតំឡើងរបាំងការពារម្ជុលលើ ម៉ាស៊ីនដេរ កើនឡើងចំនួន៦% ។ ចំណែក លក្ខខណ្ឌធ្វើការបន្ថែមម៉ោង និងសុខភាព និង សុវត្ថិភាពការងារមានបញ្ហាចំនួន៨ ក្នុង ចំណោមបញ្ហាធំៗចំនួន១០ ដែលមិនត្រូវបាន អនុលោមតាមច្បាប់ ដែលនេះបានឆ្លុះបញ្ចាំង ពីបញ្ហាដ៏តឹងតែង ដែលនិយោជកជួបប្រទះ នៅក្នុងកាដោះស្រាយនូវបញ្ហាទាំងនេះ ។ តែ ទោះបីយ៉ាងណាក៏ដាយ ក៏មានការកែលំអរ នូវលក្ខខណ្ឌមួយចំនួនដែលពាក់ព័ន្ធនឹងសុវត្ថិ ភាពសារធាតុគីមី ៕
ចែករំលែកព័តមាននេះ