រាជធានីភ្នំពេញ ៖ គណៈកម្មាធិការជាតិសុវត្ថិភាពចរាចរណ៍ផ្លូវគោកសហការជាមួយ អគ្គស្នងការដ្ឋាននគរបាលជាតិបានរៀបចំពិធីប្រកាស និងផ្តល់ប័ណ្ណសរសើរដល់ក្រុមហុ៊នដឹក ជញ្ជូនអ្នកដំណើរផ្លូវគោកដែលមានសុវត្ថិភាពល្អជាងគេប្រចាំឆ្នាំ២០១១ នៅព្រះរាជាណាចក្រកម្ពុជា ។
រាជធានីភ្នំពេញ ៖ គណៈកម្មាធិការជាតិសុវត្ថិភាពចរាចរណ៍ផ្លូវគោកសហការជាមួយអគ្គស្នងការដ្ឋាននគរបាលជាតិបានរៀបចំពិធីប្រកាស និងផ្តល់ប័ណ្ណសរសើរដល់ក្រុមហុ៊នដឹកជញ្ជូនអ្នកដំណើរផ្លូវគោកដែលមានសុវត្ថិភាពល្អជាងគេប្រចាំឆ្នាំ២០១១ នៅព្រះរាជាណាចក្រកម្ពុជា ។
ពិធីនេះត្រូវបានរៀបចំនៅសាលប្រជុំនៃអគ្គស្នងការដ្ឋាននគរបាលជាតិនារសៀលថ្ងៃទី១៣ កុម្ភៈ ២០១២ ក្រោមអធិបតីភាពលោកតូច ចាន់កុសល រដ្ឋលេខាធិការក្រសួងសាធារណការ និងដឹកជញ្ជូន និងជាអនុប្រធាននៃគណៈកម្មាធិការជាតិសុវត្ថិភាពចរាចរណ៍ផ្លូវគោក លោកនាយឧត្តមសេនីយ៍នេត សាវឿន អគ្គស្នងការនគរបាលជាតិ និងជាអនុប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក លោកឧត្តមសេនីយ៍ទោហ៊ឹម យ៉ាន ប្រធាននាយកដ្ឋាននគរបាលសណ្តាប់ធ្នាប់ និងមានការចូលរួមពីស្នងការរងនគរបាលខេត្ត រាជធានី ព្រមទាំងតំណាងក្រុមហុ៊នដឹកជញ្ជូនអ្នកដំណើរជាច្រើនអង្គភាព ។
នៅក្នុងកិច្ចប្រជុំនោះដែរលោកតូច ចាន់កុសល បានមានប្រសាសន៍ថា ការវាយតម្លៃ និងលើកសរសើរដល់ក្រុមហ៊ុនដឹកជញ្ជូននាពេលនេះ គឺធ្វើឡើងដោយផ្អែកតាមសេចក្តីជូនដំណឹងលេខ២៣៨ ចុះថ្ងៃទី២៥ មករា ២០១១ ដល់ក្រុមហុ៊នដឹកជញ្ជូនទាំងអស់ស្តីពីការលើកសរសើរដល់ក្រុមហ៊ុនណាដែលមានសុវត្ថិភាពចរាចរណ៍ខ្ពស់ជាងគេ។ រហូតមកដល់ដើមឆ្នាំ២០១២នេះ គណៈកម្មាធិការចរាចរណ៍ផ្លូវគោកសហការជាមួយអគ្គស្នងការដ្ឋាននគរបាលជាតិបានធ្វើការវាយតម្លៃ ដោយផ្អែកលើឯកសារកត់ត្រាដោយភ្នាក់ងារនគរបាលចរាចរពេញមួយឆ្នាំកន្លងមក។
លោកបន្តថា មូលដ្ឋានសម្រាប់ពិចារណាមានចំនួន៤គឺ ១-គ្មានគ្រោះថ្នាក់ ២-មានការគោរពច្បាប់ចរាចរណ៍ផ្លូវគោកបានល្អ ៣-គ្រប់គ្រងអ្នកបើកបរបានល្អ និង៤-ផ្តល់សេវាដឹកអ្នកដំណើរបានល្អ ។ ការវាយតម្លៃត្រូវបានធ្វើឡើងដោយអនុលោមតាមសមាមាត្រនៃចំនួនយានយន្តដែលក្រុមហុ៊ននីមួយៗគ្រប់គ្រង។ ដោយសារនេះជាឆ្នាំទីមួយនៃការអនុវត្តវិធានការខាងលើ ការជ្រើសរើសបានសម្រេចយកក្រុមហ៊ុនដឹកជញ្ជូនអ្នកដំណើរណា ដែលអនុវត្តន៍លើមូលដ្ឋានពិចារណាបានប្រសើរជាងគេ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ