រាជធានីភ្នំពេញ ៖ លោកវេជ្ជបណ្ឌិតជុំ ហាក់ នាយកទីផ្សារនៃក្រុមហ៊ុនវើលហ៊ែលហ្វាម៉ាស្យូធីខល បានថ្លែងថា ក្រុមហ៊ុនវើលហ៊ែលហ្វាម៉ាស្យូធីខល មានចក្ខុវិស័យក្នុងការនាំចូល លក់ និងចែកចាយនូវផលិតផល ដែលបម្រើដល់សុខភាពរបស់ប្រជាពលរដ្ឋ ។ សព្វថ្ងៃនេះក្រុមហ៊ុនបាននាំចូលនូវផលិតផលទឹកដោះគោម្សៅ Fabimilk សម្រាប់ទារក និងកុមារ ព្រមទាំងសម្រាប់ស្ត្រីដែលមានផ្ទៃពោះនiងបំបៅកូនដោយទឹកដោះ ដែលផលិតនៅប្រទេសបារាំង និងហូឡង់ ។ ជាពិសេសក្រុមហ៊ុនក៏បានលក់ និងចែកចាយនូវផលិតផលសម្រាប់ថែរក្សាសុខភាពមាត់ធ្មេញក្រោមពាក្យស្លោកថា ទ្រីសា-អ្នកឯកទេសមាត់ធ្មេញ! ដែលផលិតនៅប្រទេសស្វីស ផលិតដោយរោងចក្រដែលមានអាយុកាលធ្វើចរាចរនៅលើទីផ្សារ១២៥ ឆ្នាំមកហើយ ។ ទ្រីសា (Trisa) មានជាប្រភេទថ្នាំ ដុសធ្មេញ ច្រាសដុសធ្មេញ ខ្សែសម្អាត ចន្លោះធ្មេញ និងជ័រសម្រាប់សម្អាត មានគុណភាពល្អបំផុត របស់ប្រទេសស្វីស ។
លោកសំរិត ណាក់ ជំនួយការនាយកផ្នែកទីផ្សារ និងជាប្រធានផ្នែកលក់ផលិតផលទ្រីសាបានពន្យល់យ៉ាងក្បោះក្បាយថា ថ្នាំដុសធ្មេញទ្រីសា ទាំងអស់មានប្រសិទ្ធភាពដូចគ្នាក្នុងការ ៈ
-ការពារដង្កូវស៊ីធ្មេញ -ការពារធ្មេញពីការសឹករេចរឹល -ការពារអញ្ចាញធ្មេញឱ្យរឹងមាំ
-កម្ចាត់បាក់តេរី និងកំណកកំបោរ ស្នឹមតែ កាហ្វេ បារី ជាពិសេសទ្រីសាបានបន្ថែមជូននូវឯកទេសផ្សេងៗគ្នាតម្រូវតាមសុខភាពមាត់ធ្មេញ របស់លោកអ្នកដូចជា ៖
-ថ្នាំដុសធ្មេញទ្រីសា clinical wite សម្រាប់ជួយឱ្យធ្មេញស ហើយភ្លឺរលោង ។
-ថ្នាំដុសធ្មេញទ្រីសា Clinical Sensitive សម្រាប់បំបាត់អាការស្រៀវធ្មេញ, រាក់ស៊ី
ធ្មេញ ។
-ថ្នាំដុសធ្មេញទ្រីសា clinical Herbal សម្រាប់បំបាត់ការឈាមតាមជើងធ្មេញ និងកម្ចាត់កំណកកំបោរស្នឹមតែ កាហ្វេបារី ។
-ថ្នាំដុសធ្មេញទ្រីសា clinical Cold and Fresh សម្រាប់បំបាត់អាការក្លិនមាត់មិនល្អធ្វើឱ្យខ្យល់ដង្ហើមស្រស់ថ្លា
-ថ្នាំដុសធ្មេញទ្រីសា clinical care 6in1 សម្រាប់តម្រូវការគ្រប់ស្ថានភាពមាត់ធ្មេញ ។
លោកបានមានប្រសាសន៍បន្ថែមថា ដើម្បីថ្លែងអំណរគុណចំពោះអតិថិជនដែលបានគាំទ្រ ផលិតផលទ្រីសាអស់រយៈពេលជាច្រើនឆ្នាំមកហើយនោះ ទើបនៅឆ្នាំ២០១១ នេះ ក្រុមហ៊ុនបាន រៀបចំកម្មវិធីចាប់ឆ្នោត និងប្រគល់រង្វាន់ជូនដល់អតិថិជននៅថ្ងៃនេះ ។ ដែលរង្វាន់ទាំងអស់រួមមាន៖
-MOTO HONDA C -១២៥ ស៊េរីឆ្នាំ២០១១ ចំនួន១រង្វាន់
-MOTO HONDA C -១១០ ស៊េរីឆ្នាំ២០១២ ចំនួន១រង្វាន់
-ទូរទស្សន៍ SONY -LCD ៣២អ៊ីញ២រង្វាន់
-ទូទឹកកក PANASONIC ៤រង្វាន់
-ទូរស័ព្ទ NOKIA ចំនួន៨រង្វាន់
-ឆ្នាំងដាំបាយ International ៤០រង្វាន់ និង
-ផលិតផលទ្រីសាសម្រាប់ប្រើរយៈពេល១ឆ្នាំ២០០រង្វាន់ ៕
ចែករំលែកព័តមាននេះ