រាជធានីភ្នំពេញ ៖ កាលពីព្រឹកថ្ងៃទី១០ ធ្នូ សមត្ថកិច្ចចម្រុះដែលដឹកនាំដោយលោកវរសេនីយ៍ត្រី ជីវ វិបុល អនុប្រធានការិយាល័យនគរបាលព្រហ្មទណ្ឌកម្រិតស្រាលរាជធានី ភ្នំពេញ និងមានការសម្របសម្រួលពីស្ថាប័នអយ្យការ និងអាជ្ញាធរមូលដ្ឋានបានចុះឆែកឆេរឃ្លាំងស្តុក១កន្លែង គឺឃ្លាំងលេខ១៥ ស្ថិតនៅបណ្តោយផ្លូវលេខ១៦៣ សង្កាត់អូឡាំពិក ខណ្ឌចំការមន បានរកឃើញ
រាជធានីភ្នំពេញ ៖ កាលពីព្រឹកថ្ងៃទី១០ ធ្នូ សមត្ថកិច្ចចម្រុះដែលដឹកនាំដោយលោកវរសេនីយ៍ត្រី ជីវ វិបុល អនុប្រធានការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ និងមានការសម្របសម្រួលពីស្ថាប័នអយ្យការ និងអាជ្ញាធរមូលដ្ឋានបានចុះឆែកឆេរឃ្លាំងស្តុក១កន្លែង គឺឃ្លាំងលេខ១៥ ស្ថិតនៅបណ្តោយផ្លូវលេខ១៦៣ សង្កាត់អូឡាំពិក ខណ្ឌចំការមន បានរកឃើញសំឡីអនាម័យប្រមាណជាង២ពាន់កេស ដែលគេសង្ស័យថា មានឈ្មួញទុច្ចរិតនាំចូលមកធ្វើអាជីវកម្មជាន់លើកម្មសិទ្ធិផ្តាច់មុខរបស់ក្រុមហ៊ុនណាមួយ ។
ទាក់ទិននឹងការចុះឆែកឆេរឃ្លាំងស្តុកទំនិញ សំឡីអនាម័យនេះ លោកជីវ វិបុល បានឱ្យដឹងថា សមត្ថកិច្ចចម្រុះបានអនុវត្តន៍ទៅតាមដីកាឆែកឆេររបស់អយ្យការសាលាដំបូងរាជធានីភ្នំពេញ ដោយយោងទៅតាមពាក្យបណ្តឹងរបស់លោកយិន សំណាង នាយកក្រុមហ៊ុនអេនជលត្រេឌីវ ខេមបូឌា ដែលមានអាសយដ្ឋានលេខ១០១Z ១៨E1 មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន ។ លោកជីវ វិបុល បានឱ្យដឹងទៀតថា លោកយិន សំណាង ប្តឹងពីជន១ក្រុមកំពុងធ្វើសកម្មភាពនាំយកសំឡីអនាម័យមា៉កមីមី ដែលក្រុមហ៊ុនរបស់លោកបានចុះបញ្ជីនៅក្រសួងពាណិជ្ជកម្មផ្តាច់មុខនាំចូលពីប្រទេសចិន មកចែកចាយក្នុងព្រះរាជាណាចក្រកម្ពុជា ហើយថ្មីៗវនេះមានជនខិលខូច១ក្រុមបានលួចនាំចូលផលិតផលសំឡីអនាម័យជាន់លើម៉ាកសញ្ញា និងជាទំនិញក្លែងបន្លំ។ យោងពាក្យបណ្តឹងនេះ ទើបស្នងការនគរបាលរាជធានីភ្នំពេញ អនុញ្ញាតឱ្យការិយាល័យជំនាញសហការជាមួយសមត្ថកិច្ចមូលដ្ឋានចុះអនុវត្តន៍កិច្ចការនេះ ដោយមានស្ថាប័នអយ្យការចូលរួមផងដែរ ។
បន្ទាប់ពីឆែកឆេរសមត្ថកិច្ចបានរកឃើញសំឡីអនាម័យចំនួនជាង២.០០០កេស ស្តុកទុកក្នុងឃ្លាំងមិនខុសពីបណ្តឹងរបស់ក្រុមហ៊ុនអេនផល ត្រេឌីងមែន ហើយបានបិទឃ្លាំងនោះជាបណ្តោះអាសន្ន និងអញ្ជើញម្ចាស់ឃ្លាំងធ្វើការដោះស្រាយតាមផ្លូវច្បាប់៕
ចែករំលែកព័តមាននេះ