រាជធានីភ្នំពេញ ៖ កាលពីវេលាយប់ថ្ងៃទី២ ធ្នូ ២០១១ ក្នុងស្ថានទូតថៃទីក្រុងភ្នំពេញ បានប្រារព្ធវិធីបុណ្យចម្រើនព្រះជន្មមហាក្សត្រថៃព្រះចៅយូហ៊ួ ភូមិបុល អាឌុល យ៉ាដេត (Bhumibul Aduljadej) គម្រប់៨៤ព្រះវស្សាក្រោមការរៀបចំពីលោកសមប៉ង សាងួនប័ន (Sampong sangYanbun) អគ្គរាជទូតថៃប្រចាំប្រទេសកម្ពុជា ដោយមានការចូលរួមពីមន្ត្រីជាន់ខ្ពស់កម្ពុជាគឺលោកទៀ បាញ់ ឧបនាយករដ្ឋមន្ត្រី រដ្ឋមន្រ្តីក្រសួងការពារជាតិ ព្រមទាំងមន្ត្រីសំខាន់ៗជាច្រើរូបទៀតប្រមាណជាង២០០នាក់។
លោកសមប៉ង សាងួនប័ន អគ្គរាជទូតថៃបានមានមតិស្វាគមន៍ និងបញ្ជាក់ថា ជារៀងរាល់ឆ្នាំប្រជាជនថៃ និងគ្រប់មន្រ្តីរាជការទាំងអស់បានប្រារព្ធពិធីបុណ្យនេះគ្រប់ទីកន្លែងហើយពេលនេះនៅកម្ពុជា ក៏បានធ្វើពិធីបុណ្យនៅថ្ងៃនេះដែរ។ លោកបន្តថា យើងមានប្រវត្តិ ប្រពៃណី និងកាន់ទំនៀមទម្លាប់ព្រះពុទ្ធសាសនាតាំងពីដើមមកដូចគ្នា ហើយរស់នៅជាប់របងគ្នាប្រៀបដូចបងប្អូនតាំងពីយូរលង់ណាស់មកហើយ។ លោកក៏បានជូនពរបន្ថែមដល់ប្រជាជនទាំងពីរ (កម្ពុជា-ថៃ) ឲ្យមានជីវភាពកាន់តែល្អប្រសើរឡើងថែមទៀត សំខាន់ជំរុញការពង្រឹងសម្ព័ន្ធមេត្រីភាពគ្នា ហើយក៏សូមថ្វាយព្រះមហាពរជ័យដល់ព្រះមហាវររាជបិតា និងព្រះវររាជ មាតា ព្រមទាំងព្រះមហាក្សត្រកម្ពុជាផងដែរ សូមព្រះអង្គមានព្រះជន្មយុយឺនយូរជាងរយព្រះវស្សា។
លោកទៀ បាញ់ បានឆ្លើយតបវិញដោយការជូនពរប្រជាជនថៃឲ្យឆាប់រួចចាកផុតពីគ្រោះមហន្តរាយទឹកជំនន់ដ៏ធ្ងន់ធ្ងរ និងសូមឲ្យព្រះមហាក្សត្រថៃមានព្រះជន្មកាន់តែយឺនយូរថែមទៀត៕
ចែករំលែកព័តមាននេះ