រាជធានីភ្នំពេញ ៖ ក្រុមហ៊ុន Camgold Co.,Ltd បានរៀបចំពិធីជប់លៀងថ្លែងអំណរគុណចំពោះអតិថិជនអ្នកលក់បន្តផលិតផល បាបាកាសប្រចាំឆ្នាំ២០១១ ដែលពិធីជប់លៀងនេះធ្វើឡើងកាលពីថ្ងៃទី២៧ វិច្ឆិកា នៅសណ្ឋាគារឡឺរ៉ូយ៉ាល់។ ពិធីជប់លៀងបានធ្វើឡើងក្រោមការចូលរួមពីអតិថិជន អ្នកលក់បន្តជាច្រើនរយនាក់ មានការប្រគំតន្ត្រីចូលរួមពីកំពូលតារាល្បីៗ មានរបាំ
រាជធានីភ្នំពេញ ៖ ក្រុមហ៊ុន Camgold Co.,Ltd បានរៀបចំពិធីជប់លៀងថ្លែងអំណរគុណចំពោះអតិថិជនអ្នកលក់បន្តផលិតផលបាបាកាសប្រចាំឆ្នាំ២០១១ ដែលពិធីជប់លៀងនេះធ្វើឡើងកាលពីថ្ងៃទី២៧ វិច្ឆិកា នៅសណ្ឋាគារឡឺរ៉ូយ៉ាល់។ ពិធីជប់លៀងបានធ្វើឡើងក្រោមការចូលរួមពីអតិថិជនអ្នកលក់បន្តជាច្រើនរយនាក់ មានការប្រគំតន្ត្រីចូលរួមពីកំពូលតារាល្បីៗ មានរបាំប្រពៃណីខ្មែរ និងរបាំប្រពៃណីជនជាតិកូរ៉េផងដែរ និងមានកម្មវិធីចាប់ឆ្នោតផ្តល់រង្វាន់ជូនភ្ញៀវកិត្តិយសដែលចូលរួមទៀតផង។
លោក Sok Samnang តំណាងឱ្យក្រុមហ៊ុន Camgold បានថ្លែងអំណរគុណចំពោះភ្ញៀវកិត្តិយសទាំងអស់ដែលបានចូលរួមក្នុងពិធីជប់លៀងនេះ និងថ្លែងអំណរគុណចំពោះអតិថិជនដែលបានខិតខំលក់ផលិតផលបាកាស បានច្រើនសន្ធឹកសន្ធាប។ ក្នុងឱកាសនោះផងដែរ លោកបានប្រកាសប្រគល់រង្វាន់ពិសេសដល់អតិថិជនមួយចំនួនដែលបានទិញផលិតផលភេសជ្ជៈប៉ូវកម្លាំងបាកាសបានច្រើនជាងគេនៅក្នុងពិធីជប់លៀង ដែលរង្វាន់ទាំងនោះអ្នកដែលទិញបានច្រើនជាងគេបំផុតទទួលបានចំណាត់ថ្នាក់លេខ១ ទទួលបានម៉ូតូហុងដាឌ្រីម ស៊េរី២០១១ មួយរង្វាន់ ចំណាត់ថ្នាក់លេខ២ ទទួលបានទូរស័ព្ទដៃម៉ាក iPhone ៥រង្វាន់ ចំណាត់ថ្នាក់លេខ៣ បានទូរទស្សន៍៤២អីុញ ៥រង្វាន់។ ក្រៅពីនេះក្រុុមហ៊ុនបានប្រគល់រង្វាន់ជាច្រើនទៀតដល់អតិថិជនអ្នកលក់បន្តដែលលក់បានច្រើនជាងគេចំនួន១២នាក់ សម្រាប់ឆ្នាំ២០១១ នេះ ក្នុងនោះ៦នាក់នៅក្នុងរាជធានីភ្នំពេញ និង៦នាក់ទៀតនៅតាមបណ្តាខេត្តនានាដែលរង្វាន់ទាំងនោះគឺជាផលិតផលបាកាសសរុប១៦០កេសឯណោះ ។
ផ្សេងពីនោះទៀតពិធីជប់លៀងក៏មានការចាប់ឆ្នោតប្រគល់រង្វាន់ជូនភ្ញៀវកិត្តិយសដែលបានចូលរួមក្នុងពិធីជប់លៀងនោះដែរ ហើយរង្វាន់ទាំងនោះមានដូចជា DVD ចំនួន១០គ្រឿង ទូទឹកកក៥គ្រឿង កាមេរ៉ា៥គ្រឿង ទូរទស្សន៍៣២អ៊ីញ ២គ្រឿង និងទូរស័ព្ទដៃម៉ាក iPhone មួយគ្រឿង ។
ពិធីជប់លៀងដែលមានការប្រគល់ជារង្វាន់ដ៏សន្ធឹកសន្ធាប់នៅពេលនេះ គឺក្រុមហ៊ុនធ្វើឡើងដើម្បីលើកទឹកចិត្តដល់អតិថិជនអ្នកលក់បន្តនូវភេសជ្ជៈប៉ូវកម្លាំងបាកាសទូទាំងប្រទេសក្នុងឆ្នាំ២០១១ នេះ ដើម្បីឱ្យអតិថិជនទាំងនោះខិតខំជំរុញការលក់របស់គេជាបន្តទៅទៀត ៕
ចែករំលែកព័តមាននេះ