រាជធានីភ្នំពេញ ៖ ក្រុមហ៊ុន Saputra Global Resources បានរៀបចំធ្វើសិក្ខាសាលាស្តីពីផលិតផល និងសម្ភារកសិកម្មកាលពីថ្ងៃទី៦ តុលា នៅសណ្ឋាគារហ៊ីម៉ារ៉ានី ។ សិក្ខាសាលាបានបង្ហាញអំពីផលិតផលអាហារបំប៉នពិសេសម្យ៉ាងដែលគេ អាចយកទៅប្រើប្រាស់បាននៅក្នុងវិស័យកសិកម្មលើដំណាំហូបផ្លែ ដូចជា ស្រូវ ពោត សណ្តែក អំពៅ ល្ពៅ ម្ទេស ។ល។
រាជធានីភ្នំពេញ ៖ ក្រុមហ៊ុន Saputra Global Resources បានរៀបចំធ្វើសិក្ខាសាលាស្តីពីផលិតផល និងសម្ភារកសិកម្មកាលពីថ្ងៃទី៦ តុលា នៅសណ្ឋាគារហ៊ីម៉ារ៉ានី ។ សិក្ខាសាលាបានបង្ហាញអំពីផលិតផលអាហារបំប៉នពិសេសម្យ៉ាងដែលគេអាចយកទៅប្រើប្រាស់បាននៅក្នុងវិស័យកសិកម្មលើដំណាំហូបផ្លែដូចជា ស្រូវ ពោត សណ្តែក អំពៅ ល្ពៅ ម្ទេស ។ល។ និងសត្វចញ្ចឹមជាច្រើនប្រភេទទៀត ដូចជា ត្រី មាន់ ទា ជ្រូក គោ ក្របីជាដើម ។
អាហារបំប៉នសម្រាប់រុក្ខជាតិ គឺធ្វើឱ្យរុក្ខជាតិមានការលូតលាស់បានល្អ ទទួលបានទិន្នផលខ្ពស់ រសជាតិឆ្ងាញ់ ជួយកាត់បន្ថយក្នុងការប្រើប្រាស់ជីកសិកម្មដែលជាហេតុធ្វើឱ្យខូចគុណភាពដី ងាយស្រួលក្នុងការប្រើប្រាស់មិនប៉ះពាល់ដល់បរិស្ថាននិងសុខភាពមនុស្ស-សត្វនោះឡើយ ហើយឆាប់បានទទួលផលទៀតផង ។
ចំណែកអាហារបំប៉នសម្រាប់សត្វចិញ្ចឹមវិញក៏ដូចជារុក្ខជាតិដែរ គឺធ្វើឱ្យសត្វឆាប់ធំធាត់់ ធន់នឹងជំងឺ មានសុខភាពល្អ ដោយសារតែអាហារបំប៉ននោះវាបានទៅជួយបំពេញដល់សរីរាង្គក្នុងខ្លួនដែលខ្វះខាតឱ្យពេញលក្ខណៈគ្រប់គ្រាន់សម្រាប់ទ្រទ្រង់ជីវិត ។
សិក្ខាសាលានេះធ្វើឡើងក្នុងគោលបំណងផ្សព្វផ្សាយឱ្យកសិករកម្ពុជាមានការយល់ដឹងអំពីគុណភាពអាហារបំប៉នដែលនាំចូលដោយក្រុមហ៊ុនធ្វើការស្រាវជ្រាវលើផលិតផលកសិកម្ម គឺអាហារបំប៉នពិសេសសម្រាប់ឱ្យកសិករកម្ពុជាបានប្រើប្រាស់ដើម្បីទទួលបានទិន្នផលខ្ពស់ ពីព្រោះប្រទេសកម្ពុជាគឺជាប្រទេសកំពុងអភិវឌ្ឍន៍៕
ចែករំលែកព័តមាននេះ