រាជធានីភ្នំពេញ ថ្ងៃចន្ទ ទី២៩ ខែសីហា ឆ្នាំ២០១១ ៖ កម្មវិធីពិសេសដែលរួមសហការរវាងក្រុមហ៊ុនភេសជ្ជៈ កម្ពុជាកូកា-កូឡា និង Smart Mobile មានឈ្មោះថា «បើគម្របកូកា-កូឡា ហើយឈ្នះការបញ្ចូលទឹកប្រាក់ជាមួយកូកា-កូឡា និង Smart Mobile » បានចាប់ផ្តើមនៅខែកក្កដា ហើយរយៈពេលត្រឹមតែមួយខែ
រាជធានីភ្នំពេញ ថ្ងៃចន្ទ ទី២៩ ខែសីហា ឆ្នាំ២០១១ ៖ កម្មវិធីពិសេសដែលរួមសហការរវាងក្រុមហ៊ុនភេសជ្ជៈ កម្ពុជាកូកា-កូឡា និង Smart Mobile មានឈ្មោះថា «បើគម្របកូកា-កូឡា ហើយឈ្នះការបញ្ចូលទឹកប្រាក់ជាមួយកូកា-កូឡា និង Smart Mobile » បានចាប់ផ្តើមនៅខែកក្កដា ហើយរយៈពេលត្រឹមតែមួយខែប៉ុណ្ណោះ យើងបានរកឃើញអ្នកឈ្នះរង្វាន់ធំទីមួយ គឺកញ្ញា អ៊ឹង ស៊ីវអ៊ីង ជានិស្សិតនៅសាកលវិទ្យាល័យជាតិគ្រប់គ្រង។ ការប្រគល់រង្វាន់នេះត្រូវបានធ្វើឡើងនៅ Smart Store រាជធានីភ្នំពេញ ។
កញ្ញាអ៊ឹង ស៊ីវអ៊ីង មានស្រុកកំណើតនៅស្រុកព្រៃឈរ ខេត្តកំពង់ចាម បានរៀបរាប់អំពីបទពិសោធន៍ពេលឈ្នះរង្វាន់ធំនេះថា «កូកា-កូឡាជាភេសជ្ជៈដែលខ្ញុំចូលចិត្តញ៉ាំបំផុត ។ កាលពីអាទិត្យមុន ខ្ញុំបានទៅលេងឪពុកម្តាយខ្ញុំនៅស្រុកកំណើត និងបានទិញកូកា-កូឡាជូនពួកគាត់ផងដែរ ហើយខ្ញុំមិននឹកស្មានទាល់តែសោះថានៅក្រោមគម្របដបកូកា-កូឡារបស់ខ្ញុំមានសារបញ្ជាក់ថា ខ្ញុំឈ្នះស៊ីមកាតតេមួយឆ្នាំឥតគិតថ្លៃ»។
លោកប៉ូល ប៉ុបពើលីយ៉េ នាយកគ្រប់គ្រងប្រចាំប្រទេសនៃក្រុមហ៊ុនភេសជ្ជៈកម្ពុជា(កូកា-កូឡា) បានមានប្រសាសន៍ថា «យើងតែងតែផ្តល់ជូនអតិថិជននូវភាពស្រស់ថ្លារីករាយជារៀងរាល់ថ្ងៃ តាមរយៈការផ្គត់ផ្គង់នូវភេសជ្ជៈមានគុណភាពខ្ពស់ច្រើនរសជាតិ និងឱកាសឈ្នះរង្វាន់អស្ចារ្យជាច្រើន ជាពិសេសក្នុងអំឡុងពេលនៃកម្មវិធីនេះ »។ លោកបន្តទៀតថា «នេះជាលើកទីមួយសម្រាប់យើង ក្នុងការសហការផ្តល់ជូននូវកម្មវិធីឈ្នះការបញ្ចូលទឹកប្រាក់ជាច្រើននិងស៊ីមកាតតេមួយឆ្នាំឥតគិតថ្លៃ ។ យើងមានភាពរីករាយក្រៃលែងចំពោះកម្មវិធីពិសេសនេះ និងសង្ឃឹមថា អតិថិជនរបស់យើងក៏ទទួលបានភាពសប្បាយរីករាយពីកម្មវិធីនេះផងដែរ » ។
លោក Kirill Mankovsky នាយកគ្រប់គ្រងផ្នែកទីផ្សាររបស់ក្រុមហ៊ុន Smart Mobile បានមានប្រសាសន៍ថា «ចាប់តាំងពីបើកកម្មវិធីពិសេសនេះមក មានអតិថិជនជាង១៥ម៉ឺននាក់បានឈ្នះរង្វាន់បញ្ចូលទឹកប្រាក់ក្នុងទូរស័ព្ទ ហើយចំនួនអ្នកឈ្នះនៅតែបន្តកើនឡើងជារៀងរាល់ថ្ងៃ ។ ឥឡូវនេះយើងក៏បានរកឃើញផងដែរអ្នកឈ្នះរង្វាន់ធំដំបូងគេ ហើយយើងក៏ទន្ទឹងរង់ចាំមើលទៀតថា តើអតិថិជនរូបណាមានភ័ព្វសំណាងក្លាយជាអ្នកឈ្នះស៊ីមកាតតេមួួយឆ្នាំឥតគិតថ្លៃដែលនៅមានចំនួន៤រង្វាន់ទៀត» ។
អ្នកស្រីគង់ កុសល ប្រធានផ្នែកទីផ្សាររបស់ក្រុមហ៊ុនភេសជ្ជៈកម្ពុជាកូកា-កូឡា ក៏បានចូលរួមអបអរចំពោះអ្នកឈ្នះដែរថា «យើងសូមសម្តែងការអបអររីករាយចំពោះអ្នកឈ្នះរង្វាន់ ធំ ។ នេះជាកម្មវិធីពិសេសដែលផ្តល់ឱកាសដល់អតិថិជនគ្រប់គ្នាក្នុងការឈ្នះរង្វាន់ ។ លោកអ្នកគ្រាន់តែទៅកាន់់ហាងលក់ភេសជ្ជៈ ផ្សារទំនើប ឬភោជនីយដ្ឋានដែលនៅជិតលោកអ្នកបំផុតនៅទូទាំងកម្ពុជា ហើយជ្រើសរើសយកកូកា-កូឡាដបដែលផ្នែកខាងលើនៃគម្របមានឆ្នូតពណ៌លឿង ជុំវិញ ឬដបប្លាស្ទិក១,៥លីត្រ ឬដបប្លាស្ទិក ៥០០មីល្លីលីត្រ ដែលគម្របដបមានផ្ទៃពណ៌លឿងសុទ្ធ រួចពិនិត្យមើលក្រោមគម្របដបដើម្បីមានឱកាសឈ្នះរង្វាន់អស្ចារ្យជាច្រើនក្នុងអំឡុងពេលនៃកម្មវិធីពិសេសនេះ» ។
កម្មវិធីនៅមានរង្វាន់ធំស៊ីមកាតតេមួួយឆ្នាំឥតគិតថ្លៃចំនួន៤រង្វាន់ទៀត ព្រមទាំងរង្វាន់ ពិសេសៗជាច្រើនសន្ធឹកសន្ធាប់ទៀតដូចជា ឈ្នះការបញ្ចូលទឹកប្រាក់ភ្លាមៗចាប់ពី០,៥ដុល្លារ ១ដុល្លារ និង៥ដុល្លារ (លក្ខខណ្ឌផ្សេងៗត្រូវបានអនុវត្ត) ៕
ចែករំលែកព័តមាននេះ