រាជធានីភ្នំពេញ ៖ Tiger Translate កម្មវិធីសម្ដែងសិល្បៈវប្បធម៌ និងភាពទាន់ សម័យស៊ីវិល័យរបស់សិល្បករភាគខាងកើត និងខាងលិចដែលផ្សារភ្ជាប់ទំនាក់ទំនងរវាងប្រជាជនកម្ពុជា និងបរទេស ។ លើកនេះ Tiger Translate ពិតជាខុសប្លែកធៀបនឹងកម្មវិធីមុនៗ។ កម្មវិធីបានចាប់ផ្ដើមឡើងជាមួយនឹងឃ្លាំង
រាជធានីភ្នំពេញ ៖ Tiger Translate កម្មវិធីសម្ដែងសិល្បៈវប្បធម៌ និងភាពទាន់ សម័យស៊ីវិល័យរបស់សិល្បករភាគខាងកើត និងខាងលិចដែលផ្សារភ្ជាប់ទំនាក់ទំនងរវាងប្រជាជនកម្ពុជា និងបរទេស ។ លើកនេះ Tiger Translate ពិតជាខុសប្លែកធៀបនឹងកម្មវិធីមុនៗ។ កម្មវិធីបានចាប់ផ្ដើមឡើងជាមួយនឹងឃ្លាំងទំនេរបានប្រែទៅជាកន្លែងដែលរំលេចទៅដោយរូបគំនូរក្រាហ្វិកឆ្លុះបង្ហាញឱ្យឃើញនូវគំនិតច្នៃប្រឌិតដែលជាទីចាប់អារម្មណ៍នៅទីក្រុងភ្នំពេញ។
Tiger Beer បានបំលែងឃ្លាំងទំនេរឱ្យទៅជាទីកន្លែងផាតធីដ៏ធំអស្ចារ្យមួយបានដោយជោគជ័យនៅរាត្រីថ្ងៃទី១៩ ខែសីហា ឆ្នាំ២០១១ ដើម្បីរៀបចំកម្មវិធី Tiger Translate លើកទីបីនៅកម្ពុជា។
អ្នកស្រី រឿន សុវណ្ណារី ប្រធានប្រតិបត្ដិម៉ាកផលិតផល Tiger Beer បានឱ្យដឹងថា តាមរយៈ Tiger Translate យើងតែងតែនាំមកជូនប្រជាជនកម្ពុជានូវផាតធីបែបថ្មីៗជានិច្ច។ ជាក់ ស្ដែងនៅក្នុងកម្មវិធីលើកនេះយើងបង្ហាញជូនអំពីការយល់ដឹងពហុចម្រុះនៃវប្បធម៌ប៉ែកខាងកើត និងខាងលិចតាមរយៈការសម្ដែង ការឌីហ្សាញ ការប្រគំតន្ដ្រី និងសកម្មភាពសិល្បៈជាច្រើនទៀតដូចជាការគូររូបលើអាវយឺត គូររូបពណ៌ និង ថតរូបជាដើម។ យើងទទួលបានការឆ្លើយតបដ៏អស្ចារ្យជាច្រើនពីអ្នកចូលរួម។
ក្រុមសិល្បករកម្ពុជាសម្បូរដោយទេពកោសល្យល្អៗ រួមជាមួយក្រុមសិល្បករល្បីៗលំដាប់អន្ដរជាតិជាច្រើនដូចជា ក្រុម12ME&RAPH (ក្រុមហ៊ីបហប់ Jazz មកពី
បារាំង) និងក្រុមក្លាបយ៉ាហ៊ែនរួមគ្នាបង្កើតបាន ជាភាពសប្បាយរីករាយយ៉ាងគគ្រឹកគគ្រេងនៅទីកន្លែងប្រារព្ធកម្មវិធីដែលមានវត្ដមានអ្នកចូលរួមដ៏ច្រើនកុះករបំផុត។ អ្នកចូលរួមប្រមាណជិត ១.៥០០នាក់សប្បាយរីករាយជាខ្លាំងក្នុងការ ទស្សនាការសម្ដែងដ៏អស្ចារ្យដោយផ្ទាល់របស់សិល្បករខ្មែរ និងបរទេស មានដូចជា ក្រុមចាប៉ីខ្មែរ ក្រុមរាំ breakdance ក្រុមតារាចម្រៀងហ៊ីបហប់ និងក្រុមរាំរបាំហនុមានខ្មែរជាដើម។
ពូឃ្លាំង តារាចម្រៀងហ៊ីបហប់ដ៏ពេញនិយមរបស់កម្ពុជាបានបញ្ចេញទស្សនៈថា«នេះជាកិត្ដិយសដ៏ធំធេងណាស់សម្រាប់រូបខ្ញុំដែលបានធ្វើជាតំណាងក្រុមក្លាបយ៉ាហ៊ែន និងសម្ដែងនៅក្នុងកម្មវិធី Tiger Translate ព្រោះនេះជាកម្ម វិធីដែលពាំនាំមកជូនប្រជាជនកម្ពុជានូវការសម្ដែងសិល្បៈលំដាប់ស្ដង់ដារអន្ដរជាតិ និង ផ្ដល់ភាពសប្បាយរីករាយក្រៃលែងជាមួយអាហារដ៏ឈ្ងុយឆ្ងាញ់ និងTiger Beer ស្រាបៀរល្បីទូទាំងពិភពលោក។ ដូច្នេះកម្មវិធី Tiger Translate គួរតែបង្កើតជារៀងរាល់ឆ្នាំនៅប្រទេសកម្ពុជា ។
ជាបទពិសោធន៍ដែលចងចាំបំភ្លេចមិនបានសម្រាប់ប្រជាជនកម្ពុជាក៏ដូចជាសម្រាប់ជនជាតិបរទេសដែលបានចូលរួមកម្មវិធី។ ពួកគាត់អាចទស្សនាសិល្បៈប្រកបដោយគំនិតច្នៃប្រឌិតដែលរួមសហការរវាងសិល្បករកម្ពុជាដ៏ល្បីលេចធ្លោ និងសិល្បករអន្ដរជាតិដ៏ល្បីល្បាញ។ ចំណុចលេចធ្លោនៃកម្មវិធីនេះ គឺការប្រកួតរាំរវាងក្រុមរាំបែបប្រពៃណី និងក្រុមរាំ breakdance។
តំណាងម្នាក់របស់ក្រុមក្លាបយ៉ាហ៊ែនបានប្រាប់ថា«នេះជាការឆ្លុះបញ្ចាំងពីអ្វីដែលយើងធ្វើ និងអំពីយើងជានរណា យើងធ្វើឱ្យវាក្លាយជាការពិត»។ Tiger Translate តំណាងឱ្យកម្ពុជា ដែលកំពុងអភិវឌ្ឍន៍កែលម្អទៅរកភាពល្អប្រសើរ និងឆ្ពោះទៅកាន់ភាពទាន់សម័យស៊ីវីល័យ ប៉ុន្ដែមិនបំភ្លេចចោលប្រពៃណី និងដើមកំណើតរបស់ខ្លួនឡើយ នេះហើយជាចំណុចខ្លាំងរបស់កម្ពុជា។ យើងយល់ថា យើងបានធ្វើដំណើរឆ្ងាយហើយមិនវង្វេង និងមកដល់ត្រង់ចំណុចត្រូវផ្លាស់ប្ដូរហើយ។
Tiger Beer នឹងបន្ដនាំមកជូន និងបង្កើតនូវបទពិសោធន៍ថ្មីៗបន្ថែមទៀតតាមរយៈកម្មវិធី Tiger Translate។ ជាពិសេស Tiger Tran slate នឹងបន្ដបង្ហាញសមិទ្ធផលដែលអាចផ្ដល់ការកម្សាន្ដផ្សារភ្ជាប់ទំនាក់ទំនង និងលើកទឹក ចិត្ដប្រជាជនកម្ពុជា។ សូមរង់ចាំចូលរួមកម្មវិធី Tiger Translate លើកក្រោយទៀត។ សម្រាប់ពេលនេះសូមរីករាយទស្សនារូបភាពបង្ហាញពីសកម្មភាពផ្សេងៗក្នុងកម្មវិធី Tiger Translate តាមរយៈគេហទំព័រ http://www.facebook. com/TigerBeerCambodia ។
កម្មវិធី Tiger Translate ត្រូវបានផ្ដួចផ្ដើមបង្កើតឡើងទូទាំងសាកលលោកដើម្បីបង្ហាញទេពកោសល្យ និងគំនិតច្នៃប្រឌិតដ៏លេចធ្លោបំផុតរបស់ជនជាតិអាស៊ី និងដើម្បីជំរុញឱ្យមានការសហការជាមួយសិល្បករអន្ដរជាតិ។ ព័ត៌មានបន្ថែម សូមចូលទៅកាន់គេហទំព័រ www. tigertranslate.com។
Tiger Beer ជាស្រាបៀរដែលមានកេរ្ដិ៍ ឈ្មោះល្បីល្បាញលំដាប់អន្ដរជាតិមាននៅទូទាំង ៦០ប្រទេស និងជាស្រាបៀរដែលទទួលបានពានរង្វាន់អន្ដរជាតិជាច្រើនសម្រាប់គុណភាពខ្ពស់ និងរសជាតិដ៏ល្អវិសេស។ Tiger Beer មានលក់នៅតាមភោជនីយដ្ឋាន បារ និងក្លឹបល្បីៗជាច្រើនទូទាំងកម្ពុជា។ កាលពីពេលថ្មីៗនេះ Tiger Beer ទទួលបានមេដាយមាសនៅក្នុងការប្រកួតស្រាបៀរពិភពលោកឆ្នាំ២០១០ជាកម្មវិធីដែលមនុស្សជាច្រើនចាត់ទុកថាជាការប្រកួតអូឡាំពិកសម្រាប់ស្រាបៀរ៕
ចែករំលែកព័តមាននេះ