រាជធានីភ្នំពេញ ៖ ក្រុមបៀលប្រាយយូណាយធីត សងសឹកក្រុមឆ្លាមសមុទ្រយកឈ្នះ២-០ ក្នុងការជួបគ្នាជាលើកទី២ នៅលើទីលានពហុកីឡដ្ឋានជាតិកាលពីរសៀលថ្ងៃពុធទី២៤ សីហា ក្នុងព្រឹត្តិការណ៍ Metfone Cambodian League 2011 ។ នៅជុំទី១ ក្រុមឆ្លាមសមុទ្រ បានលត់ក្រុមបៀលប្រាយយូណាយធីត៣-២ រួចម្តងមកហើយ។
រាជធានីភ្នំពេញ ៖ ក្រុមបៀលប្រាយយូណាយធីត សងសឹកក្រុមឆ្លាមសមុទ្រយកឈ្នះ២-០ ក្នុងការជួបគ្នាជាលើកទី២ នៅលើទីលានពហុកីឡដ្ឋានជាតិកាលពីរសៀលថ្ងៃពុធទី២៤ សីហា ក្នុងព្រឹត្តិការណ៍ Metfone Cambodian League 2011 ។
នៅជុំទី១ ក្រុមឆ្លាមសមុទ្រ បានលត់ក្រុមបៀលប្រាយយូណាយធីត៣-២ រួចម្តងមកហើយ។ លោកប៊ុន ពេជមុនី អ្នកដឹកនាំក្រុមបៀលប្រាយយូណាយធីតបានឱ្យដឹងថា កាលណោះការលេងនៅក្នុងក្រុមមានការធ្វេសប្រហែសបន្តិចមែន តែលើកនេះមិនអាចធ្លោយការបានទៀតឡើយ។ ប៉ុន្តែទោះជាយ៉ាងណា ក៏ការប្រកួតលើកនេះនៅតង់ទី១ក្រុមឆ្លាមសមុទ្របានលេងសង្កត់ក្រុមបៀលប្រាយយូណាយធីតជាប់ និងមានឱកាសស៊ុតបាល់បញ្ចូលទីជាច្រើនលើកច្រើនសាទៀតផង តែមិនបានសម្រេច ។
ចូលដល់តង់ទី២ រហូតដល់នាទីទី៦៦ កីឡាករពេជ្រ ស៊ីណា ពាក់អាវលេខ១៧ របស់ក្រុមបៀលប្រាយយូណាយធីតរកបាន១គ្រាប់មុន លុះនៅនាទីទី៨៩ កីឡាករសែម មុន្នី ពាក់អាវលេខ១១ រកបាន១គ្រាប់បន្ថែមទៀត។ ក្រុមបៀលប្រាយយូណាយធីតពេលនេះរកបាន២៨ពិន្ទុហើយ និងបានស្ទុះឡើងមកនៅលេខរៀងទី៤ ក្នុងតារាង ខណៈពេលដែលក្រុមឆ្លាមសមុទ្រមាន១៣ពិន្ទុ ស្ថិតនៅលេខរៀងទី៨ ក្នុងតារាង ៕
ចែករំលែកព័តមាននេះ