រាជធានីភ្នំពេញ ៖ ជឹម តារា មកពីក្លឹបសិង្ហកីឡា ជួបឃឹម ពេជ្រចិន្តា មកពីក្លឹបបុរានាគរាជ នៅលើសង្វៀនស្ថានីយទូរទស្សន៍ប៉ុស្តិ៍លេខ៣ នាថ្ងៃសៅរ៍ទី២៧ សីហា ឯលន លឿប មកពីក្លឹបកងពលតូចលេខ៧០ ជួបខុន រាជ មកពីក្លឹបកងពលធំអន្តរាគមន៍លេខ៣ព្រះវិហារ ។ ជឹម តារា និងឃឹម ពេជ្រចិន្តា ធ្លាប់ជួបគ្នាច្រើនលើករួចមកហើយដោយ
រាជធានីភ្នំពេញ ៖ ជឹម តារា មកពីក្លឹបសិង្ហកីឡា ជួបឃឹម ពេជ្រចិន្តា មកពីក្លឹបបុរានាគរាជ នៅលើសង្វៀនស្ថានីយទូរទស្សន៍ប៉ុស្តិ៍លេខ៣ នាថ្ងៃសៅរ៍ទី២៧ សីហា ឯលន លឿប មកពីក្លឹបកងពលតូចលេខ៧០ ជួបខុន រាជ មកពីក្លឹបកងពលធំអន្តរាគមន៍លេខ៣ព្រះវិហារ ។
ជឹម តារា និងឃឹម ពេជ្រចិន្តា ធ្លាប់ជួបគ្នាច្រើនលើករួចមកហើយដោយមានចាញ់មានឈ្នះទៅវិញទៅមកដូចគ្នា ហើយលើកនេះគេទាំង២នាក់មានឱកាសសាកកម្លាំងគ្នាម្តងទៀត ប៉ុន្តែទាំងសងខាងសុទ្ធតែមិនហ៊ានធានាពីការចាញ់-ឈ្នះទុកមុនបានឡើយ ។ តារា បើធ្វើការប្រៀបធៀបលើល្បិចប្រយុទ្ធជាមួយចិន្តា គឺស្នៀតកែងនិងជង្គង់របស់គេល្អជាង ប៉ុន្តែចិត្តរបស់គេតូចបន្តិច ម្យ៉ាងទម្លាប់របស់គេមិនចូលចិត្តប្រើកម្លាំងវាយសម្រុកនៅទឹកដំបូងឡើយ ។ ចំណែកចិន្តា ចិត្តរបស់គេឆេវឆាវតែចិត្តសឿង ស្នៀតជើងនិងស្នៀតដៃវាយចេញរហ័សគ្រាន់បើ ។ ប៉ុន្តែគូនេះទាំងសងខាងសុទ្ធតែមិនអាចប្រហែសបានឡើយ ព្រោះល្បិចប្រយុទ្ធរវាងគេទាំង២នាក់ប្រហាក់ប្រហែលគ្នា ។
ខុន រាជ សុំសងសឹកជាមួយលន លឿប សាជាថ្មីម្តងទៀត ព្រោះកាលពីសប្តាហ៍មុនបានប្រកួតចាញ់លន លឿប ដោយពិន្ទុទាំងមិនអស់ចិត្តឡើយ ។ លោកឡោ វុទ្ធី គ្រូបង្វឹករបស់ខុន រាជ អះអាងថា លើកនេះខុន រាជ អាចនឹងមានសំណាងច្រើនជាងមុន ព្រោះថា មួយរយៈមកនេះ គេខិតខំហ្វឹកហាត់់ខ្លាំងណាស់ ។ ប៉ុន្តែចំពោះល្បិចប្រយុទ្ធរបស់លន លឿប គឺមិនអាចមើលស្រាលបានទេ ព្រោះទាំងផ្លែកែងនិងជង្គង់ រាល់ពេលវាយចេញមិនសូវខុសទិសដៅឡើយ ។
សូយ ភិរម្យ មកពីក្លឹបអូដឹមកីឡា ជួបង៉ែត រដ្ឋា មកពីក្លឹបក្រសួងមហាផ្ទៃ ។ រាជសីហ៍ ចាន់ឌី មកពីក្លឹបសម្រែករាជសីហ៍បង្ក្រាបគ្រឿងញៀន ជួបសេង កំសត់ មកពីក្លឹបខេមរិន្ទមានឫទ្ធិ។ ជា ប៉ុង មកពីក្លឹបក្រសួងមហាផ្ទៃ ប្រកួតសាកលអាជីពជាមួយសេង រតនា មកពីក្លឹបយុវជនអង្គរ ដណ្តើមខ្សែក្រវាត់ប៉ុស្តិ៍លេខ៣ ក្នុងប្រភេទទម្ងន់៦៣គីឡូក្រាម វគ្គជម្រុះជុំទី១៕
ចែករំលែកព័តមាននេះ