រាជធានីភ្នំពេញ ៖ កីឡាករឡុង សុវណ្ណឌៀន មកពីក្លឹបសាលវ័ន្តកីឡា និងអ៊ុំ វិរៈមកពីក្លឹបកងទ័ពឆត្រយោង៩១១ ជួបគ្នានៅជុំទី១ ក្នុងលក្ខណៈជម្រុះវិលជុំដណ្តើមខ្សែក្រវាត់ នៅសង្វៀនទូរទស្សន៍បាយ័ននាថ្ងៃសុក្រ ទី២៦ សីហាខាងមុខនេះ។ រវាងគូនេះទើបតែជួបគ្នាជាលើកទី១ ទាំងសងខាងនៅមិនទាន់រកបាន១ពិន្ទុម្នាក់ដូចគ្នាទៀត។
រាជធានីភ្នំពេញ ៖ កីឡាករឡុង សុវណ្ណឌៀន មកពីក្លឹបសាលវ័ន្តកីឡា និងអ៊ុំ វិរៈមកពីក្លឹបកងទ័ពឆត្រយោង៩១១ ជួបគ្នានៅជុំទី១ ក្នុងលក្ខណៈជម្រុះវិលជុំដណ្តើមខ្សែក្រវាត់ នៅសង្វៀនទូរទស្សន៍បាយ័ននាថ្ងៃសុក្រ ទី២៦ សីហាខាងមុខនេះ។
រវាងគូនេះទើបតែជួបគ្នាជាលើកទី១ ទាំងសងខាងនៅមិនទាន់រកបាន១ពិន្ទុម្នាក់ដូចគ្នាទៀត។ ទាំងសុវណ្ណឌៀននិងអ៊ុំ វិរៈ សុទ្ធតែជាអ្នកប្រដាល់ជើងថ្មីដូចគ្នា ស្នៀតប្រយុទ្ធនៅលើសង្វៀនអាចប្រើការបានទាំងស្នៀងជើង និងស្នៀតកណ្តាប់ដៃគឺពូកែដូចគ្នា។ អ្នកស្នេហាកីឡាប្រដាល់ក៏ចាំមិនភេ្លចទេរវាងគេទាំង២សុទ្ធតែធ្លាប់បានធ្វើឱ្យអូតភូថងមកពីក្លឹបកីឡាប្រដាល់ក្រសួងការពារជាតិបានចាញ់នៅក្រោមកណ្តាប់ដៃម្តងរួចមកហើយ។ សុវណ្ណឌៀន ស្នៀតជើង និងស្នៀតដៃរបស់គេវាយចេញមិនសូវរហ័សមែនតែមានទម្ងន់ធ្ងន់ ប៉ុន្តែចិត្តរបស់គេមិនសូវសឿងប៉ុន្មានឡើយ។ អ៊ុំ វិរៈ ពូកែស្នៀតជើង និងស្នៀតដៃកម្លាំងស៊ុហ្វខ្លាំងអាចស៊ូប្រកួតបាន៥ទឹកពេញមិនលំបាកទេ។ លោកហង្ស ស៊ឺន គ្រូបង្វឹករបស់វិរៈបានប្រាប់ថា បើវិរៈការពារផ្នែកខាងលើបានល្អបន្តិចគេនឹងអាចមានសង្ឃឹមច្រើនសម្រាប់ការជួបគ្នាលើកនេះ។
គូប្រកួតមិត្តភាពវិញ ឈឿន ឆៃដែន មកពីក្លឹបនិរោធមានជ័យ ជួបខុម ពិសិដ្ឋ មកពីក្លឹបអូដឹមកីឡា។ គូនេះអត់ធ្លាប់ជួបគ្នាពីមុនមកទេ។ សម្រាប់ការប៉ះគ្នារវាងគេទាំង២លើកនេះ ទាំងសងខាងសុទ្ធតែមិនហ៊ានក្អេងក្អាងទុកមុនបានដូចគ្នា ព្រោះថាទាំងល្បិចប្រយុទ្ធទាំងកម្លាំង គឺល្អប្រហាក់ប្រហែលគ្នា ដូច្នេះអ្នកណាខ្លាំង ឬខ្សោយនោះមានតែរង់ទស្សនាការប្រកួតថ្ងៃនោះមកដល់សិនទើបអាចដឹងបាន។ ថៃ ណារិន មកពីក្លឹបប៉ោយប៉ែត ជួបរស់ ណាត មកពីក្លឹបនិរោធមានជ័យ។ ឃឹម ក្តី មកពីក្លឹបកីឡាប្រដាល់ក្រសួងការពារជាតិជួបម៉ៃ សុខលឹម មកពីក្លឹបចាប់អង្រែ។
ចំណែកនៅឯTV5 ឯណោះវិញសរ សី មកពីក្លឹបកីឡាប្រដាល់ក្រសួងការពារជាតិជួបវង្ស ស៊ីថៃ មកពីក្លឹបកងពលតូចលេខ៧០ នៅថ្ងៃអាទិត្យ ទី២៨ សីហា ខាងមុខនេះ។
រវាងគូនេះសុទ្ធតែកំពូលអ្នកប្រដាល់ដែលចូលចិត្តប្រើកម្លាំងបាយដូចគ្នា សម្រាប់អ្នកដែលធ្លាប់តាមដានទស្សនាភាគច្រើនក៏មិនសូវជាមានការចាប់អារម្មណ៍ប៉ុន្មានដែរ។ ស៊ី ថៃអាង កម្លាំងបាយតែ២-៣ទឹកដំបូងប៉ុណ្ណោះ តែកាលណាគេខ្លាំងដែរចូលដល់ទឹកទី៥ ច្បាស់ជាទៅលែងរួចហើយ ប៉ុន្តែស៊ីថៃមានស្បែកមុខក្រាស់គួរសម គឺវាយមិនចេះឈឺឡើយ។ ចំណែកសរ សី ស្បែកមុខរបស់គេកាន់តែក្រាស់ថែមទៀត ម្យ៉ាងទម្លាប់របស់គេវាយកាន់តែឈឺកាន់តែដើរចូល។ គូនេះបើសិនជាទាំងសងខាងប្រកួតអស់ពីសមត្ថភាពអាចធ្វើឱ្យសង្វៀនប៉ុស្តិ៍លេខ៥ កក្រើករញ្ជួយមិនខាន។
ព្រំ សំណាង មកពីក្លឹបកងទ័ពឆត្រយោង៩១១ចង់សាកកម្លាំងជាមួយអូតភូថងមកពីក្លឹបយោធពលខេមរភូមិន្ទ។ ព្រំសំណាងទើបតែលេចមុខនៅលើសង្វៀនមិនសូវយូរប៉ុន្មានឡើយ តែល្បិចប្រយុទ្ធនៅលើសង្វៀនរបស់គេក្រាស់គួរសម លើកនេះគេចង់សាកកម្លាំងជាមួយអ្នកប្រដាល់ចាស់វស្សាអូតភូថងតែមិនដឹងថា អាចទៅរួចឬអត់ទេ។ ប៉ុន្តែអូតភូថងពេលនេះក៏មិនខ្លាំងដូចមុនទៀតដែរ ស្នៀតកែងនិងជង្គង់របស់គេដែលធ្លាប់តែល្បីពីមុនមកនោះ គឺប្រើការលែងកើតទៀតហើយ។ ប៉ុន្តែកណ្តាប់ដៃរបស់គេអាចប្រើការបានខ្លះ។ ចាំមើលគូនេះជើងចាស់ស៊ីជើងថ្មី ឬជើងថ្មីញ៉ាំជើងចាស់។
ប្រាក់ មករា មកពីក្លឹបរស្មីកុមារកំព្រា ជួបហួន សុខ មកពីក្លឹបសិង្ហកីឡា។ ហ៊ុន ឈុនលាង មកពីក្លឹបតាព្រហ្មមានជ័យជួបយិន បូរិន មកពីក្លឹបកងពលធំអន្តរាគមន៍លេខ៣ព្រះវិហារ៕
ចែករំលែកព័តមាននេះ