​លោកJerry Leiber ជាកវីតែងចម្រៀង​បែបរ៉ុកកេន​រ៉ូល​បុរាណ ដែលក្នុងនោះ​មាន​ប​ទ​Hound Dog និងបទJailhouse Rock ច្រៀង​​ដោយតារាចំរៀងElvis Presley ដ៏​ល្បីនៅ​អាមេរិកបាន​ស្លាប់​ហើយ​ក្នុងវ័យ​៧៨​ឆ្នាំ​។ លោក Leiber បានទទួលកេរ្តិ៍ឈ្មោះល្បី​ល្បាញជាមួយកវីដៃគូរបស់គាត់ឈ្មោះMike Stoller និងអ្នកនិពន្ធ​បទភ្លេង​លោក Ben E King និងលោកPresley​។ អ្នកនាំពាក្យរបស់គាត់និយាយថា គាតស្លាប់ ដោយសារជំងឺគាំង​បេះដូង ក្នុងទីក្រុងLos Angeles។

លោកបានចាប់ផ្តើមធ្វើការនៅឆ្នាំ១៩៥៣ ស្របពេលដែលបទចំរៀងទីមួយរបស់គាត់ Hound Dogត្រូវបានគេថតចូលក្នុងថាស ចំរៀង ហើយឈរនៅលើកំពូល​ក្នុង​ថាស​ចំរៀង ដែលពេញ​និយម។ បទចំរៀងនោះទទួល​ភាពល្បីល្បាញកាន់តែខ្លាំងក្រោយ​ពី​លោកElvis Presley យកមក​ច្រៀងសា​ជាថ្មី និងកែបទ​ភ្លេងជាលក្ខណៈ រ៉ុកកេន​រ៉ូល​បុរាណ។

បទរបស់គាត់មួយទៀតលោកBen E King ទទួលបានការគាំទ្រនិងបានក្លាយជា​បទដែល​មានឥទ្ធិពលបំផុតនិងទទួលបានការ​ស្រឡាញ់​ពេញចិត្តខ្លាំងបំផុតដែរ។
លោកTerry Stewart ប្រធានសារមន្ទីរនិង សាលកិត្តិនាម(Hall Of Fame) និយាយថា ពិភពសិល្បៈតន្ត្រីបានបាត់បង់កវីឆ្នើមម្នាក់នាថ្ងៃ នេះ។ លោកJerry Leiber មិនត្រឹមតែសរសេរ​ទំនុកសំរាប់ឱ្យមនុស្សគ្រប់គ្នាច្រៀងនោះទេ ​គាត់បាននាំផ្លូវនៃរបៀបបញ្ចេញវាចាក្នុង​អារម្មណ៍និងបេះដូង អំពីការប្រែប្រួលសង្គម ដែល​យើងរស់នៅកាលពីសម័យសង្គ្រាមលោក​លើកទី២៕