រាជធានីភ្នំពេញ ៖ ក្រុមហ៊ុនទូរស័ព្ទចល័ត Smart Mobile បានប្រកាស និងផ្តល់នូវប័ណ្ណសរសើរជូនទៅដល់ហាងលក់ទូរស័ព្ទសុផាត ដែលជាដេប៉ូចែកចាយដ៏ឆ្នើមជាងគេនៅក្នុងឆមាសទី១ នៃឆ្នាំ២០១១។ ហាងលក់ទូរស័ព្ទសុផាតគឺជាដេប៉ូចែកចាយធំមួយក្នុងចំណោមដេប៉ូ ចែកចាយទាំងអស់របស់ Smart Mobile ដែលចែក
រាជធានីភ្នំពេញ ៖ ក្រុមហ៊ុនទូរស័ព្ទចល័ត Smart Mobile បានប្រកាស និងផ្តល់នូវប័ណ្ណសរសើរជូនទៅដល់ហាងលក់ទូរស័ព្ទសុផាត ដែលជាដេប៉ូចែកចាយដ៏ឆ្នើមជាងគេនៅក្នុងឆមាសទី១ នៃឆ្នាំ២០១១។ ហាងលក់ទូរស័ព្ទសុផាតគឺជាដេប៉ូចែកចាយធំមួយក្នុងចំណោមដេប៉ូចែកចាយទាំងអស់របស់ Smart Mobile ដែលចែកលក់បន្តនូវ ស៊ីមកាត កាតកោស និង eLoad ចាប់តាំងពីឆ្នាំ២០០៩ មកម៉្លេះ។ នៅក្នុងឆមាសទី១ នៃឆ្នាំនេះហាងលក់ទូរស័ព្ទសុផាតបានទទួលនូវលទ្ធផលដ៏ល្អក្នុងការលក់ស៊ីមកាត កាតកោស និង eLoad ដែលបានទទួលស្គាល់ដោយក្រុមហ៊ុន Smart Mobile ថា ជាដេប៉ូចែកចាយដ៏ល្អដាច់គេនៅក្នុងឆមាសទី១ ឆ្នាំ២០១១។
សុផាត បានឈានជើងចូលក្នុងវិស័យពាណិជ្ជកម្មទូរស័ព្ទតាំងពីឆ្នាំ២០០១ ហើយបច្ចុប្បន្នមានសាខាធំចំនួនពីរនៅក្នុងទីក្រុងភ្នំពេញ និងមានអ្នកចែកចាយបន្តជាងមួយពាន់ហាងនៅទូទាំងខេត្តក្រុង។ សាខាទី១ មានទីតាំងស្ថិតនៅផ្ទះលេខ១៧៩ Eo មហាវិថីព្រះសីហនុ សង្កាត់វាលវង់ ខណ្ឌ៧មករា និងសាខាទី២ មានទីតាំងនៅផ្ទះលេខ២៨Eo ផ្លូវលេខ២១៨ សង្កាត់មិត្តភាព ខណ្ឌ៧មករា រាជធានីភ្នំេពញ ទូរស័ព្ទលេខ០៧០ ៩៧៧៧៧៧ និង០១០ ២១២ ២២៣។
លោកថូម៉ាស់ ហ៊ុន នាយកប្រតិបត្តិក្រុមហ៊ុន Smart Mobile បាននិយាយថា «ការមានបណ្តាញចែកចាយល្អ គឺមានសារសំខាន់ណាស់សម្រាប់ការរីកចម្រើនរបស់ក្រុមហ៊ុនយើង។ ក្រុមហ៊ុននីមួយៗគឺរំពឹងទៅលើអ្នកចែកចាយដែលល្អ ហើយមានភាពសកម្ម ព្រោះវាជាគន្លឹះដ៏សំខាន់នៃចលនាផលិតកម្មរបស់ក្រុមហ៊ុនហើយវាកាន់តែសំខាន់ទៅទៀតចំពោះក្រុមហ៊ុនដែលមានការរីកចម្រើនយ៉ាងឆាប់រហ័សដូចជាក្រុមហ៊ុនរបស់យើង»។
លោកបានបន្ថែមថា «ហាងលក់ទូរស័ព្ទសុផាត គឺជាដេប៉ូចែកចាយមួយដ៏ល្អក្នុងចំណោមដេប៉ូដទៃទៀត ដែលទទួលបានលទ្ធផលនៃការលក់ខ្ពស់បំផុតចាប់តាំងពីឆ្នាំ២០០៩មក។ យើងសង្ឃឹមថា សុផាតនឹងនៅតែបន្តការលក់ដ៏ល្អរបស់ខ្លួន ហើយរក្សានូវវត្តមានផលិតផលរបស់ Smart Mobile ឱ្យបាននៅគ្រប់ទិសទី មិនថានៅក្នុងរាជធានីភ្នំពេញ ក៏ដូចជានៅតាមបណ្តាខេត្តផ្សេងៗ ដែលមានសេវាកម្មគ្របដណ្តប់របស់ Smart Mobile »។
ក្រុមហ៊ុន Smart Mobile មានបណ្តាញចែកចាយយ៉ាងធំទូលាយសម្រាប់ផលិតផលរបស់ខ្លួន។ នាពេលបច្ចុប្បន្ន ក្រុមហ៊ុនមានហាងសាខាសរុបជាង១០កន្លែង និងដេប៉ូចែកចាយជាច្រើនពាន់នៅទូទាំងប្រទេសសម្រាប់ការចែកចាយ និងដាក់លក់ផលិតផលរបស់ក្រុមហ៊ុន៕
ចែករំលែកព័តមាននេះ