រាជធានីភ្នំពេញ ៖ នេះជាលើកទី៤ហើយដែលក្រុមបាល់ទាត់របស់ ដឹ ភីហ្សា ខមផេនី (The Pizza Company) បានចាប់ដៃគូប្រកួត បាល់ទាត់ជាមួយក្រុមសាជីបូមិ ដែលការប្រកួតមិត្ដភាពនេះ ត្រូវបានរៀបចំឡើងកាលពីពេលថ្មីៗនេះ នៅទីលានបាល់ទាត់មេគង្គ ខាងក្រោយសាលារៀន North Bridge ដែលក្រុមកីឡាករទាំងនោះរួមមានគណៈ
រាជធានីភ្នំពេញ ៖ នេះជាលើកទី៤ហើយដែលក្រុមបាល់ទាត់របស់ ដឹ ភីហ្សា ខមផេនី (The Pizza Company) បានចាប់ដៃគូប្រកួត បាល់ទាត់ជាមួយក្រុមសាជីបូមិ ដែលការប្រកួតមិត្ដភាពនេះ ត្រូវបានរៀបចំឡើងកាលពីពេលថ្មីៗនេះ នៅទីលានបាល់ទាត់មេគង្គ ខាងក្រោយសាលារៀន North Bridge ដែលក្រុមកីឡាករទាំងនោះរួមមានគណៈគ្រប់គ្រង និងបុគ្គលិកនៃក្រុមហ៊ុនផ្ទាល់។
ទោះស្ថិតក្រោមអាកាសធាតុក្ដៅហែងយ៉ាងណា ក៏នៅតែមានអ្នកគាំទ្របានទៅចូលរួមទស្សនាការប្រកួតនេះយ៉ាងច្រើន ព្រមទាំងបាន ផ្ដល់សំឡេងហ៊ោរលើកទឹកចិត្ដដល់ក្រុមកីឡាកររបស់ពួកគេ ជាពិសេសក្រុមបាល់ទាត់ ដឹ ភីហ្សា ខមផេនី ដែលហាក់ដូចជាទទួលបានការលីកទឹកចិត្ដច្រើន។ តាំងពីចាប់ផ្ដើមការប្រកួតរហូតដល់ចប់ ក្រុមកីឡាករទាំងអស់ហាក់ដូចជាមានជំនឿចិត្ដ និងបព្ចោញអស់សមត្ថភាពរបស់ពួកគេ។ ការប្រកួតមានពីរតង់ ហើយដែលជាលទ្ធផល គឺក្រុម ដឹ ភីហ្សា ខមផេនី ស៊ុតបញ្ចូលទីបាន១គ្រាប់ ខណៈដែលក្រុមសាជីបូមិ ស៊ុតបាន ៣គ្រាប់។ បើទោះជាលទ្ធផលចុងក្រោយនៃការប្រកួតនេះ ជ័យជម្នះត្រូវបានទៅលើក្រុមសាជីបូមិ ក្នុងលទ្ធផល៣ទល់នឹង១ ក្ដី ក៏ការប្រកួតត្រូវបានបព្ចាប់ទៅប្រកបដោយស្នាមញញឹម និង ភាពស្និទ្ធស្នាលរវាងកីឡាករទាំងពីរក្រុម ព្រោះនេះគ្រាន់តែជាការប្រកួតមិត្ដភាពរវាងក្រុមហ៊ុនទាំងពីរនេះប៉ុណ្ណោះ។
សូមបញ្ជាក់ផងដែរថា ក្នុងចំណោមការប្រកួតទាំង៤លើក នេះទើបតែជាលើកទីមួយប៉ុណ្ណោះដែលក្រុមសាជីបូមិ អាចយកឈ្នះក្រុម ដឹ ភីហ្សា ខមផេនី បាន។ ក្រុមកីឡាករបាល់ទាត់របស់ ដឹ ភីហ្សា ខមផេនី ត្រូវបានបង្កើតឡើងតាំងពីឆ្នាំ២០១០មកម៉្លេះ ហើយជារៀងរាល់២ខែម្ដងក្រុម ដឹ ភីហ្សា ខមផេនី តែងតែណាត់ប្រកួតលក្ខណៈមិត្ដភាពជាមួយក្រុមកីឡាករមកពីក្រុមហ៊ុនដទៃៗ ដើម្បីបង្កើតចំណងមិត្ដភាព និងភាពស្និទ្ធស្នាលរវាងគ្នានិងគ្នា។
ដឹ ភីហ្សា ខមផេនី ជាភោជនីយដ្ឋានភីហ្សា ពេញនិយមបំផុតនៅប្រទេសកម្ពុជា ដែលត្រូវបានទិញសិទ្ធិផ្ដាច់មុខនាំចូលដោយក្រុមហ៊ុន អីុអេហ្វ ជី និងដែលមានសមាជិក២ផ្សេងទៀត គឺ ហាងការ៉េមស្វិនសិន និងភោជនីយដ្ឋានសាច់មាន់បាប៊ីឃ្យូ និងបំពងលេខ១ ពីប្រទេសកូរ៉េ គឺភោជនីយដ្ឋាន ប៊ីប៊ីឃ្យូ ឈីកខិន ដែលថ្មីៗនេះទើបតែបើកសាខាទី២ ស្ថិតនៅផ្សាររាត្រីកោះពេជ្រ ហើយឥឡូវនេះ មានជាមួយនឹងសេវាដឹកជូនដល់ផ្ទះ ០២៣ ៨៨០ ៨៨០ ជាមួយនឹងរយៈពេលនៃការដឹកជូនតែ៣០នាទីប៉ុណ្ណោះ ក្នុងក្រុងភ្នំពេញ៕
ចែករំលែកព័តមាននេះ