រាជធានីភ្នំពេញ ៖ កាលពីពេលថ្មីៗនេះ Cellcard បានប្រកាសពីកម្មវិធីថ្មីមួយដែលផ្តល់ជូននូវអត្ថប្រយោជន៍ ពិសេសៗជូនអតិថិជនរបស់ខ្លួនដែលបានប្រើប្រាស់ Cellcard រយៈពេលចាប់ពី១២ខែឡើងទៅ និងបានចំណាយជាមធ្យមប្រចាំខែស្របតាមការកំណត់របស់កម្មវិធី។ Cellcard Rewards គឺជាកម្មវិធីមួយ
រាជធានីភ្នំពេញ ៖ កាលពីពេលថ្មីៗនេះ Cellcard បានប្រកាសពីកម្មវិធីថ្មីមួយដែលផ្តល់ជូននូវអត្ថប្រយោជន៍ពិសេសៗជូនអតិថិជនរបស់ខ្លួនដែលបានប្រើប្រាស់ Cellcard រយៈពេលចាប់ពី១២ខែឡើងទៅ និងបានចំណាយជាមធ្យមប្រចាំខែស្របតាមការកំណត់របស់កម្មវិធី។
Cellcard Rewards គឺជាកម្មវិធីមួយដែលបង្កើតឡើងដំបូងគេនៅកម្ពុជា ។ អត្ថប្រយោជន៍ពិសេសៗនឹងត្រូវផ្តល់ជូនអតិថិជនក្នុងទម្រង់ពីរបែប គឺអត្ថប្រយោជន៍ដែលផ្តល់ឱ្យអតិថិជនសម្រាប់ការហៅទូរស័ព្ទ និងអត្ថប្រយោជន៍ ដែលទាក់ទងនឹងភាពស៊ីវិល័យ ។ ការផ្តល់ជម្រើសជូនអតិថិជនជ្រើសរើស គឺផ្អែកទៅលើការចំណាយជាមធ្យមប្រចាំខែ ។ បើអតិថិជនចំណាយកាន់តែច្រើនទៅលើផលិតផល និងសេវាផ្សេងៗរបស់ Cellcard ចំនួនការផ្តល់ជូនក៏កាន់តែសំបូរបែប ។ ហើយការផ្តល់ជូនទាំងនោះផ្លាស់ប្តូរពីអំឡុងពេលទទួលយកអត្ថប្រយោជន៍មួយ ទៅអំឡុងពេលមួយទៀត ។
លោកកាយ ឡូត នាយកគ្រប់គ្រងប្រតិបត្តិការបានមានប្រសាសន៍ថា ការគាំទ្រដ៏មានតម្លៃរបស់អតិថិជនយើងបានធ្វើឱ្យCellcard និងប្រទេសកម្ពុជាទាំងមូលទទួលបានភាពរីកចម្រើន ហើយយើងចង់ផ្តល់ឱ្យអតិថិជនវិញ ដើម្បីជាការតបស្នងចំពោះការគាំទ្រ និងជំនឿទុកចិត្តរបស់ពួកគាត់លើ Cellcard រហូតមក ។ លោកកាយ ឡូត បានបន្តឱ្យដឹងទៀតថា មានក្រុមហ៊ុនជាច្រើនលើប្រទេសនានាដែលបង្កើតឱ្យមានកម្មវិធីប្រភេទនេះសម្រាប់អតិថិជនរបស់ពួកគេ ។
អតិថិជនអាចចូលរួមក្នុងកម្មវិធីតាមការអញ្ជើញតាមរយៈសារ SMS តែប៉ុណ្ណោះ ។ អតិថិជនណាដែលបំពេញលក្ខខណ្ឌរបស់កម្មវិធីគ្រប់គ្រាន់ នឹងទទួលបានការអញ្ជើញឱ្យចូលរួមក្នុងកម្មវិធីដោយស្វ័យប្រវត្តិ ។
លោកកាយ ឡូត បន្ថែមទៀតថា ការឆ្លើយតបដំបូងរបស់អតិថិជននោះគឺថា ពួកគាត់ពិតជាពេញចិត្ត និងរីករាយជាមួយនឹងអត្ថប្រយោជន៍ ទាំងអស់នោះណាស់ ។ យើងនឹងបន្តអភិវឌ្ឍន៍កម្មវិធីនេះឱ្យកាន់តែសំបូរបែបបន្ថែមទៀតនាពេលអនាគត ហើយយើងសូមស្វាគមន៍អតិថិជនថ្មីជាបន្តបន្ទាប់ទៀតឱ្យចូលរួមក្នុងកម្មវិធី Cellcard Rewards នេះ ។
ដើម្បីស្វែងយល់អំពីកម្មវិធី Cellcard Rewards សូមចូលទៅកាន់ www.cellcard. com.kh/rewards ឬទូរស័ព្ទទៅលេខ១២១២ ។ សម្រាប់ព័ត៌មានបន្ថែម សូមទូរស័ព្ទទៅផ្នែកបម្រើសេវាអតិថិជនលេខ ០១២ ៨១២ ៨១២៕
ចែករំលែកព័តមាននេះ