រាជធានីភ្នំពេញ ៖ កាលពីថ្ងៃទី១៣ សីហា ឆ្នាំ២០១១ កន្លងទៅ ក្រុមហ៊ុនស្រាបៀរ LEO នៅកម្ពុជាបានរៀបចំពិធីប្រគល់រង្វាន់មហាសំណាងនៅការិយាល័យ របស់ខ្លួន ដែលរួមមានម៉ូតូយ៉ាម៉ាហាហ្វីណូ១គ្រឿង និងរង្វាន់ទឹកប្រាក់១លានរៀលចំនួន២០រង្វាន់ ជូនដល់គូស្វាមីភរិយាថ្មីដែលបានឈ្នះរង្វាន់ក្នុងការចាប់ឆ្នោត
រាជធានីភ្នំពេញ ៖ កាលពីថ្ងៃទី១៣ សីហា ឆ្នាំ២០១១ កន្លងទៅ ក្រុមហ៊ុនស្រាបៀរ LEO នៅកម្ពុជាបានរៀបចំពិធីប្រគល់រង្វាន់មហាសំណាងនៅការិយាល័យរបស់ខ្លួន ដែលរួមមានម៉ូតូយ៉ាម៉ាហាហ្វីណូ១គ្រឿង និងរង្វាន់ទឹកប្រាក់១លានរៀលចំនួន២០រង្វាន់ ជូនដល់គូស្វាមីភរិយាថ្មីដែលបានឈ្នះរង្វាន់ក្នុងការចាប់ឆ្នោត «ឈ្នះរង្វាន់មហាសំណាង» លើកទី៣ របស់ស្រាបៀរ LEO ។ នៅក្នុងពិធីនោះ មានការអញ្ជើញចូលរួមកិត្តិយសពីសំណាក់គណៈគ្រប់គ្រងក្រុមហ៊ុនស្រាបៀរ LEO ព្រមទាំងបុគ្គលិកក្រុមហ៊ុន អតិថិជន និងអាជីវករយ៉ាងច្រើនកុះករ ។
ក្នុងពិធីប្រគល់រង្វាន់លើកទី៣នេះ លោកនាយកផ្នែកលក់ និងតំណាងឱ្យក្រុមហ៊ុនស្រាបៀរ LEO បានមានប្រសសន៍ថា ក្រុមហ៊ុនរៀបចំពិធីប្រគល់រង្វាន់មហាសំណាងនេះឡើង ដើម្បីជាសក្ខីភាពក្នុងការបង្ហាញថា ស្រាបៀរ LEO ចែករង្វាន់ពិតៗជូនដល់អតិថិជនដែលបានឈ្នះរង្វាន់ ហើយក្រុមហ៊ុនបង្កើតកម្មវិធី «ឈ្នះរង្វាន់មហាសំណាង» នេះឡើងក្នុងគោលបំណងថ្លែង អំណរគុណដ៏ជ្រាលជ្រៅដល់អតិថិជនដែលតែងតែនិយមពិសាស្រាបៀរ LEO ជាពិសេសបានជាវស្រាបៀរ LEO ដើម្បីយកទៅទទួលភ្ញៀវក្នុងពិធីអាពាហ៍ពិពាហ៍របស់ខ្លួន ។
រង្វាន់ធំម៉ូតូយ៉ាម៉ាហាហ្វីណូ១គ្រឿង ត្រូវបានប្រគល់ជូនគូស្វាមីភរិយាថ្មីដែលមានស្វាមីឈ្មោះរ៉ា ស៊ីណា និងភរិយាឈ្មោះតឿន ចន្ថា រស់នៅខេត្តបន្ទាយមានជ័យ ។ ក្នុងឱកាសដ៏ ពិសេសនោះ លោករ៉ា ស៊ីណា បាននិយាយថា «ខ្ញុំពិតជារំភើបរីករាយខ្លាំងណាស់ដែលបានត្រូវរង្វាន់ធំពីស្រាបៀរ LEO។ ស្រាបៀរ LEO ផ្តល់ជូនរង្វាន់ពិតៗដល់អតិថិជន។ ស្រាបៀរ LEO មានរសជាតិឆ្ងាញ់ និងសមរម្យបំផុតសម្រាប់ទទួលភ្ញៀវក្នុងកម្មវិធីពិសេសៗ ថែមទាំងមានឱកាសត្រូវរង្វាន់ទៀតផង» ។
លើសពីនេះ រង្វាន់ទឹកប្រាក់១.០០០.០០០រៀលចំនួន២០រង្វាន់ទៀត ក៏ត្រូវបានប្រគល់ជូនគូស្វាមីភរិយាថ្មីចំនួន២០គូផងដែរ ។
គួរបញ្ជាក់ថា ជារៀងរាល់ឆ្នាំក្រុមហ៊ុនស្រាបៀរLEO តែងតែរៀបចំកម្មវិធីចាប់ឆ្នោត «ឈ្នះរង្វាន់មហាសំណាង» ជូនដល់គូស្វាមីភរិយាថ្មីដែលបានជាវស្រាបៀរ LEO សម្រាប់ពិធីអាពាហ៍ពិពាហ៍របស់ខ្លួន ។ នៅក្នុងកម្មវិធី «ឈ្នះរង្វាន់មហាសំណាង» អតិថិជនដែលជាវស្រាបៀរ LEO តាមបណ្តាសាខា និងដេប៉ូនានាក្នុងខេត្តក្រុងទូទាំងប្រទេសសម្រាប់ពិធីអាពាហ៍ ពិពាហ៍ នឹងទទួលបានជំនូនចំណងដៃជាច្រើនដូចជាស្រាបៀរ LEO ទឹកផ្លែឈើអាឡូហា សន្លឹកឆ្នោតផ្សងសំណាង សៀវភៅកត់ចំណងដៃ ព្រមទាំងស៊ុមរូបថតទំហំ៥០X៧០ ។
ស្រាបៀរ LEO បានធ្វើការចាប់រង្វាន់ចំនួន៣លើករួចមកហើយ ដែលសរុបរួមមានរង្វាន់ម៉ូតូយ៉ាម៉ាហាហ្វីណូចំនួន៣គ្រឿង និងទឹកប្រាក់សរុបចំនួន៦០.០០០.០០០រៀល ។ ស្រាបៀរ LEO មានរសជាតិឆ្ងាញ់ពិសាតម្លៃសមរម្យ និងស័ក្តិសមបំផុតសម្រាប់ពិធីអាពាហ៍ពិពាហ៍៕
ចែករំលែកព័តមាននេះ