ខេត្តសៀមរាប ៖ កម្មវិធីប្រកួតកីឡាវាយកូនហ្គោល Angkor Amateur Open 2011 បានប្រព្រឹត្ដទៅកាលពីថ្ងៃទី៥-៧ សីហា ឆ្នាំ២០១១កន្លងទៅនេះនៅទីលានវាយកូនហ្គោល Angkor Golf Resort ក្នុងខេត្ដសៀមរាប។ ទីលានវាយកូនហ្គោលដែលមាន១៨រន្ធ ទំហំ7279yard វាយបាន 72par បង្កើតឡើងដើម្បីធ្វើតេស្ដសមត្ថភាពគ្រប់កម្រិត
ខេត្តសៀមរាប ៖ កម្មវិធីប្រកួតកីឡាវាយកូនហ្គោល Angkor Amateur Open 2011 បានប្រព្រឹត្ដទៅកាលពីថ្ងៃទី៥-៧ សីហា ឆ្នាំ២០១១កន្លងទៅនេះនៅទីលានវាយកូនហ្គោល Angkor Golf Resort ក្នុងខេត្ដសៀមរាប។ ទីលានវាយកូនហ្គោលដែលមាន១៨រន្ធ ទំហំ7279yard វាយបាន 72par បង្កើតឡើងដើម្បីធ្វើតេស្ដសមត្ថភាពគ្រប់កម្រិតរបស់បេក្ខជនចូលរួមប្រកួត និងវាយតម្លៃដោយសមាគមកីឡាវាយកូនហ្គោលរបស់អាមេរិក។
ការបញ្ជាក់ដ៏ច្បាស់បំផុតនៅក្នុងការ ប្រកួតនេះ គឺចំនួនពាក់កណ្ដាលនៃបេក្ខជន មាន handicap index ១០គ្រាប់ និងក្រោម១០គ្រាប់ ។ ការប្រកួតនៅតែរក្សារូបមន្ដដូចកាលពីឆ្នាំមុនដដែល គឺការប្រកួតមានពីរជុំអនុវត្ដរូបមន្ដ handicap36 ដោយពិន្ទុទាំង អស់ត្រូវបានគណនាចូលគ្នាក្នុងរយៈពេល ប្រកួតពីរថ្ងៃ។ ជាមួយនឹងចំនួនតួលេខ handicap ខុសៗគ្នាដូច្នេះហើយ ទើបធ្វើឱ្យសកម្មភាពនៃការប្រកួតកាន់តែមានភាព ស្វិតស្វាញនៅក្នុងពូលនីមួយៗ។ ជាមួយគ្នានេះ ការប្រកួតក៏មានរូបមន្ដផ្ដល់ពិន្ទុសរុបដែលនឹងត្រូវសម្រេចនៅវគ្គចុងក្រោយនៃការផ្ដល់ជ័យលាភី Angkor Amateur Open winner 2011 ផងដែរ។
កម្មវិធីប្រកួតនេះមានបេក្ខជន-បេក្ខនារីវាយកូនហ្គោលសរុបទាំងអស់៦៥រូបមកពីបណ្ដាប្រទេសនានាជុំវិញតំបន់អាស៊ី និងអឺរ៉ុបដើម្បីចូលរួមប្រកួតនៅលើទីលានដែលគ្របដណ្ដប់ដោយវាលស្មៅពណ៌បៃតងខ្ចី នៅក្នុង Angkor Golf Resort។ មានការបែងចែកជា៤ពូលសម្រាប់ handicap ដែលអាចឱ្យបេក្ខជន-បេក្ខនារីវាយកូនហ្គោលអាចទទួលជ័យលាភីក្នុងពូលនីមួយៗ។ លោកស៊ូ ភិរិន្ទ អភិបាលខេត្ដសៀមរាប ក៏បានផ្ដល់កិត្ដិយសអញ្ជើញចូលរួមជាអធិបតីជាពិសេសក្នុងការចូលរួមប្រកួតក្នុងកម្មវិធីនេះដែរ។ បន្ទាប់ពីរយៈពេល២ថ្ងៃ នៃការប្រកួត យើងបានរកឃើញម្ចាស់ជ័យលាភីពានរង្វាន់ Angkor Amateur Open ប្រចាំឆ្នាំនេះគឺលោក DONBland ដែលជាអាណិកជនជនជាតិអាមេរិករស់នៅប្រទេសថៃ ដោយលោកមានពិន្ទុសរុប៧៥។
លោក Kelvin ដែលជាប្រធានផ្នែកគ្រប់គ្រងទីផ្សាររបស់ Tiger Beer មានប្រសាសន៍ថា «Tiger Beer តែងតែឧបត្ថម្ភគាំទ្រនៅក្នុងទីផ្សារប្រចាំតំបន់ដែលយើងប្រតិបត្ដិការ ដូច្នេះនេះគឺជាហេតុផលដ៏ច្បាស់ដែលអាចបង្ហាញថា Tiger Beer នៅតែបន្ដតាំងចិត្ដក្នុងកិច្ចឧបត្ថម្ភគាំទ្រចំពោះកម្មវិធីប្រកួតនេះក្នុងប្រទេសកម្ពុជាសម្រាប់ឆ្នាំទី២។ លើសពីនេះទៅទៀត កីឡាវាយកូនហ្គោលគឺជាកីឡាដែលមានភាពជំរុញទឹកចិត្ដ ហើយកំពុងតែមានប្រជាប្រិយភាពនៅប្រទេសកម្ពុជា»៕
ចែករំលែកព័តមាននេះ