«មិនមែនឱ្យតែបវរកញ្ញាសុទ្ធតែដើរផ្លូវកា.ត់នោះទេ»! ឆន ស្រីណែត ប្រកាសច្បាស់ៗមិនដោះដូរឧត្តមគតិដើម្បីលុយឡើយ
- ភ្នំពេញ
រាជធានីភ្នំពេញ៖ កញ្ញាឆន ស្រីណែត ទម្លាយឱ្យដឹងថាបុរសមួយចំនួនតែងតែខល និងឆាតសួរនាំសុំរាប់អាន ណាត់ញ៉ាំបាយ ជាពិសេសនិយាយចរចាសួរពីតម្លៃខ្លួនរបស់នាង។ នាងថាធ្វើបែបនេះហាក់បីដូចជារូបនាងជាស្រីរកស៊ីលក់ខ្លួន ។
កាលពីថ្ងៃទី១២ ខែសីហា ឆ្នាំ២០២៦ តាមរយៈវីដែអូឃ្លីបបង្ហោះលើបណ្តាញសង្គម ឆន ស្រីណេត អះអាងថា ថ្មីៗនេះនាងបានទទួលឆាតពីបុរសខ្មែរក្រោមម្នាក់សួរនាងហាក់បីដូចជានាងជានារីលក់ផ្លូវភេទ ឬរកស៊ីផ្លូវភេទ ដោយសួរពីតម្លៃខ្លួនរបស់នាង ។ នាងថា«រឿងនេះមិនមែនតែម្តងទេ ប៉ុន្តែវាកើតឡើងជាច្រើនដង ហើយក៏មានបុគ្គលមួយចំនួនទៀតដែរ ដូច្នេះថ្ងៃនេះនាងខ្ញុំសុំនិយាយតែម្តង ដើម្បីឲ្យបុគ្គលមួយចំនួននោះបានដឹង ហើយបញ្ឈប់ការឆាតមកខ្ញុំសួរនាំរឿងនេះបន្តទៀត ។
មានបុគ្គលមួយចំនួន មិនមែនទាំងអស់ឡើយ តែងតែគិតថា អ្នកដែលប្រឡូកក្នុងផ្នែកបវរកញ្ញាសុទ្ធតែដើរលើផ្លូវបែបនេះ ។ ការគិតបែបនេះគឺវាមិនត្រូវទេ ដូចនាងខ្ញុំជាដើមគឺមិនមែនជាមនុស្សបែបនោះឡើយ ។
ឧត្តមគតិរបស់នាងខ្ញុំមិនមែនដោះដូរដោយសារលុយនោះឡើយ ហេតុអ្វីក៏បុគ្គលទាំងនោះឆាតមកសួរតម្លៃខ្លួនខ្ញុំបែបនេះ ដោយមិនឲ្យតម្លៃមកលើខ្ញុំ ទាំងដែលនាងខ្ញុំមិនដែលគិតពីរឿងដើរផ្លូវកាត់បែបនេះឡើយ ។
ប្រសិនបើទាក់ទងនាងខ្ញុំឲ្យធ្វើការងារអ្វីដែលប្រើកម្លាំងញើសឈាម ឬការងារសុចរិតគឺនាងខ្ញុំធ្វើ ប៉ុន្តែសម្រាប់ការងារស្មោកគ្រោកនោះគឺនាងខ្ញុំមិនធ្វើឡើយ ។
រឿងលុយអ្នកណាក៏ចង់បានដែរ ប៉ុន្តែមនុស្សទាំងគ្នាមិនមែនសុទ្ធតែអញ្ចឹងទេ ហើយមកប៉ះខ្ញុំបែបនេះគឺច្រឡំហើយ ដោយខ្ញុំមិនធ្វើបែបនេះឡើយ ទោះបីជាឲ្យលុយនាងខ្ញុំច្រើនយ៉ាណាក៏ដោយក៏មិនអាចទិញខ្ញុំបានទេ» ។
ឆន ស្រីណេត ថា មិនមែននាងប្រកាន់ឫកពាខ្ពស់អ្វីឡើយ ប៉ុន្តែដាច់ខាតនាងមិនលក់ឧត្តមគតិទេ ព្រោះនាងមិនមែនយករបស់ក្រៅខ្លួនជារឿងសំខាន់ ។ ដូច្នេះហើយនាងមិនដែលមានចិត្តហក់លោត ឬលោភលន់អ្វីខ្លាំងឡើយ ។ ទោះបីជាមានអ្នកណាឲ្យតម្លៃច្រើនកប់ពពកប៉ុនណាក៏ដោយ ក៏នាងមិនធ្វើតាមផ្លូវស្មោកគ្រោកនោះទេ ។
ឆន ស្រីណេត ស្នើឲ្យបុរសទាំងនោះឈប់ឆាតសួរនាំនាងពាក់ព័ន្ធនឹងតម្លៃខ្លួនទៀត ព្រោះនាងមិនមែនជាអ្នករកស៊ីផ្លូវភេទទេ ។ នាងជាអ្នកធ្វើការជាមួយខួរក្បាល និងកម្លាំងញើសឈាមផ្ទាល់ដោយភាពត្រឹមត្រូវ និងស្អាតស្អំ ៕
ចែករំលែកព័តមាននេះ