ល្អ ហួស បង្ហាញជំនឿចិត្តខ្ពស់ក្នុងការដណ្តើមម្កុដ Miss Teen Icon International 2026
- ភ្នំពេញ
រាជធានីភ្នំពេញ ៖ ក្នុងពេលដែលផេកផ្លូវការកម្មវិធី Miss Teen Icon International ២០២៦ បានបង្ហាញប្រទេសចំនួន៤ចុងក្រោយ ដោយនៅក្នុងនោះមានប្រទេសថៃផងដែរ ដែលអាចនឹងធ្វើជាម្ចាស់ផ្ទះនៃការប្រកួតខាងលើនេះ សម្រាប់បេក្ខភាពតំណាងប្រទេសកម្ពុជា ល្អ ហួស បានបង្ហាញអារម្មណ៍ហាក់មិនមានបញ្ហាអ្វីសម្រាប់នាងឡើយ បើទោះបីជាប្រទេសណាធ្វើជាម្ចាស់ក៏ដោយ ដ្បិតនាងបានត្រៀមខ្លួនបានយ៉ាងល្អ សម្រាប់ដណ្តើមម្កុដមួយនេះ ។
ក្នុង៤ប្រទេសដែលអាចទទួលបានសិទ្ធរៀបចំធ្វើជាម្ចាស់ផ្ទះនៃការប្រកួត Miss Teen Icon International ២០២៦ នេះមានដូចជា សហរដ្ឋអាមេរិក ឥណ្ឌា ឥណ្ឌូនេស៊ី និង ថៃ ដែលចំណោមប្រទេសទាំង៤នេះនឹងត្រូវបានជ្រើសរើសជាម្ចាស់ផ្ទះត្រៀមទទួលបវរកញ្ញាមកពីជុំវិញពិភពលោក ។
យ៉ាងណាក៏ដោយក្នុងពេលដែលចំណោមប្រទេសទាំង៤ ក៏មានប្រទេសថៃដែលកំពុងមានជម្លោះជាមួយកម្ពុជាអាចនឹងទទួលសិទ្ធិជាម្ចាស់ផ្ទះដែរនោះ ល្អ ហួស ក៏បានបញ្ចេញអារម្មណ៍ថា ប្រទេសណាជាម្ចាស់ផ្ទះនោះគឺមិនសំខាន់ឡើយ ដ្បិតនាងបានត្រៀមខ្លួនរួចរាល់យ៉ាងល្អ សម្រាប់ការប្រកួតប្រជែងយកម្កុដមួយនេះ ។
ជូរី ល្អ ហួស បានគូសបញ្ជាក់ថា ប្រទេសណាដែលជាម្ចាស់ផ្ទះមិនសំខាន់នោះទេ សំខាន់កូនស្រីកម្ពុជាម្នាក់នេះបានត្រៀមខ្លួនរួចរាល់ នៅក្នុងការទៅដណ្ដើមយកមកុដ មកជូនប្រទេសកម្ពុជាជាលើកទីពីរ ដាវកម្ពុជាមួយដើមនេះ មុតនិងស្រួចបន្តិចហើយ ព្រោះសំលៀងយូរដែរ ។
យ៉ាងណាក្រោយឃើញការលើកឡើងពី ល្អ ហួស ខាងលើនេះបណ្តាអ្នកគាំទ្ររូបនាងជាច្រើនបានលើកទឹកចិត្ត កម្លាំងចិត្ត និងការគាំទ្រទៅកាន់រូបនាង ក្នុងដំណើរឆ្ពោះទៅកាន់ការប្រកួតប្រជែងម្កុដ Miss Teen Icon International ២០២៦ ខណះពេលដែលគេក៏បានដាក់ក្តីរំពឹងខ្ពស់ចំពោះ ល្អ ហួស ដោយសារតែនាងមានលក្ខណះគ្រប់បែបយ៉ាង ។
ជាការកត់សម្គាល់ ក្រោយពេលត្រូវបានជ្រើសរើសជាបេក្ខភាពតំណាងកម្ពុជាសម្រាប់ការប្រកួតកម្មវិធី Miss Teen Icon International នាឆ្នាំនេះ ល្អ ហួស បានសម្តែងក្តីរីករាយ និងសន្យាប្រឹងប្រែងឲ្យអស់ពីសមត្ថភាពសម្រាប់ការប្រកួតប្រជែងមួយ បើទោះបីឆ្នាំនេះ រាល់បេក្ខភាពដែលបញ្ចូនមកពីបណ្តាលប្រទេសផ្សេងៗមកប្រកួត សុទ្ធតែជើងខ្លាំងលំដាប់ប្រទេសក៏ដោយ ។
ជាមួយនឹងការត្រៀមខ្លួននេះដែរ ល្អ ហួស ក៏បានប្រកាសពីការឈុតដែលខ្លួនបានត្រៀមទុកផងដែរ ក្នុងនោះមាន ១០ Gown ត្រៀមទុកសម្រាប់ វគ្គ preliminary និង វគ្គ Final ហើយឈុតFashion ប្រចាំថ្ងៃ ១៥០ ឈុត និងឈុតតំណាងជាតិ ត្រៀម២ ឈុត ២ ទម្រង់ខុសគ្នា ។
គួរបញ្ជាក់ថា ចាប់តាំងពីចូលប្រកួតប្រជែងក្នុងវិស័យបវរកញ្ញា ល្អ ហួស ធ្លាប់បានទទួលជោគជ័យជាមួយនឹងការគ្រងម្កុដចំនួន៣កម្មវិធីរួចមកហើយ ក្នុងនោះមាន Misspreteen Cambodia 2023 Misspreteen junior idol world 2024 និង Missteen Cambodia 2025 ៕
ចែករំលែកព័តមាននេះ