រាជធានីភ្នំពេញ ៖ ក្រុមបាល់ទាត់អគ្គស្នងការដ្ឋាននគរបាលជាតិ និងក្រុមបាល់ទាត់ក្រសួងការពារជាតិរកបាន៣ពិន្ទុដូចគ្នាបន្ថែមទៀត បន្ទាប់ពីបានយកឈ្នះលើការប្រកួតរៀងៗខ្លួនកាលពីថ្ងៃអាទិត្យ ទី៣១ កក្កដា ។ ការប្រកួតបាល់ទាត់ពានរង្វាន់ Metfone Cambodianleaque 2011 គិតមកត្រឹមពេលនេះបានឈានចូលដល់សប្តាហ៍ទី១៣ហើយ។
រាជធានីភ្នំពេញ ៖ ក្រុមបាល់ទាត់អគ្គស្នងការដ្ឋាននគរបាលជាតិ និងក្រុមបាល់ទាត់ក្រសួងការពារជាតិរកបាន៣ពិន្ទុដូចគ្នាបន្ថែមទៀត បន្ទាប់ពីបានយកឈ្នះលើការប្រកួតរៀងៗខ្លួនកាលពីថ្ងៃអាទិត្យ ទី៣១ កក្កដា ។
ការប្រកួតបាល់ទាត់ពានរង្វាន់ Metfone Cambodianleaque 2011 គិតមកត្រឹមពេលនេះបានឈានចូលដល់សប្តាហ៍ទី១៣ហើយ។ អគ្គស្នងការដ្ឋាននគរបាលជាតិបានលត់ឆ្លាមសមុទ្រក្នុងលទ្ធផល ៤-១។ នៅក្នុងតង់ទី១អគ្គស្នងការដ្ឋាននគរបាលជាតិបានត្រឹមតែយកឈ្នះ១-០ ប៉ុណ្ណោះ ដែលរកបានដោយកីឡាករសាមុត ដាលីន ពាក់អាវលេខ១៩នៅនាទីទី៤០។ ចូលដល់តង់ទី២ ឆ្លាមសមុទ្រតាមសងបាន១គ្រាប់វិញនៅនាទីទី៥១ដែលជាការទាត់បាល់បញ្ចូលទីដោយកីឡាករពាក់អាវលេខ៣៥ AYODE LESTLVA ។
នៅក្នុងតង់ទី២នេះអគ្គស្នងការដ្ឋាននគរបាលជាតិមានឱកាសគ្រប់គ្រងបាល់បានច្រើនជាង ជាពិសេសជាមួយការលេងវាយបកលឿនៗទៀតផងនោះអគ្គស្នងការដ្ឋាននគរបាលជាតិមានឱកាសរកបានគ្រាប់បាល់៣គ្រាប់បន្ថែមទៀត។ កីឡាករម៉ាន រីតាវ៉ាន់ ពាក់អាវលេខ១៥រកបាន១គ្រាប់នៅនាទីទី៥៦ និងកីឡាករសួរ រ៉ាវី ពាក់អាវលេខ៩រកបាន២គ្រាប់ម្នាក់ឯង នៅនាទីទី៨៦ និង៩០+៣។ ជ័យជម្នះលើកនេះអគ្គស្នងការដ្ឋាននគរបាលជាតិមាន២០ពិន្ទុក្នុងដៃហើយក្នុងចំណោមការប្រកួតទាំង១៣លើកមកនេះ។ ឆ្លាមសមុទ្រស្ថិតនៅលេខរៀងទី៧មាន១០ពិន្ទុប៉ុណ្ណោះ។
រីឯក្រុមក្រសួងការពារជាតិវិញបានយកឈ្នះឫទ្ធិសែនក្នុងលទ្ធផល ៣-១។ ក្រសួងការពារជាតិពេលនេះមាន២២ពិន្ទុក្នុងដៃហើយក្នុងចំណោមការប្រកួតទាំង១៣លើកមកនេះ គឺឈ្នះ៧ ស្មើ១ ចាញ់៥ ប្រកួត។ រីឯឫទ្ធិសែនងើបមិនរួចពីបាតតារាងឡើយ ៕
ចែករំលែកព័តមាននេះ