ខេត្តសៀមរាប ៖ រថយន្តដឹកលៀសខុសច្បាប់ចំនួនពីរគ្រឿង និងមនុស្ស៣នាក់ ត្រូវបានកម្លាំងយោធាឃាត់បាន ក្រោមបទបញ្ជារបស់ប្រធានគណៈបញ្ជាការ បង្ក្រាបបទល្មើសនេសាទ ក្នុងបឹងទន្លេសាប ។ នេះបើយោងតាមផេកគណៈបញ្ជាការបង្ក្រាបបទល្មើសនេសាទខុសច្បាប់បឹងទន្លេសាប…
ខេត្តសៀមរាប ៖ រថយន្តដឹកលៀសខុសច្បាប់ចំនួនពីរគ្រឿង និងមនុស្ស៣នាក់ ត្រូវបានកម្លាំងយោធាឃាត់បាន ក្រោមបទបញ្ជារបស់ប្រធានគណៈបញ្ជាការ បង្ក្រាបបទល្មើសនេសាទ ក្នុងបឹងទន្លេសាប ។ នេះបើយោងតាមផេកគណៈបញ្ជាការបង្ក្រាបបទល្មើសនេសាទខុសច្បាប់បឹងទន្លេសាប បានប្រកាសនាព្រឹកថ្ងៃទី២៤ ខែមីនានេះ ។
ក្រោមបទបញ្ជាបង្ក្រាបបទល្មើសនេសាទ លើផ្ទៃបឹងទន្លេសាបរបស់ ឯកឧត្តម ឧត្តមសេនីយ៍ទោ សេង ធារិន ប្រធានគណៈបញ្ជាការបង្ក្រាបបទល្មើស ក្នុងភូមិសាស្ត្របឹង ទន្លេសាប នៅយប់ថ្ងៃទី២៣ ខែមីនា ឆ្នាំ២០២៦ កងកម្លាំងសហការរបស់យោធា ដឹកនាំដោយលោក ប៊ីរ ស្មីចន្នី មេបញ្ជាការរង និងកម្លាំងកងពលតូចស្មើជើងលេខ៥១ និងកងកម្លាំងភូមិភាគ៥ បានធ្វើការល្បាតលើផ្លូវជាតិលេខ៦ ចាប់ឃាត់បានរថយន្តដឹកលៀសខុសច្បាប់ចំនួនពីរគ្រឿង គោលដៅដឹកទៅប្រទេសវៀតណាម ស្ថិតត្រង់ចំណុចភូមិសាស្ត្រ ឃុំខ្ចាស់ ស្រុកសូត្រគម ខេត្តសៀមរាប ។
យោងតាមការបញ្ជាក់របស់លោកមេបញ្ជាការរង គោលដៅទី១ លើផ្លូវជាតិលេខ6 វេលាម៉ោង05:30នាទី ធ្វើការចុះត្រួតពិនិត្យ និងឃាត់រថយន្ត ដឹកលៀសខុសច្បាប់01គ្រឿង ម៉ាក LIBERO ស្លាកលេខ (កំពង់ធំ 3A-3440) ដឹកលៀសចំនួន៤តោន នៅចំណុចភូមិសាស្ត្រ ភូមិខ្ចាស់ ឃុំខ្ចាស់ ស្រុកសូត្រនិគម ខេត្តសៀមរាប ។ ចំណែកឯតៃកុងរថយន្តដឹកលៀសខុសច្បាប់ខាងលើបានរត់គេចខ្លួនបាត់ ហើយរថយន្តត្រូវបានយកមករក្សាទុក ដើម្បីដោះស្រាយតាមនីតិវិធីច្បាប់ និងលៀសកម្លាំងសហការរបស់យោធាយកទៅប្រលែងក្នុងបឹងទន្លេសាបវិញ ។ សូមបញ្ជាក់ ៖ រថយន្តខាងលើ គ្មានលិខិតអនុញ្ញាតដឹកលៀសនោះទេ ។
និងគោលដៅទី២ នៅលើផ្លូវជាតិលេខ6 វេលាម៉ោង 08:30 នាទី កម្លាំងសហការរបស់យោធា បានធ្វើការចុះត្រួតពិនិត្យ និងឃាតបានរថយន្តដឹកលៀសខុសច្បាប់ចំនួន 01គ្រឿង ទៀត ម៉ាក LIBERO ស្លាកលេខ (សៀមរាប 2C-2184) ដឹកលៀសចំនួន04តោន នៅចំណុចភូមិសាស្ត្រ ភូមិខ្ចាស់ ឃុំខ្ចាស់ ស្រុកសូត្រនិគម ខេត្តសៀមរាប ហើយបានឃាត់ខ្លួនថៅកែលៀស និងតៃកុងរថយន្តចំនួន02នាក់ ក្រុមការងារសហការរបស់យោធាបានយករថយន្តមករក្សាទុកនៅទីបញ្ជាការស្រាល ចំណែកឯមនុស្សធ្វើការប្រគល់ជូនទៅមន្ត្រីជំនាញដើម្បីដោះស្រាយតាមនីតិវិធីច្បាប់ និងលៀសបានយកទៅប្រលែងក្នុងបឹងទន្លេសាបវិញ ។ បញ្ជាក់៖ រថយន្តខាងលើ គ្មានលិខិតអនុញ្ញាតដឹកលៀសនោះទេ ។
ក្នុងករណីកម្លាំងសហការរបស់យោធា ដឹកនាំដោយលោកមេបញ្ជាការរង តាមបទបញ្ជារបស់ថ្នាក់លើបានចុះបង្ក្រាបបទល្មើសខាងលើ ជាលទ្ធផលសរុបរួម ឃាត់រថយន្តបានចំនួន២ គ្រឿង និងមនុស្សចំនួន៣ នាក់ និងលៀសខុសច្បាប់បម្រុងដឹកទៅប្រទេសវៀតណាមចំនួន៨តោន ៕
ចែករំលែកព័តមាននេះ