សង្គ្រាមអ៉ីរ៉ង ៖ ពេលដែលសង្គ្រាមអ៉ីរ៉ង់ចូលដល់សប្ដាហ៍ទី៤ បណ្ដាហេដ្ឋារចនាសម្ព័ន្ធគន្លឹះជាគោលដៅនៃការវាយប្រហារ។ រដ្ឋមន្ត្រីថាមពលអ៉ីរ៉ង់អះអាងនាថ្ងៃទី២២ មីនា ថា បណ្ដាហេដ្ឋារចនាសម្ព័ន្ធទឹក និងថាមពលរបស់ប្រទេស រងការបំផ្លាញធ្ងន់ធ្ងរបំផុតដោយការវាយប្រហាររបស់អ៉ីស្រាអែល…
សង្គ្រាមអ៉ីរ៉ង ៖ ពេលដែលសង្គ្រាមអ៉ីរ៉ង់ចូលដល់សប្ដាហ៍ទី៤ បណ្ដាហេដ្ឋារចនាសម្ព័ន្ធគន្លឹះជាគោលដៅនៃការវាយប្រហារ។ រដ្ឋមន្ត្រីថាមពលអ៉ីរ៉ង់អះអាងនាថ្ងៃទី២២ មីនា ថា បណ្ដាហេដ្ឋារចនាសម្ព័ន្ធទឹក និងថាមពលរបស់ប្រទេស រងការបំផ្លាញធ្ងន់ធ្ងរបំផុតដោយការវាយប្រហាររបស់
អ៉ីស្រាអែល និងអាមេរិក។
អ៉ីស្រាអែល និងសហរដ្ឋអាមេរិកបានបើកការវាយលុកទ្រង់ទ្រាយធំប្រឆាំងអ៉ីរ៉ង់ពីថ្ងៃទី២៨ កុម្ភៈមក ដោយសម្លាប់មេដឹកនាំកំពូលអ៉ីរ៉ង់លោកអាយ៉ាតុលាអាលីខាមេនី ហើយដោយបង្កសង្គ្រាមមួយដែលរីករាយដាលដល់តំបន់មជ្ឈឹមបូព៌ាទាំងមូល។ ដកស្រង់សម្ដីដោយទីភ្នាក់ងារព័ត៌មាន
អ៉ីរ៉ង់ISNA លោកអាប់បាស់អាលីយ៉ាបានីថ្លែងថា ហេដ្ឋារចនាសម្ព័ន្ធទឹកនិងអគ្គិសនីរបស់ប្រទេស រងការបំផ្លាញធ្ងន់ធ្ងរបំផុត ក្រោយការវាយប្រហាររបស់អាមេរិក និងពួកស្យូនីស្តអ៉ីស្រាអែល។ ការវាយប្រហារសំដៅលើបណ្ដាទីតាំងចែកចាយនិងចម្រាញ់ទឹក និងបំផ្លាញបណ្ដាញផ្គត់ផ្គង់សំខាន់ៗ។ លោកបន្តថាការខិតខំប្រឹងប្រែងកំពុងធ្វើដើម្បីជួសជុលការខូចខាតឡើងវិញ។
តាមប្រមុខអឌ្ឍចន្ទក្រហមអ៉ីរ៉ង់លោកពៀរហ៊ូសេនកូលីវ៉ង់ថា ទីតាំងស៊ីវិលជាច្រើនរងការការបំផ្លាញ ក្នុងនោះមានបណ្ដាអគាររស់នៅនិងពាណិជ្ជកម្ម សាលារៀន បណ្ដាមជ្ឈមណ្ឌលសុខាភិបាលនិងយានយន្តដែលមានដល់ប្រមាណជា៨១.៣៦៥គ្រឿង ដែលជាតួលេខរាប់នៅតាមបណ្ដាទីលានផ្ទាល់ ។
ក្រសួងសុខាភិបាលអ៉ីរ៉ង់ធ្លាប់គូសបញ្ជាក់ កាលពីថ្ងៃទី៨ មីនា ថា មនុស្សជាង១២០០នាក់បានត្រូវស្លាប់ ក្នុងការវាយប្រហាររបស់អ៉ីស្រាអែល និងអាមេរិកនិងថា ជនស៊ីវិលជាង១០.០០០នាក់រងរបួស។ ចំណែកអង្គការសិទ្ធិមនុស្សមួយមានមូលដ្ឋាននៅអាមេរិក បានលើកកាលពីថ្ងៃទី២២មីនានូវតួលេខមួយថា ចំនួនអ្នកស្លាប់មានដល់យ៉ាងតិច៣២២០នាក់ ក្នុងនោះ មានជនស៊ីវិល១៣៩៦នាក់ ទាហាន១១៦៥នាក់ហើយមនុស្ស៦៥៧នាក់មិនច្បាស់ថា ជាទាហានឬស៊ីវិល ។
កាលពីយប់ថ្ងៃទី២១ មីនា ប្រធានាធិបតីអាមេរិកលោកដូណាល់ត្រាំ បានដាក់ឱសានវាទមួយដល់អ៉ីរ៉ង់ឲ្យបើកច្រកហ័រមូស ក្នុងរយៈពេល៤៨ម៉ោងទៀត បើមិនដូច្នេះទេ អាមេរិកនឹងកម្ទេច មជ្ឈមណ្ឌលអគ្គិសនីអ៉ីរ៉ង់ឲ្យខ្ទេច ។ ចំណែកអ៉ីរ៉ង់បានគំរាមតបវិញ វាយប្រហារបណ្ដាទីតាំងថាមពលនិងបណ្ដាទីតាំងចម្រាញ់ទឹក ក្នុងតំបន់ទាំងមូល ៕
ចែករំលែកព័តមាននេះ