ខេត្តសៀមរាប ៖ បេកក្ខភាពបវរកញ្ញា និងជាបងប្អូនបង្កើតនឹងគ្នា គឺកញ្ញា អ៊ិន លក្ខិណា និង អ៊ិន ម៉ូនីកា…
ខេត្តសៀមរាប ៖ បេកក្ខភាពបវរកញ្ញា និងជាបងប្អូនបង្កើតនឹងគ្នា គឺកញ្ញា អ៊ិន លក្ខិណា និង អ៊ិន ម៉ូនីកា បានតុបតែជាអង្គអប្សរាជាពណ៌មាស និងប្រាក់ បង្ហាញវត្តមានលើទឹកដីអង្គរចំថ្ងៃសមរាត្រី ទទួលការចាប់អារម្មណ៍យ៉ាងខ្លាំងពីសំណាក់ភ្ញៀវជាតិ និងអន្តរជាតិដែលចូលទស្សនា ។
កាលពីថ្ងៃទី២១ ខែមីនា ភ្ញៀវជាតិ និងអន្តរជាតិ បានសម្រុកជាច្រើមនាក់នាំគ្នាទៅមើលថ្ងៃរះចំកំពូលប្រាសាទអង្គរវត្ តឬគេហៅថា សមរាត្រី ដោយនៅក្នុងបងប្អូនត្រកូល អ៊ិន ទាំងពីរក៏បានលេចវត្តមានជាអង្គអប្សរា ក្រោមប្រសិទ្ធនាម ទេពអប្សរនៃអង្គរ ។ ការតុបតែងជាអប្សរានាពេលនេះ គឺក្នុងគោលបំណងបង្ហាញភ្ញៀវជាតិ និងអន្តរជាតិបានឃើញតួអង្គអប្សរាដែលមិនត្រឹមតែនៅលើប្រាង្គប្រាសាទប៉ុណ្ណោះទេ តែក៏មានអប្សរាដែលមានជីវិតផងដែរ ។
ការតុបតែងជាអង្គអប្សរាមាស និងប្រាក់ ពី អ៊ិន លក្ខិណា និង អ៊ិន ម៉ូនីកា នាពេលនេះ ទទួលបានការចាប់អារម្មណ៍ និងទាក់ទាញយ៉ាងខ្លាំង ដោយនៅក្នុងនោះ មហាជនទាំងជាតិ និងអន្តរជាតិនាំគ្នាបានចោមរោមមើល និងថតជាមួយនាងផងដែរ ។ យ៉ាងណា ទន្ទឹមនឹងភាពជោគជ័យនៃការតុបតែងជាតួអង្កអប្សរានាពេលនេះ តារាទាំងពីរនេះក៏មានជួបនូវបញ្ហាខ្លះដែរ ។
តារាសម្តែងនាង អ៊ិន លក្ខិណា បានអះអាងថា ដោយសារការតុបតែងតួអង្គអប្សរានាពេលនេះបងប្អូននាងទាំងពីរបានក្រោកតាំងពីម៉ោង៣ទៀបភ្លឺ ដើម្បីរៀបខ្លួន និងធ្វើដំណើរទៅកាន់រមនីយដ្ឋានអង្គរ ។
នាងបញ្ជាក់ថា អំឡុងពេលជិតដល់ពេលថ្ងៃរះចំកណ្តាលកំពូលប្រាសាទអង្គរនោះ នាងក៏មានអាការៈមិនស្រួល គឺវិល និងងងឹតមុខយ៉ាងខ្លាំង ។ ប៉ុន្តែនៅពេលនោះ នាងបានខិតខំយ៉ាងខ្លាំង និងមានក្រុមការងារជួយសម្រួលអោយនោះទើបនាងអាចក្រោកឡើងវិញបាន ។
បើតាម អ៊ិន លក្ខិណា អំឡុងពេលនោះ នាងស្ទើរតែនោះបង់ការសម្តែងនោះហើយ ប៉ុន្តែនាងនៅតែតាំងចិត្តខំប្រឹង ព្រោះនាងគិតថា នេះជាការលះបង់ដ៏តិចតួចប៉ុណ្ណោះរបស់នាងចំពោះជាតិ ។
នាងថា សម្រាប់ព្រឹត្តការណ៍សមរាត្រីនេះ យើងទាំងអស់គ្នាមិនគួរមើលរំលងឡើយ ព្រោះវាមានភាពស្រស់ស្អាតខ្លាំងណាស់សម្រាប់ប្រាសាទអង្គររបស់យើង ។
យ៉ាងណា នាងសុំការអភ័យទោសចំពោះបងប្អូនទាំងអស់គ្នា បើសិនបងប្អូននាងមានការខុសឆ្គងត្រង់ចំណុចណាមួយ ឬមិនបានថតជុំបងប្អូនអស់ ព្រោះអំឡុងពេលនោះនាងពិតជាមិនស្រួលខ្លួនពិតមែន ៕
ចែករំលែកព័តមាននេះ