រាជធានីភ្នំពេញ ៖ អង្គភាពប្រឆាំងអំពើពុករលួយ (ACU) បានឃាត់ខ្លួនមន្ត្រីរបស់ខ្លួន ចំនួន២នាក់ និងម្នាក់ទៀតជាជំនួសការ ជឹម អូន ពាក់ព័ន្ធនឹងបទល្មើសរំលោ.ភអំណាចមានទ្រព្យសម្បត្តិដោយខុសច្បាប់…
រាជធានីភ្នំពេញ ៖ អង្គភាពប្រឆាំងអំពើពុករលួយ (ACU) បានឃាត់ខ្លួនមន្ត្រីរបស់ខ្លួន ចំនួន២នាក់ និងម្នាក់ទៀតជាជំនួសការ ជឹម អូន ពាក់ព័ន្ធនឹងបទល្មើសរំលោ.ភអំណាចមានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ និងសមគំនិតក្នុងអំពើរំលោ.ភអំណាច ។ នេះបើតាមការឲ្យពីអ្នកនាំពាក្យ ACU ។
លោក សយ ច័ន្ទវិចិត្រ អ្នកនាំពាក្យ ACU បានប្រាប់សារព័ត៌មានកោះសន្តិភាព នៅព្រឹកថ្ងៃទី១៩ ខែមីនា ឆ្នាំ២០២៦ ថាអង្គភាពប្រឆាំងអំពើពុករលួយ (ACU) បានឃាត់ខ្លួនមនុស្សចំនួន ៣នាក់ និងបានបញ្ជូនសំណុំរឿងទៅសាលាដំបូងរាជធានីភ្នំពេញ ដើម្បីចាត់វិធានការតាមផ្លូវច្បាប់ ។
បើតាមអ្នកនាំពាក្យក៏បានឲ្យដឹងថា ជនសង្ស័យទាំង ៣នាក់ជាប់ពាក់ព័ន្ធបទរំលោ.ភអំណាចមានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ និងសមគំនិតក្នុងអំពើរំលោ.ភអំណាច ។
អ្នកនាំពាក្យបានលើកឡើងថា ជនសង្ស័យទាំង ៣រូប រួមមាន ៖
ទី១, ឈ្មោះ ជឹម អូន ភេទប្រុស អាយុ៣៨ឆ្នាំ ជាមន្ត្រីនាយកដ្ឋានស៊ើបអង្កេត និងចារកម្ម នៃអង្គភាពប្រឆាំងអំពើពុករលួយ ជាប់សង្ស័យពីបទរំលោ.ភអំណាច មានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ និងបំណុល ។
ទី២, ឈ្មោះ ជឹម សុខជឿន ភេទប្រុស អាយុ៣២ឆ្នាំ ជាជំនួសការ ជឹម អូន ជាប់សង្ស័យពីបទសមគំនិត ក្នុងអំពើរំលោ.ភអំណាច ។
ទី៣, ឈ្មោះ ភេន រចនា ភេទស្រី អាយុ៣៦ ឆ្នាំ អតីតមន្ត្រីជាប់កិច្ចសន្យានៃនាយកដ្ឋានរដ្ឋបាល និងហិរញ្ញវត្ថុ នៃអង្គភាពប្រឆាំងអំពើពុករលួយ ជាប់សង្ស័យពីបទសមគំនិតក្នុងអំពើរំលោ.ភអំណាច ។
សូមបញ្ជាក់ថា មនុស្សប្រុសស្រីទាំង ៣នាក់ ត្រូវបានអង្គភាពប្រឆាំងអំពើអំពើរពុករលួយបញ្ជូនទៅតុលាការ ដើម្បីចាត់ការតាមនីតិវិធីច្បាប់ រួចហើយ៕
ចែករំលែកព័តមាននេះ