រាជធានីភ្នំពេញ ៖ យោងតាមមាត្រា ៣ និងមាត្រា ១១ នៃច្បាប់ស្តីពី ម៉ាក ពាណិជ្ជនាម និងអំពើនៃការប្រកួតប្រជែងមិនស្មោះត្រង់…
រាជធានីភ្នំពេញ ៖ យោងតាមមាត្រា ៣ និងមាត្រា ១១ នៃច្បាប់ស្តីពី ម៉ាក ពាណិជ្ជនាម និងអំពើនៃការប្រកួតប្រជែងមិនស្មោះត្រង់ និងយោងតាមលិខិតស្នើសុំរបស់ ក្រុមហ៊ុន អូធីស អេលីវេធ័រ (ខេមបូឌា) ខមភេនី លីមីធីត (OTIS ELEVATOR (CAMBODIA) COMPANY LIMITED) ចុះថ្ងៃទី ២២ ខែធ្នូ ឆ្នាំ ២០២៥, ក្រសួងពាណិជ្ជកម្ម នៃព្រះរាជាណាចក្រកម្ពុជា បានឯកភាពកត់ត្រាទទួលស្គាល់សិទ្ធិនាំចូល និងចែកចាយផ្តាច់មុខលើជណ្តើរយន្ត (Escalators) ជណ្តើរយន្តប្រអប់ (Elevators) និងគ្រឿងបន្លាស់ពាក់ម៉ាក “OTIS” របស់ ក្រុមហ៊ុន អូធីស អេលីវេធ័រ (ខេមបូឌា) ខមភេនី លីមីធីត ដែលទទួលបានពីក្រុមហ៊ុន OTIS ELEVATOR COMPANY តាមរយៈលិខិតប្រកាសលេខ៖ ០៤៩៣ ព.ណ កសប របស់ ក្រសួងពាណិជ្ជកម្ម នៃព្រះរាជាណាចក្រកម្ពុជា ចុះនៅថ្ងៃទី ១១ ខែកុម្ភៈ ឆ្នាំ ២០២៦ ។
តាមរយៈលិខិតកត់ត្រាទទួលស្គាល់សិទ្ធិនាំចូល និងចែកចាយផ្តាច់មុខនេះ ក្រុមហ៊ុន អូធីស អេលីវេធ័រ (ខេមបូឌា) ខមភេនី លីមីធីត គឺជាអ្នកទទួលបានសិទ្ធិផ្តាច់មុខស្របច្បាប់តែមួយគត់ក្នុងការនាំចូល និងចែកចាយលើជណ្តើរយន្ត (Escalators) ជណ្តើរយន្តប្រអប់ (Elevators) និងគ្រឿងបន្លាស់ដែលមានពាក់ម៉ាកខាងលើទូទាំងព្រះរាជាណាចក្រកម្ពុជា ។
ការទទួលស្គាល់នេះនឹងផ្តល់ជូនទំនុកចិត្តដល់អតិថិជនទាំងអស់ដែលនិយមគាំទ្រជណ្តើរយន្ត (Escalators) ជណ្តើរយន្តប្រអប់ (Elevators) និងគ្រឿងបន្លាស់ម៉ាក “OTIS” ដែលផ្គត់ផ្គង់ដោយ ក្រុមហ៊ុន អូធីស អេលីវេធ័រ (ខេមបូឌា) ខមភេនី លីមីធីត សុទ្ធតែត្រូវបានបញ្ជាក់ដោយក្រុមហ៊ុនមេ OTIS ELEVATOR COMPANY អំពីកម្រិតស្តង់ដាគុណភាពច្បាស់លាស់ជូនអតិថិជន និងចៀសវាងការប្រើប្រាស់ផលិតផលក្លែងក្លាយ ។
ជាមួយគ្នានេះផងដែរ ក្រុមហ៊ុន អូធីស អេលីវេធ័រ (ខេមបូឌា) ខមភេនី លីមីធីត មានសិទ្ធិស្របច្បាប់ក្នុងការដាក់ពាក្យបណ្តឹងទៅកាន់អាជ្ញាធរមានសមត្ថកិច្ចដើម្បីចាត់វិធានការទៅលើការនាំចូល និងចែកចាយជណ្តើរយន្ត (Escalators) ជណ្តើរយន្តប្រអប់ (Elevators) និងគ្រឿងបន្លាស់ដែលពាក់ម៉ាកដូចគ្នាទៅនឹងម៉ាករបស់ក្រុមហ៊ុនដូចដែលមានចែងក្នុងលិខិតទទួលសិទ្ធិនេះផងដែរ ។ អាស្រ័យដូចបានជម្រាបជូនខាងលើ សូមសាធារណជនមេត្តាជ្រាប ៕អត្ថបទសហការ
ខាងក្រោមនេះ គឺជាលិខិតថតចម្លងចេញដោយក្រសួងពាណិជ្ជកម្ម ៖
ចែករំលែកព័តមាននេះ