រាជធានីភ្នំពេញ ៖ បន្ទាប់ពីរងការរិះគន់ពីមហាជនពាក់ព័ន្ធការសម្ភាសន៍លោកពូអ្នកលក់ស្ករទាញដែលកំពុងល្បីល្បាញលើបណ្តាញសង្គមនោះ តាប៊ុយបានចេញមុខឆ្លើយតបហើយដោយលោកបានចាត់ទុកមតិរិះគន់នោះ គឺសិទ្ធិរបស់មហាជន ខណៈពេលដែលលោកតែងតែគិតតែរឿងវិជ្ជមាន និងល្អចំពោះមនុស្សនៅជុំវិញខ្លួន ។ ការចេញមុខឆ្លើយតបខាងលើ របស់ពិធីករលោកតាប៊ុយ…
រាជធានីភ្នំពេញ ៖ បន្ទាប់ពីរងការរិះគន់ពីមហាជនពាក់ព័ន្ធការសម្ភាសន៍លោកពូអ្នកលក់ស្ករទាញដែលកំពុងល្បីល្បាញលើបណ្តាញសង្គមនោះ តាប៊ុយបានចេញមុខឆ្លើយតបហើយដោយលោកបានចាត់ទុកមតិរិះគន់នោះ គឺសិទ្ធិរបស់មហាជន ខណៈពេលដែលលោកតែងតែគិតតែរឿងវិជ្ជមាន និងល្អចំពោះមនុស្សនៅជុំវិញខ្លួន ។
ការចេញមុខឆ្លើយតបខាងលើ របស់ពិធីករលោកតាប៊ុយ បានធ្វើឡើង បន្ទាប់រូបភាពវីដេអូរបស់លោកដែលធ្វើការសម្ភាសន៍លោកពូដែលជាអ្នកលក់ស្ករទាញមកពីខេត្តសៀមរាប ដោយនៅក្នុងកិច្ចសម្ភាសន៍នោះ លោកបានប្រើប្រាស់សំណួរបែបចំអកហាក់ដូចជាបន្ទាបបង្អាប់ដល់លោកពូលក់ស្ករទាញដែលកំពុងទទួលការចាប់អារម្មណ៍យ៉ាងខ្លាំងនៅលើ
បណ្តាញសង្គមតាមរយៈកាយវិការាំច្រៀង ។
រឿងរ៉ាវនេះ តាប៊ុយបានទទួលរិះគន់ និងការមិនពេញចិត្តយ៉ាងខ្លាំងពីសំណាក់មហាជន ដោយនៅក្នុងនោះ ក៏មានអ្នកសិល្បៈមួយចំនួន ក៏សម្តែងការមិនពេញចិត្តចំពោះទង្វើរបស់លោកផងដែរ ។
យ៉ាងណា ជុំវិញរឿងរ៉ាវខាងលើ ពិធីករលោកតាប៊ុយ ក៏បានចេញមុខធ្វើការបកស្រាយតាមរយៈសំណេរបង្ហោះលើបណ្តាញសង្គមថា «សារនេះសូមជូនជាពិសេសជូនចំពោះសិល្បករ សិល្បការិនី influencers content creator បណ្តាអ្នកគាំទ្រ ឬមិនគាំទ្រដែលបានខមមិនទាក់ទងរឿងរ៉ាវថ្មីៗ ឬកន្លងមកអំពីខ្ញុំបាទ ។
លោកថា សម្រាប់អារម្មណ៍ខ្ញុំគឺទុកសិទ្ធិអោយពុកម៉ែបងប្អូនខមមិនដោយសេរី ពីព្រោះជាសិទ្ធិរបស់គាត់ ពីព្រោះខ្ញុំបាទជាមនុស្សម្នាក់សំលឹងមើលឃើញតែចំណុចល្អវិជ្ជមានរបស់មនុស្សជុំវិញខ្លួន ឬក្នុងបណ្តាញសង្គម ពីព្រោះមនុស្សយើងម្នាក់ៗតែងតែមានចំណុចល្អក្នុងខ្លួន ហើយក៏នៅតែចងចាំអំពើល្អរបស់សិល្បករសិល្បការិនី influencers content creators ដែលធ្លាប់ចូលរួមធ្វើជាភ្ញៀវកិត្តិយសក្នុងកម្មវិធីពេញចិត្តឬអត់ដែលខ្ញុំបាទធ្លាប់ផលិតកន្លងមក ។
លោកបន្តថា ប្រសិនបើមិនមានវត្តមានគាត់ក្នុងកម្មវិធី ក៏មិនជោគជ័យដូចដែលពុកម៉ែបងប្អូនបានដឹង និងទទួលស្គាល់ ពិសេសគឺអរគុណអស់ពីបេះដូង និងទឹកចិត្តដល់ពុកម៉ែបងប្អូនដែលចំណាយពេលវេលាដ៏មានតម្លៃក្នុងការទស្សនាកម្មវិធីរបស់ខ្ញុំបាទ មិនមានការចូលរួម ឬគាំទ្រចំណុចណាមួយរបស់អ្នកទាំងអស់គ្នា ខ្ញុំបាទក៏មិនមានថ្ងៃនេះដែរ ពិសេស ការផ្តល់ឱកាសការងារពីMyTVដែលជាកន្លែងផ្លាស់ប្តូរឆាកជីវិតខ្ញុំ ។
លោកបញ្ជាក់ថា សម្រាប់អារម្មណ៍ខ្ញុំពេលនេះ គឺរឹងមាំទាំងរូបរាង សុខភាពផ្លូវកាយ ផ្លូវចិត្តបន្ទាប់ពីសំរាកការគិតមួយរយៈគួរសម ពិសេស គឺខ្ញុំបាទបានជោគជ័យក្នុងការគេង បន្ទាប់ពីបរាជ័យការគេងជាយូរជំនាន់ ធ្វើការនៅMyTV ពីព្រោះគិតច្រើនមិនចេះគ្រប់គ្រងអារម្មណ៍ខ្លួនឯង។
តាប៊ុយបានលើកឡើងបន្ថែមថា រាល់ថ្ងៃគឺសប្បាយចិត្តប្រឹងតែងហាត់ប្រាណ ធ្វើការរកលុយ ហើយដើរទៅណាក៏ញញឺម ពីព្រោះផ្លូវវិត្តកំពុងល្អ ពិសេសអាចជោគជ័យក្នុងការគេង ។
ខុសឆ្គងត្រង់ចំណុចណា ខ្ញុំបាទសូមអភ័យទោស ហើយក៏សង្ឃឹមថា នឹងមានការបកប្រែសារនេះ ក្នុងន័យអវិជ្ជមានណាមួយ និងអរគុណយ៉ាងពិសេស និងចងចាំរឿងរ៉ាងល្អៗកន្លងមកដល់សិល្បករសិល្បការិនី influncers content creators បណ្តាអ្នកគាំទ្រនឹងCBS ៕
ចែករំលែកព័តមាននេះ