រាជធានីភ្នំពេញ ៖ តារាសម្តែងនាង សឹម ស្រីនិច្ច បានស្ម័គ្រចិត្តចូលរួមការសម្តែងសិល្បៈល្ខោនខោល ក្នុងគោលបំណងផ្សព្វផ្សាយ និងថែរក្សាសិល្បះបុរាណមួយនេះអោយបានគង់វង្សមិនឱ្យបាត់បង់ ។ តារាស្រីរូបនេះបានបញ្ជាក់ថា…
រាជធានីភ្នំពេញ ៖ តារាសម្តែងនាង សឹម ស្រីនិច្ច បានស្ម័គ្រចិត្តចូលរួមការសម្តែងសិល្បៈល្ខោនខោល ក្នុងគោលបំណងផ្សព្វផ្សាយ និងថែរក្សាសិល្បះបុរាណមួយនេះអោយបានគង់វង្សមិនឱ្យបាត់បង់ ។
តារាស្រីរូបនេះបានបញ្ជាក់ថា តាមរយៈការចូលរួមសម្តែងល្ខោនខោលនាពេលនេះ គឺជាការតបស្នងទៅវិញសម្រាប់ស័យសិល្បៈ ដ្បិតសិល្បៈបានធ្វើអោយជីវិតនាងមានការវិវត្តន៍នៃការរស់នៅមកដល់ពេលបច្ចុប្បន្ននេះ ។
តាមរយៈសំណេរបង្ហោះលើបណ្តាញសង្គមតារាសម្តែង សឹម ស្រីនិច្ច បានលើកឡើងថា សិល្ប:ចិញ្ចឹមក្មេងស្រីម្នាក់នេះមកច្រើនហើយ រហូតដល់ក្មេងស្រីម្នាក់នេះ ក្លាយជាមនុស្សស្រីម្នាក់ក្នុងការវិវត្តន៍នៃការរស់នៅ ។
នាងថា ខ្ញុំមិនមានអ្វីច្រើនតបស្នងបានច្រើន ក្រៅពីអាចចូលរួមជួយផ្សព្វផ្សាយអភិរក្សសិល្ប:អរិយ៍ធម៌ វប្បធម៌ខ្មែរ កុំអោយបាត់បង់ជាងនេះតាមដែលអាចធ្វើទៅបានអោយអស់ពីសមត្ថភាព និងពេលវេលាថែមទាំងសង្ឃឹមថា ជួយពង្រឹងនូវសក្តារនុពលជូនលោកគ្រូអ្នកគ្រូជាម្លប់នៃទម្រង់សិល្ប:ល្ខោនខោលដល់កូនចៅជំនាន់ក្រោយអោយបានយូរអង្វែងគង់វង្ស ។
នាងបន្ថែមថា សូមគោរពវត្តមានពុកម៉ែបងប្អូនគាំទ្រលើកទឹកចិត្តទម្រង់សិល្ប:ល្ខោនខោលនេះជាមួយនាងខ្ញុំផងណា ដោយការគោរព ថ្ងៃសម្តែងគឺខែក្រោយនេះហើយ សង្ឃឹមពុកម៉ែបងប្អូនបានអញ្ជើញចូលរួមទស្សនាណាចាស ។
តាមរយៈសកម្មភាពខាងលើនេះ សឹម ស្រីនិច្ច ត្រូវបានមហាជន ជាពិសេសបណ្តាអ្នកគាំទ្របានសម្តែងការគាំទ្រ ខណៈពេលការចូលសម្តែងផ្នែកសិល្បៈបុរាណល្ខោនខោលរបស់នាងនាពេលនេះ គឺអាចនិយាយបានថា ជាការវិវត្តន៍ថ្មីមួយទៀតក្នុងការងារសិល្បៈរបស់នាង ក្រៅពីអាជីពសម្តែងភាពយន្ត ។
ជាការកត់សម្គាល់ បន្ទាប់ពីបាត់មុខពីវិស័យសិល្បៈមួយរយៈនោះមក បច្ចុប្បន្ន សឹម ស្រីនិច្ច បានបង្ហាញវត្តមាននៅក្នុងខ្សែភាពយន្តថ្មីៗជាបន្តបន្ទាប់ ។
ចែករំលែកព័តមាននេះ