រាជធានីភ្នំពេញ ៖ បេក្ខជនមួយរូប នៅមណ្ឌលប្រឡងខេត្តសៀមរាប ត្រូវបានបញ្ជូនតាមរថយន្តសង្គ្រោះ ក្នុងស្ថានភាពធ្ងន់ធ្ងរបាត់បង់ស្មារតី ។ នេះបើតាមអង្គភាពប្រឆាំងអំពើពុករលួយ ។ ប្រភពបានឲ្យដឹងថា…
រាជធានីភ្នំពេញ ៖ បេក្ខជនមួយរូប នៅមណ្ឌលប្រឡងខេត្តសៀមរាប ត្រូវបានបញ្ជូនតាមរថយន្តសង្គ្រោះ ក្នុងស្ថានភាពធ្ងន់ធ្ងរបាត់បង់ស្មារតី ។ នេះបើតាមអង្គភាពប្រឆាំងអំពើពុករលួយ ។
ប្រភពបានឲ្យដឹងថា នៅថ្ងៃទី២៩ ខែសីហា ឆ្នាំ២០២៥ នាវេលាម៉ោង7:30នាទីព្រឹក បេក្ខជនឈ្មោះ ដូង ពនេអព្យា ភេទប្រុស បន្ទប់លេខ 29 លេខតុ 714 បានបញ្ជូនតាមរថយន្តសង្គ្រោះមកមណ្ឌលប្រឡងក្នុងស្ថានភាពធ្ងន់ធ្ងរបាត់បង់ស្មារតី ។
តាមការផ្ដល់ព័ត៌មានពីអាណាព្យាបាលបានឱ្យដឹងថា កាលពីយប់មិញ បេក្ខជន ដូង ពនេអព្យា បានដួលប៉ះទង្គិចក្បាលនៅកន្លែងស្នាក់នៅ ហើយបានចូលសម្រាកនៅមន្ទីរពេទ្យឯកជនមួយនៅក្នុងខេត្តសៀមរាប ។
លុះព្រឹកឡើង អាណាព្យាបាលក៏បានទាក់ទងមកមណ្ឌលសុំការអនុញ្ញាត ដើម្បីឱ្យបេក្ខជនចូលប្រឡង តែក្រោយពីបញ្ជូនមកមណ្ឌលប្រឡងគ្រូពេទ្យប្រចាំមណ្ឌលបានពិនិត្យឃើញថា បេក្ខជន មិនអាចប្រឡងបានទេ ហើយត្រូវបានបញ្ជូនទៅមន្ទីរពេទ្យបង្អែកខេត្តសៀមរាប ដើម្បីបន្តការព្យាបាល ៕
ចែករំលែកព័តមាននេះ